Levítico 24:2 - Qullan Arunaca

² “Israelitanacarojj aqham saraquim: Jupanacajj olivo achut apsuta aceite apanipjjpan, ucasti lamparanacajj jan jiwt'ayasa naqhayañataquiraquïniwa.

Aymar Bibliia 1986

² “Israelitanacarojj aqham saraquim: Jupanacajj olivo achut apsuta aceite apanipjjpan, ucasti lamparanacajj jan jiwt'ayasa naqhayañataquiraquïniwa.

Qullan Arunaka DC

² “Israelitanakarux olivo achut apsuta aceite apanipxpan sama, ukasti lamparanakax jan jiwt'ayas aqayañatakïniwa.

Levítico 24:2 Jak'a apnaqawi uñst'ayäwi

2 Crónicas 13:11

Jupanacasti alwata jayp'ucamaw Tatitur loktapjje take naqhat loktäwinaca, uqhamarac inciensonacsa, ucatsti uchapjjaraquiwa k'oma mesaru t'ant'anaca cunjämatï lurañapäpqui ucarjama, jayp'unacasa lamparanacwa nactayapjjaraqui, ucanacasti korit lurat candelabronacanwa naqhayi. Cuntï nanacan Tatit Diosajjajj sapquitäna ucwa nanacajj phokhapjjta uca laycu, ucampis jumanacajj apanucuwayapjjtawa.

Salmos 119:105

Arunacamajj sarnakäwejjatac khanawa, thaquejjan khantiriraquiwa.

Salmos 119:130

Arunacamat khanañchäwejj amuyt'ayituwa, pisi amuyt'aninacarojj amuyt'ayiwa.

Éxodo 39:37

Candeleronacsti koritcamaqui lurapjjäna, uqhamarac nina akayañataqui lamparanaca, ucampis lamparanacajj suma yäpar ucht'atäñapänwa. Uca quipcaraquiwa take yänacapsa lurapjjäna, aceitsa uchapjjaraquïnwa nina naqhayañataqui.

Éxodo 40:24

Ucjjarusti ucharaquïnwa candelero Tatitumpi Jiquisiña Carpa mankheru, mesata uñcatasiru, uca kollan chekat aynacha tokeru.

Proverbios 6:23

Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.

Isaías 11:2

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani.

Isaías 8:20

¿Uqhamat mä cuna yatiyäwsa catokañataqui?’ sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Levítico 24:1

Tatitusti Moisesaruw parläna; aqham saraquïnwa:

Levítico 24:3

Aaronaraquiw uca lamparanac asquichañatjja uñjani, uqhamarac uca lamparanaca Tatitun nayrakatapana jan jiwt'ayasa naqhayañatsa, arum pakariraquiw uca lamparanacajj akapjjani, Tatitumpi Jiquisiñ Carpa mankhana, cawquïri velotejj cuna arust'äwi arcatejj utjqui uca jac'ancqui ucat ankäjjanwa akaraquini. Aca leyisti wiñayataquiwa, awquinacata wawanacapcama.

Mateo 4:16

Take ch'amacanquir jakenacajj mä jach'a khanwa uñjapjje, uqhamarac take qhitinacatejj jacapcäna wali ajjsarcañ jiwañ ch'amacanacan ucanacarus mä suma khanaw khant'i” sasa.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Lucas 1:79

qhitinacatï ch'amacan jacasipqui, uqhamarac jiwañ ch'iwinsa, ucanacar khantayañataqui, uqhamarac jiwasarus samarañ thaquirjam irpañataqui.”

Lucas 12:35

“Waquicht'asit suyt'apjjam isthapita, lamparanacams khantayasisa.

Juan 1:4

Jacañajj jupanwa utjäna, aca jacañasti jakenacan khanapänwa.

Juan 1:9

Take jakenacar khant'qui uca chekpach khanawa acapacharojj purisincäna.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

Juan 8:12

Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.