Levítico 23:27 - Qullan Arunaca

²⁷ “Uca pachpa pakallko phajjsi sarakatansti, tunca uru sarakatarojja, jumanacajj mä suma kollana tantachasïwi lurapjjäta, uca urusti ayuno lurapjjäta, uqhamarac Tatitutaquisti mä ofrenda nact'ayasina sacrificiot loktapjjaraquïta.

Aymar Bibliia 1986

²⁷ “Uca pachpa pakallko phajjsi sarakatansti, tunca uru sarakatarojja, jumanacajj mä suma kollana tantachasïwi lurapjjäta, uca urusti ayuno lurapjjäta, uqhamarac Tatitutaquisti mä ofrenda nact'ayasina sacrificiot loktapjjaraquïta.

Qullan Arunaka DC

²⁷ “Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Levítico 23:27 Jak'a apnaqawi uñst'ayäwi

Esdras 8:21

Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Salmos 35:13

Nayajj jupanacar usuntir uñjasajja, walpun llaquisïyäta, qhanqha isimpiw isthapisïyäta, janiw mank'cäyätsa, chuyma mankhejjansti, janiw Diosat mayirapiñ karjascäyätti.

Éxodo 30:10

Aca altarasti Tatitur loktatäniwa, uca laycusti Aaronajj maranjja maya cutiw wajjranacaru sacrificio loktata uywan wilapampi jawt'ani jucha luratanacat pampachatäña jicjjatañataqui. Uqhamsti sapa marawa wiñaya uca altararojj sacrificio loktapjjañamajja juchat pampachasïwi jicjjatañataquejja.”

Isaías 58:5

¿Jumanacasti amuyapjjtati cawquïri ayunañatejj llact'ata jicjjatasiñäqui, p'ekes mä alir uñtata alintata, uqhamaraqui llaqui isimpi isthapita khelljjan iquiñäqui ucajj cheka ayunütapa? ¿Ucaruti jumanacajj ‘Ayuno’ sapjjta? ‘¿Tatitun suma urupa sapjjaracta?’

Levítico 16:11

“Uca khepatsti Aaronajj orko vaca sacrificiot loktjjaraquini, ucasti pachpa juchapata sacrificio loktäwiwa, uca orko vacsti jupan pachpa juchapata, uqhamarac familiapan juchanacapata pampachatäña catokañataquiw loktaraquini.

Levítico 16:15

uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Levítico 16:16

Uqhamatwa uca kollan chekjja k'omachjjaraquini take uca k'añunacatjja, israelitanacan Dios toke sayt'asitanacapata, uqhamarac take jucha luratanacapatsa. Uca quipcaraquiwa Jiquisiñ Carpampisa lurasiñaparaqui, cawquïritejj jupanaca taypincqui, uqhamatwa take k'añunacajja k'omachatäni.

Levítico 16:24

Uca quipca kollana chekanwa jarekasjjaraquini, isthapisitatsti mistunjjaraquiniwa jupa quipcat sacrificio loktañataqui, uqhamarac take jakenacataquisa, ucampiwa jupan juchanacapata uqhamarac jakenacan juchanacapatsa pampachasïwi jicjjataraquini.

Levítico 23:26

Tatitusti Moisesaruw parläna; aqham saraquïnwa:

Levítico 23:28

Uca urusti janipuni cuna casta irnakañanacsa lurapjjamti, uca urojj juchat pampachatäña urütap laycu, jumanacasti uca uruw Tatitu Diosamatjja juchat pampachatäña catokapjjäta.

Levítico 25:9

uca marana pakallko phajjsi sarakjjepansti, uca phajjsina tunca uru sarakatarusti, cunürutejj juchanacat pampachatäña jicjjataña urüqui ucapachasti jumanacajj mä pututu phust'apjjäta take aca marcpachana.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Hechos 27:9

Ucansti jayaraquiw ucancapjjta. Kotanjamsti janiw juc'amp sarañjamäcjjänti, thaya urunacajj jac'achasinjjatapata. Ucatwa Pablojj jupanacarojj amtt'ayi:

Santiago 4:9

Llacthapisipjjam, jachapjjam, wararipjjaraquim. Larutanacamjja jachañarquipstayapjjam, cusisiñanacamsti llaquisiñaru cutiquipstayapjjaraquim.