Levítico 23:14 - Qullan Arunaca

¹⁴ Jumanacan Tatitun ucaru ofrendanacama apañcamasti janiw t'ant'a mank'apjjätati, janiraquiw trigo jamp'itsa ni trigsa mank'apjjätati. Acasti jumanacataquejj wiñaya leyiwa awquinacamataqui, wawanacamataquiraqui; cawqhansa jacasipcam jumanacajja.

Aymar Bibliia 1986

¹⁴ Jumanacan Tatitun ucaru ofrendanacama apañcamasti janiw t'ant'a mank'apjjätati, janiraquiw trigo jamp'itsa ni trigsa mank'apjjätati. Acasti jumanacataquejj wiñaya leyiwa awquinacamataqui, wawanacamataquiraqui; cawqhansa jacasipcam jumanacajja.

Qullan Arunaka DC

¹⁴ Tatitun ukaru waxt'anakam apaniñkamasti, janiw t'ant'sa, trigo jamp'sa, jan ukax chhuyu trigsa manq'apxätati. Kawkhansay jakasipkam, aka kamachisti jumanakatakixa, wawanakamatakis wiñayatakipunïniwa.

Levítico 23:14 Jak'a apnaqawi uñst'ayäwi

Nehemías 9:14

Jupanacarojj yaticharactawa samarañ uru jumatac imapjjañapataqui, ucatjja Moisés sirvirim tokejj churaractawa camachi arunaca, leyinaca, uqhamarac yatichäwinaca.

Salmos 19:8

Tatitun camächit arunacapajj chekapawa, chuymar cusisiyiriwa; Tatitun arsutanacapajj k'omawa, nayranacar khan chuririwa.

Éxodo 27:21

Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Éxodo 34:26

“Ucjjarusti orakenacaman nayrïr suma achunacapjja apapjjaraquïtawa Tatitu Diosaman utaparu. Uqhamarac janiw phayapjjätati cabritonacjja taycapan lecheparu.”

Levítico 10:11

uqhamaraqui israelitanacarusa take cuntejj Tatitojj Moisesaru sawaycatayna ucanaca yatichapjjañanacamataqui” sasa.

Levítico 2:14

“Tatiturutejj nayrakat grano achunacat waquichata mä ofrenda loktätajja, ucasti suma pokorat puyanacat ch'ajjert'asin ninaru jamp'iquipatäñapawa nayrïri grano achunacamat loktäwejja.

Levítico 23:31

“Janipun uca urojj cuna casta irnakañsa lurapjjamti. Aca leyejj jumanacataquejj wiñayataquïniwa, awquinacamataqui, uqhamarac wawanacamataquisa; cawqhansaya jumanacajj jacasipcam.

Levítico 23:41

Sapa mararaquiwa, pakallko phajjsi sarakatarojja, pakallko urunaca fiesta lurapjjäta, uca fiestasti Tatitutaquiraquïniwa. Aca leyisti wiñayataquiraquiwa, awquinacataqui, uqhamaraqui wawanacataquisa.

Levítico 3:17

“Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Deuteronomio 16:12

Amtasipjjaraquim jumanacas Egipto marcanjja esclavöpjjaraquïyätawa, ucatsti take aca leyinacapjja phokhapjjamaya.