Levítico 22:6 - Qullan Arunaca

⁶ uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Aymar Bibliia 1986

⁶ uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Qullan Arunaka DC

⁶ uka jaqisti jayp'ukamax q'añuw uñjasini, janirakiw qullana yänakatsa manq'añapäkaniti janitix umampi jariqaskani ukapachaxa.

Levítico 22:6 Jak'a apnaqawi uñst'ayäwi

Levítico 11:27

“Cawquïri pusi cayuni animalanacatejja, sarnakañataquejj cayu kotunacapampi tact'asipqui ucanacajj jan wali k'añu animalanacat uñt'atäñapawa, ucatsti cawquïri jaketejj uca jiwat animalanacaru llamct'ani ucanacasti jayp'thapiñapcama k'añuquipuniw uñjasipjjani.

Levítico 11:28

Uca quipcaraquiwa cawquïritejj uca jiwat animalanacaru aptani ucasti isinacapjja t'ajjsurasjjañaparaquiwa, ucatsti jayp'thapiñapcama k'añuraquiw uñjasini, ucampisa take jumanacasti uca animalanacarojj k'añu animalanacatwa uñt'apjjäta.

Levítico 11:31

“Take animalanac taypinsti uca animalanacarojj mä k'añu animalanacat uñt'apjjäta. Cawquïri jaketejj uca jiwat animalanacaru llamct'apjjani ucanacasti jayp'thapiñapcama k'añuraquiw uñjasipjjani.

Levítico 11:32

“Uca quipcaraquiwa uca jiwat animalanacatejj mä cunjjarusa liwjjattani ucajja k'añuchataw uñjasjjaraquini. Maderat lurata yänacäpasa, mä isïpasa, jan ucajj lip'ichïpasa, mä costaläpasa, jan ucajj mä cuna herramientäpasa, ucasti umaru uscuntatäñapawa, ucatsti jayp'ucama k'añuraquiw uñjasini; uca khepatwa k'omäjjaraquini.

Levítico 11:39

“Cawquïri uywanactejj jumanacajj mank'añataqui uscusipjjäta ucat uca uywajj jiwjjaraquini, cawquïri jaketejj uca jiwat uywar llamct'ani ucasti jayp'ucama k'añuw uñjasini;

Levítico 11:40

cawquïritejj uca jiwat uywan aychapa mank'cani ucasti, isipa t'ajjsokasjjañapawa, k'añoraquiwa jayp'ucama kheparani, uqhamarac cawquïritejj uca jiwat uywaru wayscani ucasti isipjja t'ajjsokasjjañaparaquiwa, ucampisa jayp'ucama k'añuwa khepararaquini.

Levítico 15:5

“Cawquïritejj uca jaken iquiñapa llamct'ani ucasti, isipa t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añut uñt'ataquïscaniwa.

Levítico 22:5

jan ucajj mä catari casta animal llamct'asasa k'añuchasini, jan ucajj mayni jakesa k'añücasina mayni jake masiparu llamct'asina k'añu tucuyaraquini,

Levítico 22:7

Inti jalantaruwa k'oma uñjasjjaraquini, uca pasatatwa kollana yänacat mank'jjaraquini, ucajj mank'añapätap laycu.

Hageo 2:13

Ucatsti Hageojj sascaquïnwa: “Sañäni, mayni jakejj amaya llamct'i, ucat k'añuchasi, ucatsti sarasinjja cawquïri aca yänacsa llamct'araqui, ¿jichhajj ucanacajj llamct'ata laycojja k'añuti tucuraqui? Sacerdotenacasti ‘Jïsa’ sapjjaraquïnwa.

Números 19:22

Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

1 Corintios 6:11

Jumanacatjja yakhepanacajj uqhamäpjjaraquïyätawa, ucampis jichhajj k'omachatäjjapjjtawa, Diosarus catuyatäjjapjjaractawa, Tatit Jesucriston sutiparu, uqhamarac Diosan Kollan Ajayup tokeraqui.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.