Levítico 18:29 - Qullan Arunaca

²⁹ Cawquïri jaketejj uca k'añu luräwinaca lurascani ucanacasti jakenac taypitjja jiwayatäjjaniwa.

Aymar Bibliia 1986

²⁹ Cawquïri jaketejj uca k'añu luräwinaca lurascani ucanacasti jakenac taypitjja jiwayatäjjaniwa.

Qullan Arunaka DC

²⁹ Khititix uka q'añu luräwinak luraskani ukasti, markap taypit apanukutäniwa.

Levítico 18:29 Jak'a apnaqawi uñst'ayäwi

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Levítico 17:10

“Nayasti take israelitanacataqui, uqhamarac cawquïri jakenacatejj yakha marcanacata jutasina jumanac taypina jacani, take jupanacajj wila mank'apjjaraquini ucanac contraw sayt'äjja, cunjämsa uca wiljja mank'asipcpan. Nayasti uca wila mank'erinacarojja marcap taypitjja jiwayaraquïwa.

Levítico 18:28

¡Uca orakesti janiraqui jumanacarojj apanucpati cunjämtejj uca jakenacarojj apanuccänjja uqhama, cawquïrinacatejj jumanacat nayra jacapcän ucanacarojja!

Levítico 18:30

Uca laycu, nayan arunacajja phokhasa sarnakapjjam, janiraqui cuna k'añu luräwinaca lurasatejj jumanacat nayräjja jaquiri jakenacajj sarnakapjjäna ucanacarojj puripjjamti, janiraqui ucanacampisa k'añuchasipjjamti. Nayätwa jumanacan Tatitu Diosamajja” sasa.

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

Levítico 7:20

“Cawquïri jaketejj jan k'omachatäcasina uca sumancthapiñataqui loktata aycha mank'ani ucasti jakenac taypitjja apanucutäjjañapawa, uca aychajj Tatitutaqui satätap laycu.

Levítico 7:21

“Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”

Malaquías 2:12

¡Walïspawa, Diosajj uqham k'añu sarnaker jakenacaru aca marcat jakonucuñapajja, cawquïrïscpasa, qhitïscpasa, take ch'amani Diosaru ofrendanac loktirïscpasa!