Levítico 16:20 - Qullan Arunaca

²⁰ “Cunapachatejj Aarón sacerdotejj uca kollana cheka, uqhamarac Tatitumpi Jiquisiñ Carpsa, uca quipcaraqui altarsa k'omachjjani, ucapachasti jacquir cabrito aptayanini,

Aymar Bibliia 1986

²⁰ “Cunapachatejj Aarón sacerdotejj uca kollana cheka, uqhamarac Tatitumpi Jiquisiñ Carpsa, uca quipcaraqui altarsa k'omachjjani, ucapachasti jacquir cabrito aptayanini,

Qullan Arunaka DC

²⁰ “Kunapachatix Aaronax uka qullan chiqa, Tatitump Jikisiñ Carpa, ukhamarak altarsa q'umachxani ukkhasti, jakaski uka cabritoruw aptayanini,

Levítico 16:20 Jak'a apnaqawi uñst'ayäwi

Ezequiel 45:20

Uca quipcaraquiw uca phajjsina pakallko uru sarakatarojj lurasini, maynitejj jan amuyascasina pantjasïwi jucha lurchi ucataquejja. Uqhamatwa templojj k'omachasjjaraquini.

Levítico 16:16

Uqhamatwa uca kollan chekjja k'omachjjaraquini take uca k'añunacatjja, israelitanacan Dios toke sayt'asitanacapata, uqhamarac take jucha luratanacapatsa. Uca quipcaraquiwa Jiquisiñ Carpampisa lurasiñaparaqui, cawquïritejj jupanaca taypincqui, uqhamatwa take k'añunacajja k'omachatäni.

Levítico 16:19

ucat luc'anapampejj pakallko cutiw altarar ch'allt'araquini. Uqhamwa israelitanacan k'añunacapatjja k'omachani, ucatsti Tatituruw catuyjjaraquini.

Levítico 16:21

uca cabriton p'ekepjjaru amparapa lokjjatasasti, israelita jakenacan ñankha luratanacapa, Dios toke sayt'asitanacapa, uqhamaraqui take juchanacapwa arsuraquini, uqhamatwa uca cabriton p'ekepjjaru take juchanacjja apjjatjjani, ucatsti cawquïri jaketejj uca apañataqui ajllitäqui ucaw uca cabritjja wasararu irpjjaraquini antutnucunjjañataqui.

Levítico 6:30

Ucampisa janipuniw mank'atäcaraquiniti, cawquïri uywatejj juchata loktatäqui, uqhamaraqui wilapasa Tatitumpi Jiquisiñ Carparu apatäqui, Tatitun kollana chekawjaru, juchanacat pampachatäña jicjjatañataqui ucajja. Uca loktäwisti ninaru naqhantayatäjjañapawa.

Levítico 8:15

Ucat Moisesajj qharinucjjaraquïna, ucatsti luc'ananacapampi wila aptasajja altaran utjcänsa uca wajjranacwa uca wilampi jawiräna, uqhamat k'omachañataqui, ucat jilt'iri wilsti altar cayuruw warnokjjaraquïna. Uqhamaw altarajj k'omachata, uqhamaraqui Tatitur loktata uñjasjjaraquïna.

Romanos 4:25

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

Romanos 8:34

¿Qhitiraqui jupanacarusti juchañchaspasti? Janiw qhitisa. Cristowa jiwquis ucajja, juparaquiw jiwatanac taypit jactanquis ucajja, jichhasti Diosan cupëjjapan kont'atäsquiwa, jiwasanacataquisti mayiscaraquiwa.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Colosenses 1:20

Ucatsti munaraquïnwa aca orakpachpana Cristo toke sumancañajj utjañapa, take aca orakpachanquirinacampi, alajjpachanquirinacampisa, sumancthapiñapa Criston crusan jiwäwip toke.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.