Levítico 15:31 - Qullan Arunaca

³¹ Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Aymar Bibliia 1986

³¹ Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Qullan Arunaka DC

³¹ ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

Levítico 15:31 Jak'a apnaqawi uñst'ayäwi

Salmos 66:18

Jan wali amuyutejj utjitasapänjja, Tatitojj janiw ist'quitasapänti;

Ezequiel 23:38

Uqhamarusa acanacwa lurapjje: Mä urunacwa nayan kollan templojj taquisipjje, uqhamaraqui nayan samaraña urojjsa jisc'achapjjaraqui.

Ezequiel 36:17

“Cunapachatejj israelitanacajj pachpa orakepan jacapcän ucapachasti, jan wali luräwinacapampiw uca orakerojj taquisipjjäna. Jupanacan jacäwinacapasti nayataquejj k'añu ajjtascañaraquïnwa.

Ezequiel 44:23

“Sacerdotenacasti marcajjarojj yatichapjjañanacaparaquiwa cunatejj kollanäqui cunatejj jan kollanäqui ucanacjjata, uqhamaraqui cunatejj k'omäqui, jan k'omäqui ucanacatsa.

Ezequiel 5:11

Naya Tatituw ucjja arsta, pachpa jacañajj-jjaruraquiw juramentompi arsta. Cunjämatejj jumanacajj nayan kollana templojja jan wali uqhamaraqui k'añu luräwinacamampi taquisipjjtajja, jichhasti nayajj jumanacarojj jan qhuyapt'ayasisaraquiw tucjjapjjäma; janipuniw jumanacatjja acch'as qhuyapt'ayascäti.

Daniel (hebreo) 9:27

Mä semanataquiquiw jupajj walja jakenacampi suma arust'äwinacar mantani, ucampis chica semanarusti sacrificionaca, ofrendanaca loktasiñanacjja chhaktayjjaniwa jan mayampitaqui. Sacrificio loktasiñ altara nayrakatansti mä jach'a jan waliraquiw lurasini, uca t'unjäwejj amtatäqui ucajj qhitinacatejj jan walinac lurapqui ucanacjjaru puriñapcama.’ ”

Levítico 11:47

uqhamat suma amuyasiñapataqui cunäquitejj k'omajj uqhamarac cunäcaraquitejj k'añüqui ucasa, uqhamarac cawquïri animalanacatejj mank'añäcaspa ucanaca, uqhamaraqui cawquïri animalanacatejj jan mank'añäcaspa ucanaca yakhachañasataqui.

Levítico 13:59

Acanacaw yatichäwinacajj uca lepra manchanaca toketjja ucanacajj t'awrata jan ucajj linota lurata isinacansa uñstpan, jan ucajj lip'ichit lurata yänacansa uñstpan, uqhamat uca yänacarojj k'omata jan ucajj k'añutsa uñt'jjañataqui.

Levítico 15:32

Acawa yatichäwinacajja cawquïri jakenacatejj usutäsinsa jan usutäsinsa jathanacapa aywiyasa sarnakapjjani, uqhamarac ch'akayapjjanisa ucanacataquejja, jupanacasti k'añut uñt'atäpjjaraquiniwa;

Levítico 19:30

“Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Levítico 20:3

Nayasti uca jake contraw sayt'araquëjja, ucatsti take familianacap taypitsa jiwayjjaraquïwa, nayan kollana chekajj k'añuchatap laycu, uqhamarac nayan kollana sutejjarusa taquisitap laycu, mä wawapa uca Moloc sat diosar loktatap laycu.

Levítico 21:23

ucampisa janipuniw velo khepäjjaru mantcaniti ni altararusa jac'achascaraquiniti, uqhamat uca jan c'umara cancañapampejja nayan kollana chekjja ñankhachascañapataqui. Naya Tatituw uca kollana chekjja nayataqui yakhachasta uca laycu.”

Números 19:13

Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Números 19:20

Mä jaketejj jan k'omachatäcän ucajj apanucutaw uñjasini jakenac taypitjja, jupan Diosan santuarioparu k'añuchatap laycu. K'omachasir umampi jan ch'allaquipasitap laycusti, k'añuquïsquiwa.

Números 5:3

Uca casta jakenacarojj campamentotjja ankaru jakonucupjjpan, chachäpasa, warmïpasa. Uqhamatsti janiw campamentoru k'añu tucuyapcaniti, nayan uca campamenton jacascatajj laycu.”

1 Corintios 3:17

Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

Deuteronomio 24:8

“Uca lepra usunac toketsti sumpun levita sacerdotenacan yatichäwinacaparojj ist'apjjam. Ucanacsti jumanacajj lurapjjañamaw cunjämtï nayajj jupanacaru ewjjawaycta uqhamarjama.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

1 Samuel 3:14

Ucatwa, jichhajj juramentompi Elí sacerdoten familiapa tokejj arsta, ñankha luratanacapasti janiw k'omachatäcaniti, sacrificionac, ofrendanac loktascani ucanacampisa.