Levítico 13:6 - Qullan Arunaca

⁶ Uca pakallko urunaca pasatatsti wasitatwa sacerdotejj uca usuta jakerojj uñjjataraquini, ucat uca llagatejj niy chhaktjjchejja, janiraqui juc'ampi akatatatäjjchiti ucapachasti sacerdotejj uca usut jakerojj k'omatwa uñt'jjaraquini, uca llagasti aleka mä jisc'a janchina llagapaquïnwa uca laycu. Ucat usutajj isipa t'ajjsokasjjaraquini, ucatsti k'omaw uñjasjjaraquini.

Aymar Bibliia 1986

⁶ Uca pakallko urunaca pasatatsti wasitatwa sacerdotejj uca usuta jakerojj uñjjataraquini, ucat uca llagatejj niy chhaktjjchejja, janiraqui juc'ampi akatatatäjjchiti ucapachasti sacerdotejj uca usut jakerojj k'omatwa uñt'jjaraquini, uca llagasti aleka mä jisc'a janchina llagapaquïnwa uca laycu. Ucat usutajj isipa t'ajjsokasjjaraquini, ucatsti k'omaw uñjasjjaraquini.

Qullan Arunaka DC

⁶ Uka paqallqu urunak qhipatsti wasitat sacerdotex uka usut jaqirux uñxatani, ukat uka llixtitix niya chhaqtaskchixa, janirak juk'amp aqatatkchi ukkhasti, sacerdotex uka usut jaqirux q'umat uñt'xani, uka usun janchina aliqa mä jisk'a llixtikïtap layku. Usut jaqisti isip t'axsuqasxani, ukat q'umaw uñjasxarakini.

Levítico 13:6 Jak'a apnaqawi uñst'ayäwi

1 Reyes 8:38

ucatsti jumajj ist'am cawquïr take jaken oracionanacapsa, mayisitanacapsa, jan ucajj takpach Israel marcamana mayisitanacapsa, uqhamata Diosajj jan walt'añanacana, aykoñanacana t'akhesiñanacana uñjasisasti oracionana aca templona amparanaca loktaniñapataqui. Jumasti alajjpachatpacha ist'anim cawqhantejj jactajj ucqhatpacha, ucatsti perdonanim; luraraquim, ucatjja sapa maynirusa luratanacapatjama churaraquim, juma sapaquiwa jaken amtäwinacapa chuymapsa uñt'tajja uca laycu.

1 Reyes 8:45

jumajj ist'am oracionapsa mayisitapsa alajjpachatpacha, ucatsti jumajj arjjataraquim.

Salmos 19:12

¿Qhitirac pantasitanacap yatisti? Tatay, imantat juchanacajjat k'omachjjeta,

Proverbios 20:9

Janiw qhitis siscaspati: “Chuymajj-jja k'omachastwa, take juchatsa k'omäjjtwa” sasajja.

Eclesiastés 7:20

Ucampisa aca orakenjja janiw qhitis asqui jakejj utjquiti, janipun juch lurasa asqui lurirejja.

Isaías 42:3

niya p'aquisirjam sokos lawsa janiw p'acjcaniti, janiraquiw niya jiwt'asquirjam mechsa phust'caniti. Chekpachansa jupajj sumancañampi cheka cancañampwa apanini.

Levítico 11:25

“Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Levítico 11:28

Uca quipcaraquiwa cawquïritejj uca jiwat animalanacaru aptani ucasti isinacapjja t'ajjsurasjjañaparaquiwa, ucatsti jayp'thapiñapcama k'añuraquiw uñjasini, ucampisa take jumanacasti uca animalanacarojj k'añu animalanacatwa uñt'apjjäta.

Levítico 11:40

cawquïritejj uca jiwat uywan aychapa mank'cani ucasti, isipa t'ajjsokasjjañapawa, k'añoraquiwa jayp'ucama kheparani, uqhamarac cawquïritejj uca jiwat uywaru wayscani ucasti isipjja t'ajjsokasjjañaparaquiwa, ucampisa jayp'ucama k'añuwa khepararaquini.

Levítico 13:2

“Cunapachatejj mayniru janchipajj p'usuni, jan ucajj phallatatanisa, jan ucajj janchipana manchanacasa uñstani, jan ucajj mä llaganacasa lepra usur uñtata uñstani, ucapachasti uca jakejj sacerdoten ucaru apatäñapawa, Aaronan ucaru, jan ucajj Aaronan mayni wawanacapan ucarusa.

Levítico 13:5

Uca pakallko urunaca pasjjepansti, wasitatwa uñjjataraquini, ucat uca llagatejj pachpaquïscani, janiraqui juc'ampi llagacht'atäcaraquiniti, ucapachasti wasitatwa yakha pakallko urunacataqui jist'antaraquïni.

Levítico 13:7

“Ucampisa uca llagatejj, sacerdoten uñjjatatatsa, uqhamarac k'omata uñt'atatsa juc'ampi saratatascaquinejja, ucapachasti wasitatwa cawquïri sacerdotetejj juparu uñjcän ucampi uñjayasiri sararaquini.

Levítico 14:8

“Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Romanos 14:1

Iyawsañapan t'uqhäqui ucarojja, catokaquim janirac jupampejj cuna toketsa jisqhiscamti.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Deuteronomio 32:5

“Khoru chuymani ñankha jakenaca, Diosarojj ñankhachapjjtawa, janiraquiw wawapat uñt'atäñataquis asquïpctati.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.