Levítico 11:47 - Qullan Arunaca

⁴⁷ uqhamat suma amuyasiñapataqui cunäquitejj k'omajj uqhamarac cunäcaraquitejj k'añüqui ucasa, uqhamarac cawquïri animalanacatejj mank'añäcaspa ucanaca, uqhamaraqui cawquïri animalanacatejj jan mank'añäcaspa ucanaca yakhachañasataqui.

Aymar Bibliia 1986

⁴⁷ uqhamat suma amuyasiñapataqui cunäquitejj k'omajj uqhamarac cunäcaraquitejj k'añüqui ucasa, uqhamarac cawquïri animalanacatejj mank'añäcaspa ucanaca, uqhamaraqui cawquïri animalanacatejj jan mank'añäcaspa ucanaca yakhachañasataqui.

Qullan Arunaka DC

⁴⁷ ukhamat kunäkitix q'umaxa, q'añusa uk yatipxañamataki, ukhamarak kawkïr animalanakatix manq'añäki, jan manq'añäki ukanak yatipxañamataki.

Levítico 11:47 Jak'a apnaqawi uñst'ayäwi

Génesis 7:2

K'oma animalanacatsti pakallko pareja kachun orkoni irpantaraquim, jan k'oma animalanacatsti mä parejaquiraqui kachuni orkoni irpantaraquïta.

Ezequiel 22:26

Sacerdotenacasa, aca marcanjja nayan yatichäwinacajj-jja maysaruw k'ewipjje, cunatejj nayataquejj kollanäqui ucanacsti taquisipjjaraquiwa, janiraquiw jakenacarus cunatejj asquïqui, uqhamaraqui cunatejj jan asquïqui ucsa yatichapcaraquiti. Nayan samaraña urunacajjarusa janiw yäkapcaraquiti, janiraquiw nayarojj jach'añchapcaraquitusa.

Ezequiel 44:23

“Sacerdotenacasti marcajjarojj yatichapjjañanacaparaquiwa cunatejj kollanäqui cunatejj jan kollanäqui ucanacjjata, uqhamaraqui cunatejj k'omäqui, jan k'omäqui ucanacatsa.

Daniel (hebreo) 1:8

Ucampisa Danielajj chuymapanjja amtasiraquïnwa jan uca reyin mank'apampi ni vinopampisa k'añuchasiscaña, ucatsti reyin palaciopan sirvirinacapan jilïriparuwa mayiraquïna, jani uca mank'anacampi k'añuchasiñataqui.

Levítico 10:10

uqhamat jumanacajj cunatejj kollanäqui, uqhamarac cunatejj ñankhäqui, cunatejj k'añüqui, uqhamarac cunatejj k'omäqui ucanacjja suma amuyapjjañanacamataqui,

Levítico 11:46

Acanacawa cunanacatejj uca animalanac toketjja lurapjjañamäqui uca yatichäwinacajja, jamach'inaca toketa, uqhamarac cawquïri animalanacatejj uman jacapqui ucanacata, uqhamarac cawquïri animalanacatejj orakenjam katatnaktapqui ucanacata,

Levítico 12:1

Tatitusti Moisesaruw parläna; aqham saraquïnwa:

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.