Jueces 9:57 - Qullan Arunaca

⁵⁷ Uqhamarac Diosajj mutuyaraquïnwa Siquem marcanquir jakenacarojj jan wali luratanacapatjja. Uqhamaw Jotam sata Jerobaal chachan yokapan maldicitapajj phokhasïna.

Aymar Bibliia 1986

⁵⁷ Uqhamarac Diosajj mutuyaraquïnwa Siquem marcanquir jakenacarojj jan wali luratanacapatjja. Uqhamaw Jotam sata Jerobaal chachan yokapan maldicitapajj phokhasïna.

Qullan Arunaka DC

⁵⁷ Ukhamarakiw Diosax Siquem chiqankirinakarux jaqinak jiwayatanakapat mutuyäna. Ukhamaw Gedeón chachan Jotam yuqapan ñanqhachäwipax jupanakampi phuqhasïna.

Jueces 9:57 Jak'a apnaqawi uñst'ayäwi

2 Samuel 3:39

Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

1 Reyes 16:34

Acab reyin urunacapanjja, Betelanquir Hiel chachajj Jericó sat marcwa wastat sayt'ayäna. Cimientonaca uchañanjja Abiram sat jilïr wawapaw jiwäna, ucatsti puncunac uchcäna ucqhasti Segub sat sullquïr wawaparaquiw jiwäna, ucasti phokhasiscänwa cunjämtï Tatitojj siscäna Nun sat chachan Josué yokap toke.

1 Reyes 2:32

Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

Salmos 7:17

Nayasti, Tatituruw chekapar uñjatapat jach'añchä, alajjpachanquir Tatitun sutiparuw k'ochunac k'ochü.

Salmos 94:23

Jupaw ñankha luratanacapat mutuyani, pachpa ñankha luräwinacap laycuw t'unjatäpjjani, Diosasaw jupanacarojj tucjani.

Proverbios 5:22

Jucha lurir jakerusti pachpa ñankha luratapaw catunti; jupan jucha luratapasti chinuñar uñtataw chinjjäsi.

Isaías 3:11

¡Ay ñankha jaketaqui, take cunas jupataquejj janiw walt'caniti! Tatitu Diosasti luratanacapatjamwa churaraquini.

Josué 6:26

Josué chachasti uca tiemponjja aca arunacwa Israel marcarojj arsuwayäna: “Diosasti maldispan cawquïri jaketï aca Jericó marca wastat sayt'ayani ucarojja; utan cimientopas jilïr yokap patjjaruraqui sayt'ayaspan, puncunacapasa sullca yokap pataruraqui sayt'ayaspan” sasa.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.

Jueces 10:1

Abimelec khepatsti, Isacar sat tributjja mä chachaw utjäna Tola sat sutini, jupasti Fúa chachan yokapänwa, uqhamarac Dodo chachan allchhiparaqui, jupawa sayt'äna Israel marcar khespiyañataqui. Aca Tola chachasti Samir sat chekanwa jacäna, Efraín utjqui uca lomanacana.

Jueces 9:20

Jan uqhamäcän ucajja, ¡Abimelec sat chachata ninajj mistusina naqhantpana take Siquem, Bet-milo sat marcanquirinacaru, jan ucajj Siquem, Bet-milo uca marcanacat ninajj mistusina Abimelec sataru naqhantaracpana!” sasa.

Jueces 9:24

Uqhamata Abimelec chachajja Jerobaal awquipan pakallk tunca yokanacapa jiwarayatapat pago catokañapataqui, uqhamarac Siquem marcanquirinacasa pago catokapjjañapataqui yanapapjjatap laycu.

Jueces 9:45

Ucampis uca urojja Abimelec chachajja Siquem marca catuntañcamaw nuwasïna. Catuntasinsti marcjja liju tucjäna, uqhamarac ucan jaquir jakenacsa take jiwarayaraquïna. Uca tucjat marcarojj jayumpiraquiw phawantaraquïna.

Jueces 9:56

Diosasti uqhamaw Abimelec chacharojj mutuyäna jupajj awquipa contra jan walinac lurasina pakallk tunca jilanacaparu jiwarayatapata.