Jueces 4:15 - Qullan Arunaca

¹⁵ Diosasti Barac chachampi nuwantasiña horasasti, wali ajjsarañwa churäna Sisararu, carronacaparu, soldadonacaparu; ucatsti Sisarajj ajjsarañatjja carropata sarakawayasinjja cayuquiw jaltjjäna.

Aymar Bibliia 1986

¹⁵ Diosasti Barac chachampi nuwantasiña horasasti, wali ajjsarañwa churäna Sisararu, carronacaparu, soldadonacaparu; ucatsti Sisarajj ajjsarañatjja carropata sarakawayasinjja cayuquiw jaltjjäna.

Qullan Arunaka DC

¹⁵ kunapachatix Barac chachampi soldadonakapampix nuwantapkän ukhhasti, Tatitux Sísara chachan carronakap taypina, soldadonakap taypin jan walt'asiñ utjayäna; Sísara pachpaw axsarañat carropat saraqawayasinxa, kayukiw jaltxäna.

Jueces 4:15 Jak'a apnaqawi uñst'ayäwi

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

Deuteronomio 7:23

Ucampis Tatitu Diosamaw uca marcanac amparanacamar catuyapjjtam, ucata jupanacar k'al tucjapjjañanacamcama.

Hebreos 11:32

¿Cunamps säjja? Tiempow jan utjquituti Gedeón, Barac, Sansón, Jefté, David, Samuel take ucanacata, profetanacampita parlañajjataquejja.

Josué 10:10

Diosaw uqham Gabaón chekan jakenacarojj wal sustjäna, uqhamaw Josué chachajj walja jakenacaru jiwarayäna. Ucjjarusti Bet-horón thaquinjam alisipjjäna, amorreonacar jiwarayasa, Azeca, uqhamaraqui Maceda marcanacar puriñcama.

1 Samuel 7:10

Cunapachatejj Samuelojj sacrificio Tatitur loktascän ucapachaw filisteonacajj israelitanacaru nuwarañataqui jutapjjäna, ucatwa Tatitojj jupanacarojj mä jach'a khejjo khejjo apayani, ucatsti wali sustjasipjjaraquïna, uqhamatwa israelitanacajj atipjapjjaraquïna.