Jueces 3:28 - Qullan Arunaca

²⁸ Aod chachajj sänwa: —Sarañäni, Diosawa atipjayistani, moabita uñisirinacasarojja —sasa. Ucatsti jupanacajj sarasinjja Jordán jawira thiya orakenacwa catuntasipjjäna, ucampis janiw qhitsa ucarojj mantayapcänti.

Aymar Bibliia 1986

²⁸ Aod chachajj sänwa: —Sarañäni, Diosawa atipjayistani, moabita uñisirinacasarojja —sasa. Ucatsti jupanacajj sarasinjja Jordán jawira thiya orakenacwa catuntasipjjäna, ucampis janiw qhitsa ucarojj mantayapcänti.

Qullan Arunaka DC

²⁸ Ehud chachasti sänwa: “Sarañäni, Tatituw moabita uñisirinakasarux atipjayistani” sasa. Israelitanakasti iyawsasaw jupar arkapxäna, Jordán jawir thiya pampanak katuntasipxäna, janirakiw khitirus uka chiqanjam sarakipayapkänti.

Jueces 3:28 Jak'a apnaqawi uñst'ayäwi

1 Reyes 20:21

Ucatsti Israelan reyipajj sarantascaquïnwa, ucatjja caballonacapa, nuwasiñ carronacapwa catuntasïna, ucatsti sirio jakenacarojja jan walinpunwa atipjäna.

Josué 2:7

Reyin soldadonacapajj thakher mistuwayasinjja Jordán sat jawira tokeruw thaquinjama sarapjjäna, jupanacan marcat mistutapatsti janc'aquiw marcan puncunacapajj jist'antasjjaraquïna.

Jueces 10:11

Ucat Diosajj saraquïnwa: “Jumanacasti t'akhesiyatäpjjayätawa egipcionacana, amorreonacana, amonitanacana, filisteonacana,

Jueces 12:5

Galaad marcanquirinacasti Efraín sat tributjja Jordán jawira maqhatañanacwa aparapjjäna. Cunapachatejj yakhepa Efraín tribunquirinacajj jaltjjasina maqhataña mayipcäna ucqhajja, jupanacajj jisct'apjjänwa, “¿Efraín tribunquirïtati?” sasa. Ucampis “Janiwa” sapqui ucanacarojja,

Jueces 3:29

Uqham sarasinsti israelitanacajj tunca waranka wali ch'amani, wali nuwasiri soldadonacwa jiwarayapjjäna, janiwa maynsa jaquir jilt'ayapcänti.

Jueces 4:10

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

Jueces 7:14

Uca masipajja saraquïnwa: —Ucasti Gedeonana espadapäpachawa, Joasan israelita yokapana, Diosawa Gedeonana amparaparojj catuyistani madianitanacaru, uqhamarac take campamentonacassa —sasa.

Jueces 7:15

Uqhama samca yatiyiri ist'asina, uqhamarac cuntejj uca samcajj saña munqui uca yatiyiri ist'asinjja Gedeonajj Diosaruw yupaychäna. Ucatsti israelitanacan campamentopar cutt'jjasinjja saraquïnwa: —¡Sartasipjjam, Diosajja jichhawa madianitanacan campamentopjja jiwasar catuyistani! —sasa.

Jueces 7:17

Ucat saraquïnwa: —Uñjapjjeta cunjämtejj nayajj lurcä uca. Cunapachatejj nayajj purcäjja enemigonacasan campamentopat maysa tokeru ucqhajja, uca quipcaquiracwa lurapjjaraquïta.

Jueces 7:24

Gedeonasti yatiyirinacwa qhithäna kollunquiri, Efraín sat tribunquiri jakenacajja madianitanacampi nuwasiri sarakanipjjañapataqui. Uqhamarac jupanacajj Bet-bara satanquir jawiranaca, Jordán jawirsa cawctejj maqhatapcaspa uca chekanaca jarc'antapjjañapataqui janïra madianitanacajj uca chekar puripquipana. Ucampis Efraín tribunquirinacajj uca yatiyäwirojj phokhapjjänwa.

Jueces 7:9

Uca arumasti Diosajj, Gedeonarojj saraquïnwa: “Sartasim ucatsti sarakam madianitanacampi nuwasiñataqui, nayasti jichhawa jupanacjja amparanacamaru catuyäma.

1 Samuel 17:47

Take qhitinacatejj jichhajj acancapqui ucanacasti yatipjjaniwa, Tatitojj janiwa espadampiti ni lanzampicha khespiyqui. Aca nuwasïwisti Tatitunquiwa. Juparaquiw jumanacarojj nanacan amparanacajjaru catuyapjjetani —sasaw Davidajj säna.