Jueces 20:13 - Qullan Arunaca

¹³ Churjjapjjeta Gabaa marcancqui uca jan wali jakenaca, nanacasti jiwayapjjäwa uqhamatwa Israel marcajj uca jan wali luratata k'omachatäni” sasa. Ucampis Benjamín tribunquirinacajja janiw mayni israelita jilanacaparojj ist'apcänti.

Aymar Bibliia 1986

¹³ Churjjapjjeta Gabaa marcancqui uca jan wali jakenaca, nanacasti jiwayapjjäwa uqhamatwa Israel marcajj uca jan wali luratata k'omachatäni” sasa. Ucampis Benjamín tribunquirinacajja janiw mayni israelita jilanacaparojj ist'apcänti.

Qullan Arunaka DC

¹³ Jank'aki Guibeá markankki uka jan wali jaqinakar katuyapxita, nanakan jupanakar jiwarayañataki, ukhamat Israel markax uka jan wali luratat q'umachatäñapataki” sasa. Ukampis Benjamín ayllunkirinakax janiw Israelita jilanakaparux yäqapkänti,

Jueces 20:13 Jak'a apnaqawi uñst'ayäwi

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

2 Samuel 23:6

Ucampisa take ñankha luririnacajj apanucut ch'aphinacjamäniwa, jan qhitinsa aptata.

1 Reyes 21:13

Ucjjarusti purinipjjänwa pä c'ari testigonaca, ucatsti khanañchapjjänwa Nabot chacha contra take jakenacan nayrakatapana: “Diosaru, uqhamarac reyiruw ñankhachi” sasa. Ucatsti marcat apsusinjja kalamp c'upjascamawa jiwayapjjäna.

2 Crónicas 13:7

Juparusti jakcattapjjänwa mä kawkha jan cuna lurir jayra jakenaca, uqhamarac jan wali jakenaca, jupanacasti atipjapjjänwa Salomonan Roboam yokaparojja, jupasti waynaquïnwa jan sayt'asiriraqui. Uqhamasti jupajj janiw ch'amanïcänti jupanac toke sayt'asiñataquejja.

2 Crónicas 25:16

Cunapachatï profetajj parlcäna ucqhajja, reyejj aqham sasaw juparojj cutt'ayaraquïna: —¿Nanacasti jumarojj reyin amuyt'ayiripatti utt'ayasipjjsma? Janiqui ucanac parlcamti. Jan ucajj ¿jiwayayasicha muntajja? —sasa. Profetasti ucjjarojj janiw juc'amp parlcjjänti, ucampis aqham sasaw säna: —Nayajj yattwa, Diosajj jumar tucjawa amti aqham luratamata, uqhamarac ewjja arunacajjaru jan ist'atamatsa —sasa.

2 Crónicas 25:20

Ucampis Amasiasajj janiw jupar ist'cänti, Diosaw uqhamäñapataqui wact'ayäna uca laycu, Joás reyin amparapar catuyañataqui, jupan Edom chekanquiri diosanacapar saratap laycu.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Eclesiastés 11:10

Chuymaman llaquisiñanacapjja apanucum, uqhamarac jan walt'añanacsa, waynanacana suma urunacapasa inamayaquïtapa laycu.

Oseas 10:9

Tatitojj siwa: “Cunapachatejj Israel marcajj Gabaa chekan juch lurañ kalltcän ucqhatjja, janiw jucha lurañapjja apanucquiti. ¡Pachpa juchanacapanwa sarnakasipcaraqui! Ucatwa jichhajj jupanacataquejj nuwasiñajj utjani, jupanacarusti jan walïpjjatapatjja guerrajj pachpa Gabaa chekanwa tucjani.

Oseas 9:9

K'alpuni aynacht'jjapjje ñankha lurañanacampejja, Gabaan urunacapanjama. Ucampis Tatitojj ñankha luratanacapatjja amtasiniwa, juchanacapatsti mutuyaraquiniwa.

Romanos 1:32

Jupanacajj sum yatipjje cuntejj Diosajj jupanacan lurañap munqui ucjja, yatipjjaraquiwa uqham jan walinac luririnacajja jiwayatäñapa ucsa, ucampis jupanacajj lurasipcaquiwa, mayninaca uqhamanaca luripansa juc'ampwa uñjañ munapjjaraqui.

2 Corintios 6:15

¿Cunjämaraqui Cristompi Supayampisti suman sarnakasipjjaspasti? Jan ucajj ¿cunjämaraqui mä iyawsiristi mä jan iyawsirimpejj chicachasispasti?

Deuteronomio 13:13

jakenacan Diosaru jan jaysapjjatapa, uqhamaraqui uca marcan jakenacaru Diosat jithektayascatapa yakha jan uñt'at diosanacaru yupaychayasa.

Deuteronomio 13:5

Uca visionanac uñjir profetasti jiwayatäniwa jumanacaru Tatitu Diosam contra sartasina amtayatap laycu, cawquïri Diosatejj jumanacaru Egipto marcat esclavo sarnakañat khespiyanipjjtam, ucatsti Tatitu Diosaman thaquipat jithektayañ munatapata. Uqhamatwa saphitpacha jiq'inucupjjäta jumanac taypitjja take jan wali luräwinacjja.

Deuteronomio 13:6

“Jan ucajj pachpa jilamasa, yokall wawamasa, imill wawamasa, uca munat warmimasa, uqhamaraqui uca wali munat amigomasa, jan qhitin ist'caya yakha diosanacar yupaychañ amtayätamjja, cawquïri Diosarutejj jan uñt'apcta ni jumasa ni wawanacamasa,

Deuteronomio 17:12

Ucampisa cawquïritejj jach'a jach'a tucuñampi ucanac lurani, uqhamaraqui Diosan sirvirip sacerdoterusa jan ist'caraquiniti, ni juezan arsutaparusa, uca jakesti juchañchasin jiwayatäniwa. Uqhamatwa jumanacajj ñankha luräwinacjja Israel marcana tucjapjjäta.

Deuteronomio 17:7

Testigonacaw uca juchañchat jakeru kalanacampi c'uphantañjja kalltapjjani, ucjjarusti take marcpach jakenacaraqui. Uqhamwa uca jan wali luräwinacjja jumanac taypitjja tucjapjjäta.

Deuteronomio 19:19

pachpa arsüwimpiw juparojj t'akhesiyani, cunjämtejj jupajj maynitaqui muncän uqhama.

Deuteronomio 21:21

Ucapachasti takpach marcan jakenacawa kalampi c'upjasin jiwayapjjani. Uqhamatwa jumanacajj marcaman uca ñankha luririnacjja tucjapjjäta, uca yatisinsti israelit jakenacajj wal ajjsarapjjani.

Deuteronomio 22:21

ucapachajj awquipan uta puncuparuw irpapjjani, ucatsti jakenacajj kalampi c'upjasinwa jiwayapjjani, jupan mä jach'a jucha Israel marcan luratapata, uqhamaraqui quipca awquipan utapa p'enkachatap laycu. Uqhamatwa jumanac taypin jan walt'añanacampejj tucjapjjäta.

Deuteronomio 22:24

ucanacajj panpachaniw marcan tribunalapar apatäpjjani, cawqhantejj kalampi c'upjasina juchañchasin jiwayatäpjjani, tawakosti marcan jan art'asitap laycu, chachasti jake masipan warmipar deshonratap laycuraqui. Uqhamatwa jumanac taypin ñankha lurir jakenacarojj tucjapjjäta.

Deuteronomio 24:7

“Cawquïri israelit jaketejj jilaparu munquir jan munquir esclavor tucuyañataqui, jan ucajj aljañatac imantquiri catjatäni, ucasti juchañchasin jiwayatäniwa, uqhamat jumanac taypita ñankha lurir jakenac tucjañataqui.

Jueces 19:22

Uqhama cusisitäpcäna uca horasawa, marcanquir jan wali jakenacajja utaru muyuntasina puncu lek'eña kalltapjjäna, ucatsti utani awquirojj sapjjaraquïnwa: —¡Irpsunim utamaru purinqui uca jakeru! ¡Nanacasti uñt'aña munapjjta, uqhamarac jupampi iquiña! —sasa.

Jueces 20:12

Yatiyirinacwa Benjamín sat tribun orakenacapar qhithapjjäna: “¿Cunatsa jumanacat mä yakhepanacajj jan walinac lurasina jiwayapjjta?

Jueces 20:14

Ucatsipana Benjamín tribunquirinacasti take marcanacata, Gabaa sat marcaru tantachasisasti, maynïr israelitanacampi nuwasiriw mistsupjjäna.

1 Samuel 2:25

Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.

1 Samuel 30:22

Ucampisa Davidan jakenacapatjja utjaraquïnwa wali khoru jakenaca, ucanacasti colerasisinjja sapjjaraquïnwa: “Qhitinacatejj jan jiwasampi chica sarapqui ucanacarojj janiw cunas churatäñapäquiti, jan ucasti warminacapampi, wawanacapampiquiw churatäjjañapajja, ucatsti sarjjapjjpan” sasa.