Jueces 2:17 - Qullan Arunaca

¹⁷ Ucampis israelitanacajj uca jilïrinacarojj janiw ist'añjja munapcänti. Dios nayrakatan jan walïpjjatap laycusti yakha diosanacaru yupaychiriw sarapjjäna. Jupanacan nayra awquinacapasti Diosan mandamiento arunacaparu ist'asaw jacapjjäna, ucampis jupanacajja janiw uca uñacht'äwirjam sarañjja munapcänti.

Aymar Bibliia 1986

¹⁷ Ucampis israelitanacajj uca jilïrinacarojj janiw ist'añjja munapcänti. Dios nayrakatan jan walïpjjatap laycusti yakha diosanacaru yupaychiriw sarapjjäna. Jupanacan nayra awquinacapasti Diosan mandamiento arunacaparu ist'asaw jacapjjäna, ucampis jupanacajja janiw uca uñacht'äwirjam sarañjja munapcänti.

Qullan Arunaka DC

¹⁷ Ukampis israelitanakax janiw uka jilïrinakarux yäqapkänti, jan ukasti Tatit nayraqatan janiw sum sarnaqapkänti, yaqha diosanakaruw yupaychapxäna. Jupanakan nayra awkinakapax Tatitun kamachi arunakaparu ist'asaw jakapxatayna, ukampis jupanakax janiw uka uñacht'äwirjam sarnaqapkänti.

Jueces 2:17 Jak'a apnaqawi uñst'ayäwi

Salmos 106:39

luräwinacapampiw k'añuchasipjjäna, ñankha luratanacapampiw wachokapjjäna.

Salmos 106:43

Walja cutiw Tatitojj jupanacar khespiyäna: jupanacasti amtataparojj saycatapjjänwa, pachpa juchanacapampiw aynacht'apjjäna.

Salmos 73:27

Jumat jayarst'irinacajj tucusipjjaniwa, arsutam jan phokherinacarusti t'unjätawa.

Éxodo 32:8

Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.

Jeremías 3:6

Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Oseas 2:2

Tatitojj siwa: “¡Taycamar juchañchapjjam, juchañchapjjam, jupasti janiw jichhajj warmejjäcjjeti, janiraquiw nayas chachapäcjjti! ¡Yakha chachanacampi sarnakañapjja apanucjjpan!

Levítico 17:7

Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Gálatas 1:6

Wal muspharta, jumanacajj mäquiw Diosaru jaytanucupjjtajja, jupasti Jesucriston munasiñap tokew jawsapjjtam, jumanacasti yakha casta khespiyasiña arunacaruw arcapjjaractajja.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Deuteronomio 31:18

Ucampisa uca urojj nayajj juc'ampwa jupanacatjja jithektäjja, take jan walinac luratanacap laycu, uqhamaraqui yakha diosanacaru yupaychapjjatanacapata.

Deuteronomio 9:12

ucatsti sitänwa: ‘Janc'aqui aca chekat sarakawayam, cawquïri marctï Egipto marcat irpsuncta ucanacajj juchanwa jicjjatasi, janc'aquiw jupanacajj uca ewjja arunacajj phokhañjja apanucupjje, ucatsti mä diosa metalat lurasipjje’ sasa.

Deuteronomio 9:16

Ucampisa jumanacan uqham Tatitu Dios contra jucha luratanacam uñjta, mä vaca kallu metalat lursusipjjatanacama, uqhamata cawquïri thaquinjamtï Tatitu Diosajj sarañanacam munqui uca apanucupjjatam uñjasajj,

Josué 24:24

Ucatsti Israel jakenacajj Josué chacharojj sänwa: —Nanacasti Tatitu Diosajjaruquiw sirvipjjä, cuntejj jupajj sapjjetani uca lurapjjaraquï —sasa.

Josué 24:31

Israel marcasti Diosarojj sirvïnwa cunapachatï Josué chachajj jacascäna ucqhacama, uqhamaraqui cunapachcamatï Israelan jilïri jakenacapajj jacapcäna ucqhacama, cawquïrinacatï yatipcäna take cuntï Diosajj Israel marcataqui lurcäna ucanaca.

Jueces 2:7

Josué jacquipansti, israelitanacajj take chuymanacapampiw Diosarojj arcapjjäna, uqhamarac Josué chachan khepat jilïr ancianonacajj jacapcäna ucqhasa, jupanacasti uñjapjjänwa Diosajj cunjäm jach'a milagronactejj Israel marcatac lurqui ucanjja.

Jueces 8:33

Gedeón jiwjjatatsti israelitanacajj Diosat armt'asiwayasinsti cunayman Baal sat diosanacaru yupaychiriw cutt'awayjjapjjäna, ucampis jupanacajj diosapataquejj ajllirïpjjänwa Baal-berit sataru.

1 Samuel 12:12

Ucampisa cunapachatejj amonitanacan Nahas reyiparu jumanacar nuwiri jutcän uca uñjasajja jumanacajj mä rey apnakañapataqui mayipjjayätajja, jumanacan reyimajj pachpa Tatitu Diosäcchïn ucasa.

1 Samuel 12:17

Jichhajj trigo cosechañ horasäjjewa, janiraquiw jallojj purquiti, ¿janicha? Jichhajj nayaw Tatitur mayï, jupasti khejjo khejjonaca, uqhamarac jallu apayanini, uqhamat jumanacajj uñjapjjañamataqui amuythapisipjjañamatakiraqui, cunjämtejj Tatitojj uñjqui, jumanacajj jan wali lurapjjtajja mä rey mayisajja.”

1 Samuel 12:19

ucatwa Samuelorojj takeni sapjjäna: —Jumajj Tatitu Diosamaru aca sirvirinacamataqui achict'am, jan jiwarapjjañajjataqui, take jucha luratanacajj-jjarusti rey mayitampwa yapt'apjjtajja —sasa.