Jueces 19:20 - Qullan Arunaca

²⁰ Awquisti saraquïnwa: —Waliqui jutapjjtajja, nayaw churapjjäma cunanactejj munapcta ucanacjja. Nayasti janiw muncti jumanacana jichha aruma aca plazana iquipjjañamjja —sasa.

Aymar Bibliia 1986

²⁰ Awquisti saraquïnwa: —Waliqui jutapjjtajja, nayaw churapjjäma cunanactejj munapcta ucanacjja. Nayasti janiw muncti jumanacana jichha aruma aca plazana iquipjjañamjja —sasa.

Qullan Arunaka DC

²⁰ Awkisti sarakïnwa: —Walik jutapxtaxa. Nayaw kuntix munapkta ukanak churapxäma. Nayax janiw jumanakan aka arumax aka plazan qhantatipxañam munkti —sasa.

Jueces 19:20 Jak'a apnaqawi uñst'ayäwi

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Romanos 12:13

Maynïr iyawsirinaca pist'ayasipanjja yanapt'apjjam. Visitanac jutipansti sumrac catokapjjam.

1 Corintios 1:3

Jumanacansti utjapunpan suman sarnakasiña, uqhamarac Dios Awquisana, Jesucristompin bendicionapasa.

Gálatas 6:6

Qhititejj Tatitun arunacap catokqui ucajja, yatichquis ucamp chicaw asquinac lurapjjañapa.

Hebreos 13:2

Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.

1 Pedro 4:9

Korpacht'asipjjaraquim jumanaccamajja mä suma chuymampi.

1 Juan 3:18

Wawanacajja, jiwasan munasiñasajj janiw lacaquïñapäquiti; jan ucasti chekpach munasiñasajj luräwinacasana uñjasiñapawa.

Jueces 6:23

Diosasti saraquïnwa: —Jan ajjsaramti, janiw jiwcätati. Nayana samarañajja catokam —sasa.

1 Samuel 25:6

uqhamaraqui aca arunaca sapjjañapataqui: “Munat jilata, nayajj muntwa sumana jicjjatasiñama, uqhamarac familiamasa, take qhitinacatejj jumampïqui ucanacasa.