Jueces 19:18 - Qullan Arunaca

¹⁸ Ucat levitasti saraquïnwa: —Nanacasti Belenanquir Judá sat marcatwa jutapjjta, jichhasti sarasipctwa Efraín satäquis uca kollunacaru; nayajj ucanwa jacasta. Ucampis nayajj Belenancascäyätwa, jichhasti utaruwa cutt'ascta, acanjja janiw qhitsa jicjjatcti nayaru korpacht'iri.

Aymar Bibliia 1986

¹⁸ Ucat levitasti saraquïnwa: —Nanacasti Belenanquir Judá sat marcatwa jutapjjta, jichhasti sarasipctwa Efraín satäquis uca kollunacaru; nayajj ucanwa jacasta. Ucampis nayajj Belenancascäyätwa, jichhasti utaruwa cutt'ascta, acanjja janiw qhitsa jicjjatcti nayaru korpacht'iri.

Qullan Arunaka DC

¹⁸ Levitasti sänwa: —Nanakax Judá uraqinkir Belén markat jutasipkta, jichhasti Efraín qullunakat juk'amp jayaruw sarasipkta, ukawjan nayax jakasta. Nayax Belenankaskäyätwa, jichhasti utaruw kutt'askta, akan janiw khitsa nayaru qurpacht'iri jikxatkti.

Jueces 19:18 Jak'a apnaqawi uñst'ayäwi

Salmos 26:9

Janiquiy jucharar jakenacarjamajj jacañajj apakestati, janirac jake jiwayirinacarjamas puriyistati,

Proverbios 25:17

Amigoman utaparojj jan ancha visitir saramti, jumampi amjayasjjasinjja, uñisjjaquiristamwa.

Juan 15:6

Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

Josué 18:1

Cunapachatejj Israel marcajj take orakenac catuntañ tucuyatayna ucqhajj Silo chekaruw tantachasipjjäna ucan Diosampi mä suma amtäwiru mantañataqui uqhamarac Tatitumpi Jiquisiñ Carpa sayt'ayasa, uqhamarus takpach marcanacaruraquiw atipjapjjaraquïna.

Jueces 17:7

Belén marcanjja jayanquir mä waynaw utjäna Judá sat tributa. Jupasti Leví familiatänwa.

Jueces 18:31

Uqhamawa jupanac taypincänjja Micaiajj lurcäna uca yakha diosjja, ucchañcamasti Diosan utapajja Silo sat chekanwa kheparänjja.

Jueces 19:17

Uca awquejja plazana saririnaca uñjasinjja sänwa: —¿Cawquitsa jutta, cawquirusa saräta? —sasa.

Jueces 19:19

Nanacansti utjapjjetuwa wichhu, ch'ojjña pastonaca asnonacajjataqui, uqhamarac utjapjjaraquituwa t'ant'a, vino nayataqui, warmejjataqui, uywatajjataqui, take cunanïsipctwa —sasa.

Jueces 19:5

Ucat pusi ururusti wali alwat sartasipjjäna sarjjañataqui. Ucampis niya sarjjarusipcäna ucqhaw tawakona awquipajj tollkaparojj saraquïna: —Janïra sarcasinsti mä jisc'a t'ant'saya mank'asiwayapjjam, uqhamata wali ch'amani sarjjapjjañanacamataqui —sasa.

Jueces 20:18

Ucampis israelitanacajja Betel marcaru sarasinjja Diosaruw jisct'apjjänjja cawquïr tribusa nayrakata saraspa Benjamín sat tribunquirinacampi nuwasirejja. Ucatsti Diosajj yatiyänwa Judá sat tribuna nayrakata sarañapa.

1 Samuel 1:3

Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.

1 Samuel 1:7

Sapa marapuniwa, cunapachatejj Tatitun temploparu sarapjjerïcän ucqhajj Peninajj Anarojj uqham tokerïna, ucatsti Anajj wali jachirïna, janiraquiw mank'añsa munirïcänti.