Jueces 18:7 - Qullan Arunaca

⁷ Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.

Aymar Bibliia 1986

⁷ Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.

Qullan Arunaka DC

⁷ Uka chiqawjatsti, uka phisqa uñaqanakax Lais markaruw sarxapxäna. Uka markan jakir jaqinakax Sidón markankirïpxänwa, jupanakasti kusisitakiw sumankañan jakasipxäna; janiw khitis kunsa kamskänti, janirakiw kunas jupanakar pist'känti. Sidón markapat jayan jakapxäna, janiw khitimpis parlapkänti.

Jueces 18:7 Jak'a apnaqawi uñst'ayäwi

1 Reyes 1:6

Awquipasti janipuniwa take jacañapana jupa toke sayt'cänti, ni jisct'irïcänsa: “¿Cunatsa uqham lurtajja?” sasa. Adoniasasti suma uñnakt'anïnwa, jupasti Absalonjjaruw naciraquïna.

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

1 Crónicas 4:40

Jupanacasti ucanwa suma pasto waljpacha jicjjatapjjäna, uqhamarac jach'a orakeraqui suma samarata jacañataqui. Nayrasti ucanjja Cam chachan wawanacapaw jacapjjäna,

Jeremías 49:31

Naya Tatituw ucjja sapjjaracsma: ¡Nayraru sarapjjam, uca marcarusti nuwantapjjaraquim, jupasti c'uchiquiw jacascaraqui, jan puncuni, jan llavenacani, sapaqui, jan cunaquiw jacascaraqui!

Romanos 13:3

Marca apnakerenacajj janiw asqui lurqui ucar ajjsarayañataquïquiti jan ucasti jan wali luririnacar ajjsarayañataquiwa. ¿Muntati autoridadanacar jan ajjsaras jacasiña? Sum sarnakam, ucatsti autoridadanacajj jumarojj suma jaket uñt'ätam.

Josué 19:47

Ucampis uca orakenacajj pisïnwa Dan tribun wawanacapataquejja; ucatwa jupanacajj Lesem sat marcaru catuntapjjäna, uqhamaraqui t'unjapjjäna, take uca marcan jaquir jakenacaru jiwarayasa. Ucatsti uca marcan sutipjja jakoquipapjjaraquïnwa Dan sasa sutichasa, nayra awquipat amtasisa. Uqhamatwa uca marcan jacapjjäna.

1 Pedro 2:14

jan ucajj qhitinacarutejj reyejj qhitqui jan wali lurir jakenacaru mutuyañapataqui, suma luririnacarusti jach'ar aptañapataquiraqui ucanacarusa.

Apocalipsis 18:7

Cunjämtï jupajj cusisitäcänjja uqhamarac jichhajj t'akhesiyapjjam; jupasti chuymapanjja sascaraquiwa: ‘Acan nayajj mä reinar uñtata kont'atäsctwa, janiw ijmäcti, janiraquiw t'akhescäsa’ sasa.

Jueces 18:29

Uca marcasti Lais satänwa, ucampis jupanacajja machak marcarojj Dan sasaw sutichapjjäna nayra awquipan sutipampi, uca awquipasti Israelan yokapänwa.

Jueces 18:6

Levita sacerdotejja saraquïnwa: —Jan ajjsaras sarasipcaquim, Diosawa imasipcätam cawqharutejj sarapcäta ucqhanjja —sasa.

Jueces 18:8

Ucatsti uca pheska uñakerinacajj cutt'jjapjjänwa Zora, Estaol cawqhanccäntejj jilanacapajj ucaru. Ucampis mayninacajj jisct'apjjänwa: —¿Cunjämas sarapjjtam? —sasa. Uñakerinacajj sapjjaraquïnwa:

1 Samuel 3:13

Niyaw juparojj yatiyaracta familiapar wiñayatac mutuyañ toketjja, jupasti yatiraquiwa cuna jan walinactejj familiapajj lurqui ucanacjja. Wawanacapajj janiw nayarojj yäkapquituti, jupasti ucanacjja sumwa yatiraqui, janiw ucatjja camscaraquisa.