Jueces 18:31 - Qullan Arunaca

³¹ Uqhamawa jupanac taypincänjja Micaiajj lurcäna uca yakha diosjja, ucchañcamasti Diosan utapajja Silo sat chekanwa kheparänjja.

Aymar Bibliia 1986

³¹ Uqhamawa jupanac taypincänjja Micaiajj lurcäna uca yakha diosjja, ucchañcamasti Diosan utapajja Silo sat chekanwa kheparänjja.

Qullan Arunaka DC

³¹ Micaías chachan lurata idolox ukawjan jupanak taypinkäna, Tatitun qullan utapax Siló chiqankkän uka urunakana.

Jueces 18:31 Jak'a apnaqawi uñst'ayäwi

Jeremías 41:5

ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Jeremías 7:12

Silo sisqui uca chekan nayan ajllit kollan utajjaru sarapjjam, cawqui chektejj nayajj nayrakata ajlliscta jacasiñataqui uca chekaru, ucatsti uñjapjjaraquim cuntejj uca chekampi lurcta uca, Israel marcajjan ñankha luratanacap laycu.

Josué 18:1

Cunapachatejj Israel marcajj take orakenac catuntañ tucuyatayna ucqhajj Silo chekaruw tantachasipjjäna ucan Diosampi mä suma amtäwiru mantañataqui uqhamarac Tatitumpi Jiquisiñ Carpa sayt'ayasa, uqhamarus takpach marcanacaruraquiw atipjapjjaraquïna.

Jueces 19:18

Ucat levitasti saraquïnwa: —Nanacasti Belenanquir Judá sat marcatwa jutapjjta, jichhasti sarasipctwa Efraín satäquis uca kollunacaru; nayajj ucanwa jacasta. Ucampis nayajj Belenancascäyätwa, jichhasti utaruwa cutt'ascta, acanjja janiw qhitsa jicjjatcti nayaru korpacht'iri.

Jueces 21:19

Ucampis Silo sat chekansti sapa maraw Diosan jach'a fiestapajj utji. Ucasti Betel marca amstanquiwa, uqhamarac Siquem sat marcanacaru sarqui uca thaquita inti jalsu tokena, Lebona sat marcat aynachanaraqui.”

Jueces 21:21

Cunapachatejj Silo sat marcata tama tawakonacajja thokt'asisa mistunipcani ucqhajja jumanacasti imantasipcta ucqhatjja mistsupjjaraquim, sapa maynisti mä tawako lunthatawayasinjja orakenacamar sarjjapjjam.

1 Samuel 1:3

Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.

1 Samuel 4:4

Ucatsti israelitanacajj Silo sat uca chekarojj mä kawkha jakenacwa qhitapjjäna, ucatsti uca chekatjja aptanjjapjjänwa take ch'amani Tatitun Arust'äwi Arcapa, uca take ch'amani Diosasti querubines sat angelanacampi yupaychataraquïnwa. Ofni, Finees sat Elí sacerdoten yokanacapasti uca arca apaniñanjja ucancapjjaraquïnwa.