Jueces 18:29 - Qullan Arunaca

²⁹ Uca marcasti Lais satänwa, ucampis jupanacajja machak marcarojj Dan sasaw sutichapjjäna nayra awquipan sutipampi, uca awquipasti Israelan yokapänwa.

Aymar Bibliia 1986

²⁹ Uca marcasti Lais satänwa, ucampis jupanacajja machak marcarojj Dan sasaw sutichapjjäna nayra awquipan sutipampi, uca awquipasti Israelan yokapänwa.

Qullan Arunaka DC

²⁹ Uka markan sutipax Lais satäkchïna ukasa, jupanakax Dan sasaw sutichapxäna nayra awkipan sutip amtasina, uka awkipasti Israelan wawapänwa.

Jueces 18:29 Jak'a apnaqawi uñst'ayäwi

Génesis 14:14

Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Génesis 30:6

Ucatsti Raquelajj sänwa: “Aca wawajj Dan satäniwa, Diosaw nayan mayisitajj ist'i, ucatsti chekaparuw uñjaraquitu mä wawa churasajja” sasa.

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

2 Samuel 17:11

Jichhasti nayajj amuyt'ayirismawa take israelitanacajj tantacht'asipjjpan jumampi Dan sisqui uca chekata Beerseba sisqui uca chekacama; uca jakenacasti kota irananquiri ch'allar uñtasitawa jan jact'cayaraqui, ucatsti juma quipca nuwasiñanjja jupanacaru sarayañama.

1 Reyes 15:20

Ben-adad reyisti iyaw sänwa Asa reyin arunacaparojja, ucatsti qhitänwa ejercitopan jilïrinacaparu Israelan marcanacaparu nuwantiri. Uqhamatwa catuntasïna Ijón, Dan, Abel-bet-Maaca chekanaca, uqhamarac take Cineret, ucatsti Neftalí take orakpacha.

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Deuteronomio 34:1

Moisesasti Moab sat wasaratjja, Nebo sat kolluruwa maqhatäna, Pisga sutini kollu pataru, cawquïritejj Jericó marca uñcatasincqui ucaru. Uca chekatwa Diosajj uñtayäna takpach Galaad sat orakenaca Dan tribun orakenacapcama;

Josué 19:47

Ucampis uca orakenacajj pisïnwa Dan tribun wawanacapataquejja; ucatwa jupanacajj Lesem sat marcaru catuntapjjäna, uqhamaraqui t'unjapjjäna, take uca marcan jaquir jakenacaru jiwarayasa. Ucatsti uca marcan sutipjja jakoquipapjjaraquïnwa Dan sasa sutichasa, nayra awquipat amtasisa. Uqhamatwa uca marcan jacapjjäna.

Jueces 18:7

Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.