Jueces 18:27 - Qullan Arunaca

²⁷ Ucampis danitanacajj, Micaiajj lurcäna uca yänacampi, sacerdotepampi Lais sat marcaruw puripjjäna. Ucansti jakenacajj sumaqui wali cusisitaw jacasipcäna, uqhamaruwa danitanacajj take jakenacarojj espadampcama jiwarayapjjäna, uqhamarac marcsa ninampiraquiw phichhantapjjaraquïna.

Aymar Bibliia 1986

²⁷ Ucampis danitanacajj, Micaiajj lurcäna uca yänacampi, sacerdotepampi Lais sat marcaruw puripjjäna. Ucansti jakenacajj sumaqui wali cusisitaw jacasipcäna, uqhamaruwa danitanacajj take jakenacarojj espadampcama jiwarayapjjäna, uqhamarac marcsa ninampiraquiw phichhantapjjaraquïna.

Qullan Arunaka DC

²⁷ Micaías chachax lurkatayna uka yänak apt'ata, ukhamaraki sacerdoteparu irpasa, ukatsti Lais chiqaruw puripxäna. Ukansti jaqinakax wali kusisitakiw jakasipkäna, ukhamaruw danita jaqinakax taqi ukankirinakar espadampkama jiwarayapxäna, marksa ninampiw phichhantapxäna.

Jueces 18:27 Jak'a apnaqawi uñst'ayäwi

Génesis 49:16

“Dan ucasti pachpa jakenacaparuw apnakani, Israel marcan mä tribupäcaspas uqhama.

Deuteronomio 33:22

Dan triburusti saraquïnwa: “Dan tribusti mä jisc'a leonjamawa, Basán oraket thokt'ani” sasa.

Josué 11:11

uqhamaw take ucan jaquirinacaru jiwarayapjjäna. Take cunwa t'unjapjjäna, ucatsti ninampiw marcar phichhantapjjäna.

Josué 19:47

Ucampis uca orakenacajj pisïnwa Dan tribun wawanacapataquejja; ucatwa jupanacajj Lesem sat marcaru catuntapjjäna, uqhamaraqui t'unjapjjäna, take uca marcan jaquir jakenacaru jiwarayasa. Ucatsti uca marcan sutipjja jakoquipapjjaraquïnwa Dan sasa sutichasa, nayra awquipat amtasisa. Uqhamatwa uca marcan jacapjjäna.

Jueces 18:10

Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa.

Jueces 18:26

Ucampis Micaiajj, danitanacajj waljätap uñjasinsti, utaparuw cutt'awayjjäna, ucatsti danitanacajja sarantawayjjapjjaraquïnwa.

Jueces 18:7

Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.

Jueces 8:11

Gedeonasti maqhatcatänwa wasarnäma muycatqui uca thacnäma, Noba, Jogbeha sat chekata inti jalsu toknäma, uñisirinacapan campamentoparu nuwantañataqui, jupanacasti ucjja janiw suyapcänti.