Jueces 18:17 - Qullan Arunaca

¹⁷ Uca pheska uñakerinacasti nayrakata utar mantasin apsupjjänwa suma lurat yakha diosa, patatsti kollkempi apaquipatäqui uca, efod sat isi, uqhamarac familiapanquir diosanaca. Uccañcamasti sacerdotejj uta anka puncon sojjta pataca soldadonacampïscänwa.

Aymar Bibliia 1986

¹⁷ Uca pheska uñakerinacasti nayrakata utar mantasin apsupjjänwa suma lurat yakha diosa, patatsti kollkempi apaquipatäqui uca, efod sat isi, uqhamarac familiapanquir diosanaca. Uccañcamasti sacerdotejj uta anka puncon sojjta pataca soldadonacampïscänwa.

Qullan Arunaka DC

¹⁷ Uka phisqa uñaqanakax nayraqat utar mantasin, suma lurata qullqimpi jawikipat ídolo, ukhamaraki efod isimpi, wila masinakan diosanakapampi apsupxäna, ukchañkamasti sacerdotex uta punkun suxta patak soldadonakampïskänwa.

Jueces 18:17 Jak'a apnaqawi uñst'ayäwi

Génesis 31:19

Labanan yakha tokeru ovejanacapat t'arwanac yawiri sarañcamasti, Raquelajj tatapan diosanacapwa lunthatsuwayäna.

Génesis 31:30

Ucampisa sintipuni awquiman utapar cuttanjjañ munchiyäta ucasti jichhajj jutjjaracta ucapachasti, ¿cunatarac diosanacajj lunthatanistasti? —sasa.

Éxodo 32:20

Ucampis uca korit lurat vaca kallu catusinjja ninampiw phichcatäna, ucatsti lak'jam ñut'u q'iyjasinjja umaru willintasinwa uca umjja israelitanacarojj umantayaraquïna.

Isaías 41:29

¡Take jupanacasti janiw cunäpquisa! Janiw cun lurañsa yatipquiti; ina ch'usa diosanacaquiwa, janiw cunäpquisa.

Isaías 46:7

Callachipjjaruw apapjjaraqui, mä callañjjaruraquiw uscupjje, ucat janiraquiw onjjtquisa. Jakenacajj uca diosanacaru arnakasipcchini yanap mayisa, ucampis uca mayisitanacaparojj janiw ist'quiti, jupasti janiraquiw llaquinacatsa khespiycaraquispati.

Ezequiel 21:21

Babilonianquiri reyisti cawqhantejj pä thaquejj kalltqui uca chekaruw sayt'asi, ucatsti suertenaca apsusiraqui; flechanacapsa walpun ucsat acsat uñaquipi, diosanacaparusa jisct'asiraquiwa, animalanacan q'iwchanacapsa uñjjataraqui.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Miqueas 5:13

c'ari diosanacamsa, ajjsaraña kalanacamsa t'unjäwa, uqhamat jan mayampsa yupaychcjjañamataqui, cawquïr diosanactejj juma quipca lurascta ucanacaru.

Jueces 18:14

Pheska uñakerinacajj Lais sat chekanaca uñjir sarapcäna ucanacajja, jilanacaparojj sapjjänwa: —May jan yatipctatejja, aca utanjja utjiwa efod sat isi, familiataqui diosanaca, uqhamarac suma lurata yakha diosa patatjja kollkempi jawiquipata uqhamanaca. Ucampisti, ¿cuna lurañsa amuyapjjtajja? —sasa.

Jueces 18:16

Uccañcamasti sojjta pataca danita soldadonacajj wali armantataw puncuta suyt'apjjäna.

Jueces 18:18

Ucat sacerdotesti uca pheska uñaker jakenacar Micaía satan utaparu mantasinjja suma lurata yakha diosa, efod sat isi, uqhamarac familiapanquir diosanacapa apsunir uñjasinjja saraquïnwa: —¿Cunsa jumanacajj lurasipcta?

Jueces 18:2

Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.

Jueces 6:31

Ucampis Joás chachajja jutapqui uca jakenacarojj sänwa: —¿Jumanacasti Baal diosatti sayt'asipjjäta, uqhamarac jupat arjjatasisach nuwasipjjäta? ¡Uqhamasti qhititejj Baal diosaru arjjataña munchi ucajj jichha khantatpacha jiwpan! Baal diosächi ucajja jupa pachpa arjjataspan, uca tucjat altarajj jupancänwa —sasa.

1 Samuel 19:13

Ucatjja Mical sat warmipajj janc'aquiw mä yakha diosa caturaquïna, iquiñaruw iquintayäna. Uqhamarac ch'ijmaparojj cabrito t'awrat p'itatwa ch'ijmantaraquïna. Ucjjarusti mä sabanampiw janjjataraquïna.

1 Samuel 4:11

Diosan Arust'äwi Arcapsa catuntapjjaraquïnwa, Ofni uqhamarac Finees sata Elí sacerdoten yucanacaparus jiwarayapjjaraquitaynawa.