Jueces 17:5 - Qullan Arunaca

⁵ Micaía sat chachana utapanjja mä chekawa utjäna culto lurañataqui. Ucatsti efod sat iswa lurasïna, uqhamarac familiapataquisa diosanaca luraraquïna. Ucatsti mayni yokaparuw sacerdoteta utt'ayäna.

Aymar Bibliia 1986

⁵ Micaía sat chachana utapanjja mä chekawa utjäna culto lurañataqui. Ucatsti efod sat iswa lurasïna, uqhamarac familiapataquisa diosanaca luraraquïna. Ucatsti mayni yokaparuw sacerdoteta utt'ayäna.

Qullan Arunaka DC

⁵ Micaías chachan utapansti mä chiqaw utjäna yupaychañataki. Jupax efod sat isi lurasïna, ukhamaraki utapankirinakan yaqha diosanakapa, ukatsti maynïr yuqaparuw sacerdotet utt'ayäna.

Jueces 17:5 Jak'a apnaqawi uñst'ayäwi

Génesis 31:19

Labanan yakha tokeru ovejanacapat t'arwanac yawiri sarañcamasti, Raquelajj tatapan diosanacapwa lunthatsuwayäna.

Génesis 31:30

Ucampisa sintipuni awquiman utapar cuttanjjañ munchiyäta ucasti jichhajj jutjjaracta ucapachasti, ¿cunatarac diosanacajj lunthatanistasti? —sasa.

1 Reyes 12:31

Ucjjarusti lurayaraquïnwa santuario utanaca yakha diosanacataqui, ucatjja jakenac taypitacwa sacerdotenaca utt'ayäna, janiw jupanacajj levitanacäpcänti.

1 Reyes 12:32

Uqhamarus uñstayaraquïnwa fiesta luraña diosanacapataqui, quimsakallko phajjsïrina tunca pheskani uru sarakataru, cunjämatï Judá oraken fiestajj lurasirïqui uqhama, jupa pachparaquiw altarana sacrificionaca loktirïna. Ucsti Betel chekanwa luräna, vaca kallunaca luraycäna ucanacaru sacrificionaca loktasina. Ucjjarusti Betel chekanjja sacerdotenacwa utt'ayaraquïna, yakha diosanacataqui santuario utanaca luraycäna ucanacataqui.

Esdras 1:7

Ciro reyisti partepatjja churjjänwa Tatitun templopana yänacapa, Nabucodonosor reyejj Jerusalén marcata apsusina diosanacapan temploparu apcäna ucanaca.

Éxodo 24:5

Ucatsti Israelit waynanacwa qhithäna vaca kallunac qharsusa Tatitur jach'añchasina nact'ayasa loktapjjañapataqui, uqhamarac sumancthapiñataqui sacrificionacsa loktapjjaraquïnwa.

Éxodo 28:15

“Luraraquïtawa pectoral sat isi asqui uñjañ yänacani cunjämtejj efod sat isi lurctajja uqhama, suma bordata. Aca isjja lurätawa korita, azul telata, wila morado telata, wila telata, ucanacasti lino sat hilo c'anthitat luratäñapawa.

Éxodo 28:4

Aqham isinacwa lurapjjañapajja: Pectoral sata nayräjja pechotaqui lurata, Efod sata jan mangasan jach'a camisa, mä jach'a capa isi, ucasti callachita khepäjj cayucamäñapawa, túnica sat jach'a jan mangasan isi cayucama, ucasti suma bordatäñapawa, mitra sata p'eketaqui mä coronar uñtata, uqhamarac mä cinturona. Uqhama suma isinacwa lurapjjäta Aarón jilamataqui, uqhamarac wawanacapataquisa, uqhamata jupanacajj nayan sacerdotenacajj-jamajj cunsa lurapjjañapataqui.

Éxodo 29:9

Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Isaías 44:13

Jichhajj diosanac luririru uñjaraquiñäni. Jupajj reglapampiw take medidanaca catoke, ucatsti lapisampi, compasapampiraquiw sum dibujsu, ucat mäquiraquiw escoplo sat herramientampi irnakañ kallti, uqhamwa mä diosjja lursu jaker uñtata jan ucajj cunja sumäquitejj jakejj ucar uñtatsa, ucatsti mä temploruw ucharaqui.

Ezequiel 21:21

Babilonianquiri reyisti cawqhantejj pä thaquejj kalltqui uca chekaruw sayt'asi, ucatsti suertenaca apsusiraqui; flechanacapsa walpun ucsat acsat uñaquipi, diosanacaparusa jisct'asiraquiwa, animalanacan q'iwchanacapsa uñjjataraqui.

Ezequiel 21:26

Ucsti naya Tatituw arsta: ‘Ch'okasiñamjja aparapjjätamwa, coronamsa aparapjjaraquïtamwa; take cunasa mayjt'ataraquïniwa; cunatejj mankhancqui ucasti patancjjaniwa, patjjanquiristi mankhancaraquiniwa.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Oseas 8:14

Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Números 3:10

sacerdocio lurañanacsti Aaronan wawanacapan amparaparu jaytaraquim. Maynitejj jan cunäcasina sacerdotet sarnakani ucajj juchañchasin jiwayatäniwa.”

Hebreos 5:4

Janiw qhitis jupa pachpatjja jilïri sacerdotëcaspati, ucampis Diosaw jawsi, ucat uca suma jach'añchäwi churaraqui, cunjämtï Aaronar churcäna uqhama.

Jueces 17:4

Ucampis Micaiajj taycaparojj kollke churjjäma sascaquïnwa. Taycapajja pä pataca kollke apakawayasin platero sat kollke luririn ucaruw apäna mä diosa suma lurañapataqui, patatsa kollkempi jawiquipata uqham lurayañataqui. Ucatsti lurayanisinjja Micaian utaparuw uchäna.

Jueces 18:14

Pheska uñakerinacajj Lais sat chekanaca uñjir sarapcäna ucanacajja, jilanacaparojj sapjjänwa: —May jan yatipctatejja, aca utanjja utjiwa efod sat isi, familiataqui diosanaca, uqhamarac suma lurata yakha diosa patatjja kollkempi jawiquipata uqhamanaca. Ucampisti, ¿cuna lurañsa amuyapjjtajja? —sasa.

Jueces 18:24

Ucat Micaiajj saraquïnwa: —Jumanacasti nayajj lurascta uca diosanacajja, uqhamarac sacerdotejja apasirakapjjestajja nayarusti jan cunani jaytaniwayapjjesta. Ucampis jisqhisipcaquistawa ‘¿Cunasa camachtam?’ —sasa.

Jueces 18:30

Danitanacajja uca suma lurata c'ari diosjja mä chekaru uchasinjja ucaruwa yupaychapjjäna, sacerdotsti Jonatán, Gersón sat chachan yokapa, uqhamarac Moisesan allchhipwa, utt'ayapjjaraquïna. Uca khepatsti Jonatanan wawanacapawa danitanacan sacerdotepäjjänjja, jayaru apatäñcama.

Jueces 8:27

Uca koritsti Gedeonajj mä diosa lursuyasasti Ofra sat marcaparuw uchayäna. Ucatsti take chekat israelitanacajj ucaruquiw sarapjjäna, jupanacajj uqhama Diosata armt'asisa. Uca luratapasti Gedeonataquejja mä lanctañänwa, uqhamarac familiapataquisa.

1 Samuel 19:13

Ucatjja Mical sat warmipajj janc'aquiw mä yakha diosa caturaquïna, iquiñaruw iquintayäna. Uqhamarac ch'ijmaparojj cabrito t'awrat p'itatwa ch'ijmantaraquïna. Ucjjarusti mä sabanampiw janjjataraquïna.

1 Samuel 23:6

Ucañcamasti Ahimelec sacerdoten Abiatar yokapajja jaltjjaraquitaynawa Davidampi Keila marcana jiquisiñataqui, jupasti efod isi apasiraquitayna.