Jueces 16:30 - Qullan Arunaca

³⁰ jach'at art'äna: “¡Take filisteonaca nayampi chica jiwarapjjam!” sasa. Take ch'amapampiw nuqhutatäna. Ucat templojj alljjattänwa filisteonacan take jilïrinacaparu, uqhamarac take uca mankhenquirinacaru. Sansón chachajj jiwañapa horasanjja waljaninacwa jiwarayawayäna, jaccasinsa jiwaraycän ucatsa juc'amp jila.

Aymar Bibliia 1986

³⁰ jach'at art'äna: “¡Take filisteonaca nayampi chica jiwarapjjam!” sasa. Take ch'amapampiw nuqhutatäna. Ucat templojj alljjattänwa filisteonacan take jilïrinacaparu, uqhamarac take uca mankhenquirinacaru. Sansón chachajj jiwañapa horasanjja waljaninacwa jiwarayawayäna, jaccasinsa jiwaraycän ucatsa juc'amp jila.

Qullan Arunaka DC

³⁰ jach'at art'äna: “¡Filisteonaka, nayamp chika jiwarapxam!” sasa. Ukatsti taqi ch'amapampiw nukt'äna, uka yupaychañ utasti filisteonakan jilïrinakapxaru, taqi uka manqhinkirinakxaruw allxattäna. Sansonax jiwañapanxa waljanirupuniw jiwarayawayäna, jakkasin jiwaraykatayna ukat sipan juk'amp walja jiwarayäna.

Jueces 16:30 Jak'a apnaqawi uñst'ayäwi

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Job 20:5

Ñankha jaken cusisiñapajj juc'ataquiquiwa, uca cusist'añapasti mä juc'ataquiquiraquiwa.

Job 31:3

¿T'akhesiñasti janit ñankha jucharar jakeru wact'qui?

Salmos 62:3

¿Cunapachcamarac nuwañatac arcnakapjjetätasti? ¿Cunapachcamarac tincuyañ munapjjetätasti? ¿Cunapachcamarac llojjesir perkarjam uñjapjjetätasti? ¿Cunapachcamarac tincuñampïsquir uyurjam uñjapjjetätasti?

Eclesiastés 9:12

Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Mateo 16:25

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Hechos 21:13

Ucampis Pablojj sänwa: —¿Cunats jachapjjta? Uqham jachasajj nayaruw llaquisiyapjjesta. Nayasti waquicht'ataquïsctwa Jerusalén marcan ñach'antayasiñataquisa, uqhamarac Tatit laycu jiwañataquisa —sasa.

Filipenses 2:17

Nayan quipca jacañajjas sacrificatäcchinejja, cawquïr catuyäwtï iyawsapjjatam laycu Diosaru loktapctas uca phokhañataqui ucajja, nayajj cusistwa, jumanacampi chicaraquiw cusisiractjja.

Filipenses 2:30

niyaquitejj jiwirjamäjjchïnjja Cristor sirviñ laycu. Jacañapsa niyapuniw nayar yanapt'asin apt'asi, niyaquejjay jumanacajj jani yanapt'iri jutirjamäpcstatejja uca laycu.

Filipenses 2:8

Cunapachatejj jaker tucutäjjän ucqhajja, jupa quipcaw jisc'ar tucuwayi, jaysatap laycusti crusan jiwañcamaraquiw puriwayi, uqham jiwañajj sinti p'enkäcchïna ucasa.

Colosenses 2:15

Tatit Jesucristo tokew Dios Awquejj take ajayunacan ch'amanacaparojj atipjawayi. Khanpacharacwa mä p'enka jupanacarojj jisc'achjawayi, presöpcaspas uqhama jupan atipjatapampi apasina takenin uñjcata.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

Jueces 14:19

Ucampis Diosan ajayupaw Sansón chachjjaru jutäna, ucatsti Sansón chachajj Ascalón sat chekaruw saräna, ucansti quimsa tunca jaquinacaruw jiwarayäna, ucanacatwa isinacapjja aparaniwayasajja, yatjjatañan atipapqui ucanacaru churañataqui. Ucatsti churawayasinjja awquipan utaparojj wali colerataw cutt'jjäna.

Jueces 15:15

Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.

Jueces 15:8

Ucat wali colerata nuwasisasti filisteonacan take ch'aqhanacapwa p'aquiräna. Ucatsti Etam sat kala janqhara p'iyaruw jaquiri sarjjäna.

Jueces 16:29

Ucjjarusti Sansón chachajj amparapampiw thaktäna takpacha templo catjjäsqui uca chicachicanquir paypacha sayirinaca. Uca columnanacaru amparanacapampi limcatasinsti,

Jueces 16:31

Ucjjarusti Sansón chachan jilanacapa, uqhamarac take familianacapaw jutasina jiwata janchipa apasjjapjjäna, ucatjja imt'apjjaraquïnwa Zora, Estaol sat marcanac taypiru, Manoa sat awquipan imäwiparu. Sansón chachajj pä tunca maranacaw Israel marcarojj apnakawayänjja.