Jueces 15:5 - Qullan Arunaca

⁵ Ucatsti uca wich'inqhanaca ninampi naccatayasinwa kamakenacjja filisteonacan yapunacap taypiru antutnucüna. Uqhamatwa take naqhantayäna apthapit trigonaca, jan apthapitäqui ucanacsa, uqhamarac olivo sat yapunacsa take phichhantäna.

Aymar Bibliia 1986

⁵ Ucatsti uca wich'inqhanaca ninampi naccatayasinwa kamakenacjja filisteonacan yapunacap taypiru antutnucüna. Uqhamatwa take naqhantayäna apthapit trigonaca, jan apthapitäqui ucanacsa, uqhamarac olivo sat yapunacsa take phichhantäna.

Qullan Arunaka DC

⁵ ukatsti uka wich'inkhanaka ninamp wiykatasin, qamaqinakxa filisteonakan yapunakap taypiruw antutnuküna. Ukhamat apthapit trigonaka, janïr apthapit trigonaksa phichhantäna, uva yapunaka, olivo quqanakamppacha.

Jueces 15:5 Jak'a apnaqawi uñst'ayäwi

2 Samuel 14:30

Ucatwa Absalonajj uywatanacaparu saraquïna: —Ist'apjjeta, Joab chachan yapunacapajj nayan yapunacajj jac'anquiwa, cebada yapuchatcamaquiraquiwa. ¡Jichhajj sarapjjam, ucatsti ninampi phichhantanipjjam! —sasa. Absalonan uywatanacapasti sarasinjja Joab chachan yapunacapjja ninampiw phichhantanipjjäna.

Éxodo 22:6

“Uqhamarac qhititejj nina phichhasina maynin orakepanquir pastonaca, trigo callchanacsa, jan ucajj trigo yapsa naqhantaychi ucajja, uca nina phichhir jakejja pagañapawa cunanactejj ninajj naqhantqui ucanacatjja.

Éxodo 23:11

Ucampis pakallköri maranjja janiw yapuchätati, jan ucasti jaytätawa samarañapataqui, uqhamata marcamancqui uca pobre jakenacasa, pampa animalanacasa yapun jilt'qui ucanaca mank'asipjjañapataqui. Uca quipcaraquiquiw luraraquïta uva yapunacamampisa, uqhamarac olivo sat aceituna achur kokanacampisa.

Jueces 15:4

Ucatsti Sansón chachajj sarasinjja quimsa pataca kamakenaca caturanïna. Payat payacama wich'inqha pura chinthapisasti ninampiw uca chinthapita wich'inqhanacaru wiycatawayäna.

Jueces 15:6

Filisteonacajj yatjjatañaruw uchasipjjäna qhitisa uqham lurpacha uca. Ucatsti yatjjatapjjänwa Sansón chachan phoksusiñata uqhama luratapa, Timnateo sat awcch'ipajja warmipa aparasina Sansón chachan amigoparu churatapata. Uqham yatisinsti filisteonacajj sarapjjänwa warmimpiru, awquipampiru ninampi phichhantiri.