Jueces 15:18 - Qullan Arunaca

¹⁸ Sansón chachasti umata wali pharjayasisinsti Diosaruwa säna: “Jumawa aca jan walt'añanjja atipt'ayistajja, jichhasti ¿cunjämaraqui uñch'uquitätasti nayaru umat pharjat jiwirsti, uqhamarac uca jucharar jakenacan amparapansti?” sasa.

Aymar Bibliia 1986

¹⁸ Sansón chachasti umata wali pharjayasisinsti Diosaruwa säna: “Jumawa aca jan walt'añanjja atipt'ayistajja, jichhasti ¿cunjämaraqui uñch'uquitätasti nayaru umat pharjat jiwirsti, uqhamarac uca jucharar jakenacan amparapansti?” sasa.

Qullan Arunaka DC

¹⁸ Sansonasti umat wali pharjatänwa, ukat Tatitur art'asïna akham sasa: “Jumaw aka jan walt'añan atipt'ayistaxa, jichhasti, ¿aka jucharar jaqinakan amparapan umat pharjata uñch'ukikitätati?” sasa.

Jueces 15:18 Jak'a apnaqawi uñst'ayäwi

Génesis 20:11

Abrahamasti saraquïnwa: —Nayasti amuyayätwa aca chekanjja Diosar ajjsarañajj jan utjatapa, inas ucata warmejj causa jiwayatïrista.

Génesis 32:31

Jacobosti Peniel chekatwa mistusincäna, inti jalsu horasaru. Thejjnipa usuchjatätap laycusti cojtasaw saräna.

2 Samuel 1:20

Gat sisqui uca chekansti jan yatiyapjjamti, janiraqui Ascalón callenacansa parlapjjamti, uqhamat filisteo warminacajj jan cusisipjjañapataqui, uca jan Diosar uñt'iri warminacajj jan cusisiñat sinc'upjjañapataqui.

Juan 19:28

Ucanac pasatatsti Jesusajj yatïnwa take cunas phokhasjjatapa, ucatsti Kellkatan phokhasiñapataquejj, —Umat pharjitu —sänwa.

Hebreos 11:32

¿Cunamps säjja? Tiempow jan utjquituti Gedeón, Barac, Sansón, Jefté, David, Samuel take ucanacata, profetanacampita parlañajjataquejja.

Jueces 14:3

Ucat awquinacapasti saraquïnwa: —¿Conataquisa jumajj uca filisteo jucharar jakenac taypiru warmi thakher sarta? ¿Janiti warmejj utjqui jiwas familiasa taypinjja, uqhamarac israelitanac taypinsa? —sasa. Sansón chachasti saraquïnwa: —Uca tawakoruw nayajj wali munta, juparuy jicjjatt'arapipjjeta warmejjataqui —sasa.

Jueces 15:17

Ucatsti uqham parlaña tucuyasinsti uca quijada ch'acjja jakonucjjänwa. Ucatwa uca chekanjja Ramat-lehi sasa sutichatänjja.

Jueces 16:28

Ucampis Sansón chachajj Diosaruw art'asïna: “Dios Tatitu, achict'assmawa jichha cutimpi nayat amtt'asitaya, ch'ama churita filisteonacaru pä nayrajjata phoksusiñajjataqui” sasa.

Jueces 8:4

Gedeonampi, quimsa patac jakenacapampejj Jordán jawirar purisinjja maqhatawayjjapjjänwa, jupanacajj uñisirinacapar arcnakcäwejj karjatäpcchïna ucasa.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 27:1

Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.