Jueces 11:24 - Qullan Arunaca

²⁴ Quemós sat diosamajj, ¿cunanactejj churctam jumancañapataqui ucanacjja jumanquïritjjay uñt'astajj janicha? Uca quipcaraquiw nanacan Diosajjajja cunanactejj churapquitu ucanacjja nanacanquïrit uñt'asipjjaracta.

Aymar Bibliia 1986

²⁴ Quemós sat diosamajj, ¿cunanactejj churctam jumancañapataqui ucanacjja jumanquïritjjay uñt'astajj janicha? Uca quipcaraquiw nanacan Diosajjajja cunanactejj churapquitu ucanacjja nanacanquïrit uñt'asipjjaracta.

Qullan Arunaka DC

²⁴ Quemós diosamatix mä kunsa jumankañapatak churätam ukaxa, jumax ukanakxa jumankirit uñt'astaxa, ¿janich ukhamäkixa? Uka kipkarakiw nanakax kuntix Tatitux nanakar churapkitu ukanakxa, nanakankirit uñt'asxapxta.

Jueces 11:24 Jak'a apnaqawi uñst'ayäwi

1 Reyes 11:7

Qhä tiemponsti Salomonajj Jerusalenata inti jalsu tokenquir kollurojja lurayänwa mä santuario Quemos sat c'ari diosataqui, ucasti Moab ucan ajjtcaña diosapänwa, uqhamarac Moloc ucataquiraqui, ucasti amonitanacan ajjtcaña diosapänwa.

Salmos 44:2

Diosar jan uñt'irinacarojj amparamampiw jakonuctajja, marcanacaruw mutuytajja, nayra awquinacajjar utt'ayañataqui.

Salmos 78:55

Israel marcan nayrakatapatjja, Tatitur jan uñt'ir marcanacarojj ananucünwa; ayllunacaparuw orakenac laquintäna, chhujllanacapan jacayaraquïna.

Jeremías 48:13

Ucapachaw Moab marcajj amuyasini Quemós sat diosapajj sallkjatapa, cunjämatejj Israel marcajj Betel chekan sallkjata uñjasïnjja uqhama, Israel marcasti uca Betel chekaruw alcatasiraquïna.

Jeremías 48:46

¡Ay, Moab, cunaquïcani jumataquejja! ¡Quemós diosan marcapa, aynacht'atätawa! yokanacamarusa, phuchanacamarusa jaya marcaruw preso apapjje.

Jeremías 48:7

“Moab marca, jumasti ch'amamaruw wali alcatasïyätajja, uqhamaraqui kamir cancañamarusa, ucampisa jumanacajj catuntatäpjjaraquïtawa. Quemós sat diosamasa jayaru apataraquïniwa, sacerdotenacapampi, jilïri jakenacapampi chica.

Miqueas 4:5

Yakha marcanacajj pachpa diosanacaparuw jaysapjjejja, ucampis jiwasanacajj Tatitu Diosasarupuniw jaysañäni.

Números 21:29

¡Moab, jumajj jachcañätawa, aynacht'atätaw, Quemós diosan marcapa! Juparaquiw jakenacamsa jaltayaraqui, warminacamsa Sehón reyin amparapar catuyaraqui.

Deuteronomio 18:12

Tatitu Diosamarusti, cawquïri jakenacatejj uqham lurapqui ucanacajj ajjtasiyapjjewa. Tatitu Diosasti jumanac nayräjjatjja take uca marcanacarojj jakonucuwa uqham ajjtascañ luräwinacanïpjjatap laycu.

Josué 21:43

Uqhamawa Diosajj uca Israel marcarojj take uca orakenac churäna, cunjämtï nayra awquinacaparu juramentompi arscäna uqhamar phokhasa. Ucatwa jupanacajj uca oraken utjasipjjäna, uqhamarac ucan jacapjjäna.

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.

Jueces 11:23

¿Jichhasti nanacarojj alisnucuñti munapjjesta Diosajj cawquïr orakenactejj amorreonacat aparawayasina nanacaru churapquitu ucatjja?

Jueces 2:1

Diosan angelapasti Gilgal chekata Boquim sat chekaru sarasinjja israelitanacarojj sänwa: “Nayawa jumanacarojj Egipto marcata irpsunisajj aca orakeru irpanipjjsma, cawquïr oraketejj nayra awquinacamaru churañatac arsutacäna, aqham sasa: ‘Nayan arsutajjsti janipuniw jumanacampejj p'acjcäti,

Rut 1:15

Ucatwa Noemí warmejj säna: —Uñtam, yojjch'a masimajj marcaparu, uqhamaraqui diosanacaparuw cuttawayjje, jumasti jupamp chica sarjjaraquim —sasa.