Juan 18:12 - Qullan Arunaca

¹² Ucatsti soldadonacajj jilïripamp chica, uqhamarac judionacan templo uñjirinacapampejj Jesusarojj preso catuntapjjäna, ucatsti ñach'antapjjaraquïnwa.

Aymar Bibliia 1986

¹² Ucatsti soldadonacajj jilïripamp chica, uqhamarac judionacan templo uñjirinacapampejj Jesusarojj preso catuntapjjäna, ucatsti ñach'antapjjaraquïnwa.

Qullan Arunaka DC

¹² Ukatsti tama soldadonakampi, jilïripampi, Tatitun utap uñjir soldadonakampix Jesusaruw katuntapxäna, ukatsti ñach'antapxarakïnwa.

Juan 18:12 Jak'a apnaqawi uñst'ayäwi

Génesis 22:9

Cawqharutejj Diosajj uñacht'aycatayna uca chekar purisinsti Abrahamajj mä altar luräna, uqhamarac lawanacsa suma waquicht'i altar patjjaru, ucatsti Isaac wawaparuw catuntasin ñach'anti, altarjjaruw wayjjataraqui, lawa patjjaru.

Salmos 118:27

Tatituw Diosajja: jupaw khant'anistu. Cusisiñ kalltapjjam, altar thiyacam layminacamp c'achachapjjam.

Mateo 26:57

Jesusar preso catuntirinacasti, Caifasan ucaruw irpapjjäna; jupasti take sacerdotenacan jilïriparaquïnwa, utapanaracwa ley yatichirinacasa, chuyman jilïrinacasa tantacht'atäsipcäna.

Mateo 27:2

Juparusti ñach'antatwa apapjjäna Poncio Pilaton ucarojja.

Mateo 27:27

Marca apnakerin soldadonacapasti palacioruw Jesusarojj irpjjapjjäna, takpacha soldadonacaruraquiw jupan jac'aparu jawsthapïna.

Marcos 14:53

Jakenacasti Jesusarojj jilïr sacerdoteruw irpcatapjjäna. Tantachasipjjaraquïnwa take jilïr sacerdotenacampi, chuyman jilïrinacampi, ley yatichirinacampi.

Marcos 15:1

Willjtanipansti niyaw parlthapipjjäna jilïr sacerdotenacampi, jilïr chuyman jakenacampi, ley yatichirinacampi, jach'a jilïr Tantachasïwimppacha. Ucatsti Jesusar ñach'antat irpasinjja, Pilatoruw catuyapjjäna.

Lucas 22:54

Ucapachaw Jesusarojj preso catuntapjjäna, ucat sacerdotenacan jilïripan utaparuw irpapjjäna. Pedrosti jayatac arcascäna.

Juan 18:3

Uqhamaw Judasajj mä tama soldadonac ant'ataw ucawjaru purini, uqhamarac fariseonacampi sacerdotenacan jilïrinacapampejj templot mä kawkha uñjirinaca qhitancatayna ucanacamp chica. Jupanacajj wali armataw jutapjjäna lamparanaca, nina wiyanacas apt'ata.

Hechos 10:1

Cesarea marcan mä jakew utjäna, Cornelio sutini. Jupajj Italiano sata soldado taman capitanaparaquïnwa.

Hechos 21:31

Cunapachatï Pablor jiwayañataquëjjapjjän ucqhajja, soldadonacan comandanteparuw yatiyapjje, Jerusalén marcpachan ch'ajjwatapata.

Hechos 21:37

Cunapachatï Pablorojj cuartelar irpantañataquïsipcän ucqhajja, jupajj comandanterojj sänwa: —¿Mä juc'a arunac arst'asiristti? —sasa. Comandantesti sänwa: —¿Griego parlañ yattati?

Hechos 23:10

Uqham wali ch'ajjwatapatsti comandantejj ajjsaränwa: “Inampis Pablorojj jisc'a jisc'a tucjapjjaspa” sasa. Ucatwa soldadonac jawsayasina, Pablor judionac taypit cuartelar wasitat irpantayjje.

Jueces 16:21

Ucatsti filisteonacajj catuntasinjja nayranacapa apsupjjäna, broncet lurata cadenanacampi catuntayasinsti carcelanjja molinompiw irnakayapjjäna.