Juan 12:38 - Qullan Arunaca

³⁸ Acajj phokhasiñapapunïnwa cunjämtejj Isaías profetajj kellkcäna uqhamaru: “Tata, ¿qhitis arunacasaru iyawsejja? ¿Qhitirus Tatitojj ch'amapa uñacht'ayi?” sasa.

Aymar Bibliia 1986

³⁸ Acajj phokhasiñapapunïnwa cunjämtejj Isaías profetajj kellkcäna uqhamaru: “Tata, ¿qhitis arunacasaru iyawsejja? ¿Qhitirus Tatitojj ch'amapa uñacht'ayi?” sasa.

Qullan Arunaka DC

³⁸ kuntix Isaías profetax qillqkäna ukanakaw phuqhasiñapäna: “Tatay, ¿khitirak arunakasar iyawsisti? ¿Khitirurak Tatitusti ch'amap uñacht'ayisti?” sasa.

Juan 12:38 Jak'a apnaqawi uñst'ayäwi

2 Crónicas 32:20

Uqham ujasisinsti, Ezequías reyimpi, Amoz chachan Isaías yokap profetampisti, oracionwa lurapjjäna alajjpachata yanapa mayisina.

Salmos 44:3

Janiw espadapamp orak catuntasipquiti, janiraquiw ch'amapampis atipjapquiti; jan ucasti, amparamampi, ch'amamampi, khanamampiw atipjapjje, jupanacar munasitam laycu.

Isaías 51:5

Atipjäwejjasti jac'anquiwa nayan khespiyasiñajjasti niyaw jutasqui, marcanacarusti ch'amajjampiraquiw apnakä. Kota tokenquir marcanacasti nayaruw suyt'apjjetani, ch'amajjaruraquiw alcatasipjjani.

Isaías 51:9

Sartasimay, sartasimay, Tatitun amparapa, ch'amañcht'asimay, sartasimay cunjämtejj nayrapachanacanjja sartasirïcta uqhama. Jumaw uca ajjsarcañ jach'a Rahab sat dragonarojj jisc'a jisc'a tucjtajja,

Isaías 53:1

¿Qhitirac ist'atasarusti iyawsani? ¿Qhitirurac Tatitusti ch'amapjja uñacht'ayataynasti?

Mateo 15:7

¡C'ari chuyman jakenaca! Walicpun Isaías profetajj jumanacatjja sascänjja:

Mateo 16:17

Jesusasti juparojj saraquïnwa: —Cusisiñanïtaw jumajj Simón, Jonasan yokapa. Janiw qhitis jumarojj yatiyctamti, jan ucasti alajjpachanquir Awquejjaw yatiytamjja.

Mateo 27:35

Ch'accatatäjjän ucqhajja, soldadonacajj suertenac willtapjjäna Jesusan isinacap jaljasiñataqui. Uqhamatwa profetan arsutapajj phokhasi: “Isejj-jja suertenac willtasinwa jaljasjjapjje” sasa.

Juan 12:37

Jesusajj walja milagronaca jupanac nayrakatana lurcchïna ucasa, janiw judionacajj juparojj iyawsapcänti.

Juan 12:39

Uqhamasti janiw iyawsirjamäpcänti; Isaías profetajj kellkaraquïnwa aqham sasa:

Juan 15:25

Ucampis acanacajj pasañapapuniwa, jupanacan ley kellkatanacapan: ‘Alekat uñisipjjetu’ sisqui uca arunacajj phokhasiñapataqui.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.

Juan 19:24

Ucatsti soldadonacajj jupanac puraw sapjjäna: —Jan ch'iyjcañäniti, jan ucasti sorteasipjjañäni, qhitirus wact'ani uc yatiñataqui —sasa. Uqhamanwa Kellkatajj phokhasi: “Isejj-jja jupanacpuraw lacjasipjje, isejj-jjarusti suerte jaktapjjaraqui” Uqhamwa soldadonacajj lurapjjäna.

Romanos 10:16

Ucampis janiw qhitis yäkquiti khespiyasiñ arunacjja. Cunjämtï Isaías profetajj sisqui uqhama: “Tatitu, ¿qhitis suma yatiyäwisarojj iyawsejja?” sasa.

Romanos 10:20

Isaías profetajj saraquiwa: “Qhitinacatejj jan thakapquitu ucanacaw nayarojj jicjjatapjjetu. Nayasti uñstaractwa qhitinacatejj nayjjat jan jisct'asipcänsa ucanacaru” sasa.

1 Corintios 1:24

Ucampis qhitinacarutejj Diosajj jawsqui, judiöpasa, jan judiöpasa ucanacataquejj Cristojj Diosan yatiñ cancañapawa, ch'amaparaquiwa.

Gálatas 1:16

Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.