Juan 1:11 - Qullan Arunaca

¹¹ Jupajj quipca orakeparuw juti, ucampis jupanquirinacajj janiw catokapcänti.

Aymar Bibliia 1986

¹¹ Jupajj quipca orakeparuw juti, ucampis jupanquirinacajj janiw catokapcänti.

Qullan Arunaka DC

¹¹ Jupasti jupankirinakan ukaruw jutäna, jupankirinakasti janiw katuqapkänti.

Juan 1:11 Jak'a apnaqawi uñst'ayäwi

Mateo 15:24

Ucapachaw Jesusajj saraquïna: —Diosajj qhitanituwa Israel marcan chhakatäquis uca ovejanacar thakeri —sasa.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Juan 1:10

Qhä Arusti aca orakencänwa; Diosasti aca orakerojj jupa tokew luri, orakenquirinacasti juparojj janiw uñt'cänti.

Juan 1:12

Ucampis juparu catokapqui iyawsapcaraqui ucanacarusti munañanïñwa churi Diosan wawanacapa tucupjjañapataqui.

Juan 19:27

Ucjjarusti uca discipulorojj saraquïnwa: —Ucajjay taycamajja —sasa. Ucürutpachaw uca discipulojj Mariarojj utapar irpjjäna.

Juan 3:32

Uqhamaraquiw parli cuntejj uñjqui ist'caraqui ucjjata, ucampis janiw qhitis iyawsquiti cuntejj jupajj arsqui ucjja.

Hechos 13:26

“Jilatanaca, Abrahaman wawanacapa, uqhamarac qhitinacatejj jumanac taypit Diosar ajjsartas sarnakapcta ucanaca, take jumanacataquiw aca khespiyäwi arunacajja.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Hechos 21:6

Ucatsti jupanacamp khomantasisinwa, jaytjawayjjapjjta. Nanacasti barcoruw mantjjapjjta. Jupanacasti utanacaparuw cutt'jjapjjaraqui.

Romanos 15:8

Nayajj sistwa, judionacar sirviriw Cristojj juti, uqhamat cunatejj nayra awquinacasampi arust'atäcän ucanac phokhañataqui, uqhamat uñacht'ayañataqui Diosajj arsutanacaparu phokherïtapa.

Romanos 9:1

Nayasti chekacwa sista Cristor iyawsatajj laycu, janiraquiw c'ariscti, chuymajjan amtäwinacapjja Kollan Ajayuw apnakasqui, cunatejj chekäqui uca nayar yatiyasa.

Romanos 9:5

Jupanacajj nayrïri awquinacasan wawanacapawa, janchi toketjja Cristojj jupanacataracwa juti. Jupasti take cunanacjjaru Diosaraquiwa, ucatsti wiñayatac yupaychataraquiwa. Uqhamäpan.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.