Josué 9:8 - Qullan Arunaca

⁸ Gabaón marcat jutir jakenacasti Josué chacharojj aqham sapjjaraquïnwa: —Nanacasti juman sirvirinacamaw tucupjjä —sasa. Ucatwa Josué chachajj jupanacaru jisct'äna: —¿Qhitïpjjaracta jumanacasti, cawqhatsa jutapjjaracta? —sasa.

Aymar Bibliia 1986

⁸ Gabaón marcat jutir jakenacasti Josué chacharojj aqham sapjjaraquïnwa: —Nanacasti juman sirvirinacamaw tucupjjä —sasa. Ucatwa Josué chachajj jupanacaru jisct'äna: —¿Qhitïpjjaracta jumanacasti, cawqhatsa jutapjjaracta? —sasa.

Qullan Arunaka DC

⁸ Ukampis jupanakax Josué chacharux sapxänwa: —Nanakax juman luqtirinakamaw tukupxä —sasa. Ukat Josué chachax jupanakar jiskt'äna: —¿Khitïpxarakta jumanakasti? ¿Kawkhatarak jutapxtasti? —sasa.

Josué 9:8 Jak'a apnaqawi uñst'ayäwi

2 Reyes 10:5

Ucatsti palacionquiri mayordomosa, uca marcan gobernadorapasa, chuyman awquinacasa, uqhamarac Acab reyin wawanacap uñjiri chachanacasa qhitapjjänwa Jehú reyir saniñapataqui; aqham sasa: “Nanacajj juman amparamancapjjtwa, ucatsti cuntejj sapquitäta ucwa lurapjjäjja, ucampis janiw qhitirus reyit utt'ayapcäti. Jumajj lurascaquim cunjämay jumataqui asquïchi uqhamaru” sasa.

Deuteronomio 20:11

ucatsti uca marcanquir jakenacatejj sumancaña munapjjani, marcarusa mantayapjjaraquïtam ucapachasti jupanacarojj wali ch'ama irnakañanac lurayasaw sirviyasipjjäta.

Josué 10:6

Ucatsti Gabaón marcanquir jakenacajj mä yatiyäwi Josué chacharu apayanipjjäna, cawquïritï Gilgal campamento lugaranccäna ucqharu aqham sasa: “Janiquiy jumajj nanacar yanapt'añjja negapjjestati, janc'aquiy jutapjjam nanacat arjjatasiri, uqhamarac yanapt'irisa. Amorreo reyinacaw takpachani tantacht'asisina jiwarayañ munapjjetu” sasa.

Josué 9:11

Ucatwa nanacan jilïri jakenacajjajj sapjjetu: ‘Sarapjjam, mank'añ thaquitac apasipjjam, ucatsti jicjjatañcam sarapjjaraquim, aqham sapjjaraquim: ‘Nanacasti jumanacan sirvirimaw tucupjjä, jichhasti mä suma amtäwiruy mantañäni’ sasa.

Josué 9:23

ucatwa jichhajj jumanacajj nanacan maldicitäpjjäta, ucatjja wiñayaw sirvientenacajjat sarnakapjjäta, ucatsti lawa ch'iyanipjjäta, uma apanipjjaraquïta Diosan utapataqui —sasa.

Josué 9:25

Jichhasti nanacajj juman amparamancapjjtwa, nanacampisti cunjämtejj munta uqhamar luram —sasa.

Josué 9:27

ucampis uca Gabaón marcat jutir jakenacajj lawa, uma apanirit uscutäpjjänwa Israel marcataqui, uqhamarac Diosan altarapataqui, cawqharutï Diosajj uchasiñ muncän ucqharu. Jichhürcamaw gabaonita jakenacajj uc lurasipqui.