Josué 9:17 - Qullan Arunaca

¹⁷ Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.

Aymar Bibliia 1986

¹⁷ Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.

Qullan Arunaka DC

¹⁷ Ukatsti israelit jaqinakax Gabaonitanakar thaqhiriw mistuwayapxäna, kimsürutsti Gabaón, Quefirá, Beerot, Quiriat-jearim sat markanakaparuw puripxäna.

Josué 9:17 Jak'a apnaqawi uñst'ayäwi

2 Samuel 4:2

Is-boset jakesti pani jaken sirvitänwa, ucanacasti lunthatanacan jilïripäpjjänwa. Maynïrejja Baana satänwa, maynïristi Recab sataraqui. Jupanacasti Beerot chekanquiri Rimón sat jaken yokanacapänwa, uqhamasti Benjamín tribut jutirïpjjaraquïnwa, Beerot marcarojj Benjamín tribunquirit uñt'atätap laycu.

1 Crónicas 12:4

gabaonita Ismaías ucaraqui, jupasti quimsa tunca jan ajjsariri ucanacan jilïripänwa; Gedera ucanquiri Jeremías, Jahaziel, Johanán, Joazabad ucanacaraqui.

1 Crónicas 2:50

Acanacänwa Caleb chachat jutir wawanacapajja. Efrata warmin jilïr Hur sat yokapan wawanacapasti acanacänwa: Sobal, jupasti Quiriat-jearim ucan awquipänwa;

1 Crónicas 2:52

Sobal chachan, qhititï Quiriat-jearim ucan awquipäcäna ucan wawanacapasti acanacänwa: Reaía, ucasti manahetitanacatjja chicatpachänwa,

1 Crónicas 2:53

Quiriat-jearim ucan familianacapasti acanacänwa: itritanaca, futitanaca, sumatitanaca, misraítanaca, jupanacataracwa jutaraquïna zoratitanacajja, uqhamarac estaolitanacasa.

1 Crónicas 21:29

Moisesajj wasarana apnakaña carpsa lurcchïna Tatitutaqui ucasa, uqhamarac nact'ayañ ofrendanac altarasa Gabaón chekana santuariojj jicjjatascchïna ucasa,

Esdras 2:25

Quiriat-jearim, Cafira, uqhamarac Beerot chekanquirinacasti, pakallk pataca pusi tunca quimsanïpjjänwa;

Nehemías 7:29

Quiriat-jearim, Cafira, uqhamarac Beerotanquiri jakenacasti pakallk pataca pusi tunca quimsani;

Jeremías 26:20

Semaiasan yokapa Urías profetasa, cawquïritejj Quiriat-jearim sat marcana jaccäna ucasa, Tatitun sutipjjaruraquiw aca marcataquisa uqhamaraqui aca orakenquir jakenacataquisa Jeremiasjama parlaraquïnjja.

Josué 10:2

Aca yatïwisti juc'ampi ajjsartayäna, Gabaón marcajj uca urunacanjja wali jach'a marcänwa uqhamarac wali aytat marca, ucatsti jakenacapajj nuwasiñataquejj sinti ch'amanïpjjaraquïnwa uca laycu.

Josué 15:60

Uqhamaraqui Quiriat-baal marca, cawquïritï Quiriat-jearim satäcaraquïna, uca quipcaraqui Rabá marca, takpachasti pä marcanaca, jisc'a marcanacamp cuna.

Josué 15:9

Muytasincaquïnwa kollu patanjama Neftoa sat uma jalsucama sarakasa, Efrón kolluna marcanacapar puriñcama, uqhamaraqui Baala chekanjam pasasina, cawquïritï Quiriat-jearim sutinïcaraqui.

Josué 18:14

Ucjjarusti korpajj cuttänwa Mediterráneo sat jach'a kota tokeru, mä kollun aynach thiyapanjama, Bet-horón uñcatasinjama, Quiriat-baal chekar puriñcama, cawquïritï Quiriat-jearim sutinïcaraqui uca chekacama, cawquïritï Judá triburu churatäqui ucacama. Ucawjaw inti jalanta toketjja korpänjja.

Josué 18:15

Aynacha toketjja korpasti kalltanïnwa Quiriat-jearim satäquis, ucatsti sarascaquïnwa inti jalanta tokeru Neftoa uma phuch'unac chekar puriñcama.

Josué 9:16

Quimsa urunac pasipanjja israelitanacajj acatjamat yatipjjäna uca Gabaón marcajj jupanacan jac'ancaquitapa, uqhamaraqui uca jac'anacan jacapjjatapa.

Josué 9:18

Ucampis israelitanacajj purisinjja janiw jiwarayapcänti jan ucasti jacañanacapjja perdonapjjänwa Gabaón marcanquir jakenacarojja, Israel marcanquir jilïrinacajj Dios nayrakatan juramento lurapjjatap laycu jacañanacap perdonañataqui. Uqham uñjasinjja take Israel jakenacajj wal colerasipjjäna jilïrinacataquejja.

Josué 9:3

Ucampisa gabaonita jakenacajj sumwa yatipjjäna cunjamtï Josué chachajj lurcatayna Jericó marcampejja uqhamaraqui Hai sat marcampisa ucanacjja,

Josué 9:9

Jupanacasti sapjjänwa: —Nanacajj wali jaya marcat jutapjjta. Diosaman jach'a ch'amanïtap yatipjjta, cuntï Egipto marcampejj lurcatayna ucsa yatipjjaractwa, ucat jichhajj jutapjjta,

Jueces 18:12

Jupanacasti Judá sat orakerojj wali armantataw purintapjjäna, ucasti Quiriat-jearim sat chekatjja inti jalanta tokenquiwa. Uca chekasti jichhürunjja Dan satan campamentopawa sasa sutichatawa.

1 Samuel 6:21

Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.

1 Samuel 7:1

Uqhamasti Quiriat-jearim chekan utjasir jakenacajj jutasinjja Tatitun arcapjja apasjjapjjänwa, Abinadab sat jaken utaparuw jaytapjjaraquïna, ucasti mä kollu patancänwa; Eleazar yokaparuraquiw Tatitur catuyapjjäna uca arca uñjañapataqui.