Josué 8:8 - Qullan Arunaca

⁸ Cunapachatï jumanacajj marcaru t'unjapjjäta, ucqhajj ninampiw phichhantapjjäta, cunjämatejj Diosajj sapjjtam uqhama. Nayaw aca arunac sapjjsma” sasa.

Aymar Bibliia 1986

⁸ Cunapachatï jumanacajj marcaru t'unjapjjäta, ucqhajj ninampiw phichhantapjjäta, cunjämatejj Diosajj sapjjtam uqhama. Nayaw aca arunac sapjjsma” sasa.

Qullan Arunaka DC

⁸ Marka katuntasinsti, ninampiw phichhantapxäta, kunjämtix Tatitux siskän ukhamarjama. Aka arunakax phuqhañatakiwa” sasa.

Josué 8:8 Jak'a apnaqawi uñst'ayäwi

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

Deuteronomio 20:16

Ucampis Tatitu Diosamajj churctam uca oraken marcanacapanjja janiw cunsa jacasquir jaytapjjañamäquiti,

Josué 1:16

Jupanacasti Josué chacharojj sapjjänwa: —Take cunanactejj jumajj sapquitäta ucanacjja lurapjjäwa, uqhamaraquiw sarapjjä cawqharutï saram sapjjetäta ucarusa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 6:24

Ucjjarusti israelit jakenacajj ninampiw Jericó marca phichhantapjjäna, take cunatï utjcäna ucanacampi. Kori, kollke, broncet, hierrompit lurat yänacacwa Diosatac jilt'ayjjapjjäna.

Josué 8:13

Israel marcan ejercitopajj payaru t'akjtatänwa, mayasti marcat amsta tokena, mayasti inti jalanta tokena, Josué chachasti uca arumajj chica vallecamaw sararaquïna.

Josué 8:2

Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 8:22

Ucjjarusti Hai marcanquir jakenacajj israelitanacan ejercitop taypiru muyuntataw uñjasipjjäna jan cawcsarus jaltañjamäquipanjja, takeniraquiw jan maynini jiwarapjjäna.

Josué 8:28

Josué chachasti Hai marcarojj ninampiw phhichhantäna jan cuna jilt'ayasa, cunjämatï jichhürcama uñjasisqui uqhama.

Josué 8:7

Ucapachaw jumanacajj mistunipjjäta cawqharutï imantasipcta ucqhata, ucatsti marcar mantasin t'unjapjjäta, Diosasasti amparanacamaruw uca marcjja catuyapjjätam.

Josué 8:9

Ucatsti Josué chachajj sarapjjam sasaw säna ejercitoparojja, jupanacasti uqhamaw sarapjjäna Betel sat marcampi Hai sat marcampi chekäwjar imantasiri; Josué chachasti campamento chekaruw kheparjjäna, take jakenacamp chicaw ucan arumajj ucancaraquïna.

Jueces 4:6

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.