Josué 8:35 - Qullan Arunaca

³⁵ Josué chachajj take arsüwinac leet'äna, cawquïri arunactï Moisesajj jaytcäna ucanaca, take Israel marcaru, warminacaru, wawanacaru uqhamaraqui jaya toket jutir jakenacarusa.

Aymar Bibliia 1986

³⁵ Josué chachajj take arsüwinac leet'äna, cawquïri arunactï Moisesajj jaytcäna ucanaca, take Israel marcaru, warminacaru, wawanacaru uqhamaraqui jaya toket jutir jakenacarusa.

Qullan Arunaka DC

³⁵ Josué chachax Israel marka nayraqatan kawkïr arunaktix Moisesax jaytawaykatayna uka arunak taqpach ullart'äna, jupanak taypinsti warminaka, wawanaka, jayat jutir jaqinakaw ukankapxäna.

Josué 8:35 Jak'a apnaqawi uñst'ayäwi

Esdras 10:1

Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Nehemías 8:2

Pakallko phajjsina nayrïri uru sarakataruwa Esdras sacerdotejj Moisesan leyipa aptanïna, cawqhantejj tantachatäpcäna chachanacasa, warminacasa, uqhamarac qhitinacatejj sum amuyt'irïpcäna ucanacan nayrakataparuraqui.

Nehemías 8:3

Ucatsti alwata chica urucamawa take jupanacan nayrakatapana leet'äna plaza nayräjjana, uqhamarac Uma puncu satäquis uca uñcatasina. Take jakenacaraquiw suma ist'apjjäna librota ley leet'äna ucqhajja.

Éxodo 12:38

Jupanacampi chicasti walja cunayman jakenacaraquiw sarapjjaraquïna, uqhamarac ovejanacasa, vacanacasa.

Jeremías 26:2

aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Joel 2:16

Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Zacarías 8:23

Qhä urunjja, tunca jan uñt'atanacaw yakha marcanquirinacata mä judío jakerojj isipat catuntasipjjani, sapjjaraquiniwa: ‘¡Jumanacamp saraña munapjjta, nanacasti ist'apjjtwa Diosajj jumanacampïtapa!’ ” sasa.

Marcos 10:14

Jesusasti uc uñjasinjja colerasïnwa, ucatsti saraquïnwa: —Wawanacajj nayan ucar jutasipcpan sam, jan jarc'apjjamti, jupanacjamanquiwa Diosan reinopajja.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Deuteronomio 29:10

“Jichhürusti take jumanacaw tantacht'atäpjjta Tatitu Diosaman nayrakatapana; tribunacaman jilïrinacapa, awquinaca, jach'a munañan jilïrinaca, take Israel jakenaca,

Deuteronomio 29:11

wawanaca, warminaca, uqhamarac jumanac taypin yakha marcat jutir jakenaca, lawa apanirit sipana uma apanirimppacha,

Deuteronomio 29:9

Uqhamasti take aca arust'äwin arunacapar ajjsarapjjaraquim, ucatsti ucarjamarac sarnakapjjam, uqhamat take luräwinacamajj suma sarañapataqui.

Deuteronomio 31:12

Ucapachasti takpach marcaw tantachasiñapa, take jakenaca, warminaca, wawanaca, uqhamaraqui cawquïri yakha marcat jutir jakenacatï jumanac taypin jacqui ucanacasa, uqhamat uca leyinac leet'asiri ist'apjjañapataqui, uqhamat Tatitu Diosamar jaysaña yatekapjjañapataqui, uqhamaraqui uca leyinacas sisqui uqhamarjam sarnakapjjañapataqui.

Deuteronomio 4:2

Janiraqui cawquïri ewjjanactï churapcäma ucanacarojj jiljjatayapjjamti ni apakapjjamsa. Jaysapjjam Tatitu Diosaman camachi arunacap churapcsma ucarojja.