Josué 6:4 - Qullan Arunaca

⁴ Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.

Aymar Bibliia 1986

⁴ Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.

Qullan Arunaka DC

⁴ Paqallqu sacerdotenakaw Tatitun arust'äwi arcap nayräxa sarani, sapa maynis oveja waxrat lurat trompeta apt'atkama, paqallqüri urux paqallq kutiw marka muytapxäta, ukchañkamasti sacerdotenakax trompetanak phust'apxani.

Josué 6:4 Jak'a apnaqawi uñst'ayäwi

Génesis 2:3

Uca pakallköri urjja bendicïnwa, kollana uru sasaw saraquïna, uca urun take luräwinacapat samaratap laycu.

1 Reyes 18:43

ucatsti uywataparojja sänwa: —Saram, uñtam kota tokeru —sasa. Jupasti sarasinjja uñtänwa, ucatjja saraquïnwa —Janiw cunas utjquiti —sasa. Ucampis Eliasajj sascaquïnwa: —Saram pakallk cuti —sasa.

2 Reyes 5:10

Ucampis Eliseojj mä yatiyirwa qhitäna, aqham sañapataqui “Saram Jordán jawiraru, pakallk cuti jarisim, ucatsti janchimajj k'omachatäjjaniwa” sasa.

2 Reyes 5:14

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

2 Crónicas 13:12

Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.

2 Crónicas 20:17

Janiw jumanacati nuwasipcätajja, ucampis jumanacajj sum waquichasipjjam, alekt'apjjaquiraquim, ucatsti uñjapjjätawa cunjämtï Tatitojj jumanacar khespiyapcätam uca. ¡Jerusalenanquiri, Judá orakenquir jakenaca, jan ajjsarapjjamti, janirac sustjasipjjamsa; arumanthi alwasti jupanacamp nuwasir sarapjjam, Tatitusti jumanacampïsquiwa!’ ” sasa.

2 Crónicas 20:19

Ucatsti Coat chachat saraker wawanacapat levitanacasti, uqhamarac Coré chachat saraker wawanacapasa Israelan Tatit Diosaparu jach'at k'ochuñ kalltapjjäna.

2 Crónicas 20:21

Marcaru jisct'asinsti, yakhep k'ochurinacwa utt'ayäna kollana isinacampi isthapita, uqhamarac soldadonacapan nayrakatap sarasinaraqui Tatiturojj k'ochunac k'ochupjjäna: “Tatiturojj yuspagarapjjam, munasiñapasti wiñayataquiwa” sasa.

Job 42:8

Jichhajj pakallko orko vacanacampi, pakallko orko ovejanacampi catupjjam, ucatsti Job sirvirejjaru uñjiri sarapjjam, ucatsti jumanacajj mä nact'ata sacrificio loktapjjaraquim pachpa jumanacataqui. Job sirvirejjaw jumanacataqui mayiraquini, nayasti jupan mayitapjja ist'araquïwa, jumanacarusti janiw ucatjja cuna ñankhanacsa lurapcaraquïmati, jumanacarojj mutuyañas waquiscchi ucasa, nayjjat jan chekaparu khanañchapjjatamata, cunjämatejj Job sirvirejjajj khanañchänjja uqhama.”

Isaías 27:13

Uca urunwa mä jach'a trompetajj phust'asini, qhitinacatejj Asiria marcan chhaktatäpcän ucanacajj, uqhamaraqui Egiptor apayatäpcän ucanacasa, Tatitur yupaychiriw jutapjjani Jerusalenana, kollana kolluna.

Levítico 14:16

uca cupi amparapampiw luc'anapa uca aceitempi jawt'araquini, ucat uca pachpa luc'anampiw pakallko cuti ch'allt'araquini, Tatitun nayrakatapana.

Levítico 4:6

ucanwa luc'anapa wilaru juricht'asajja, pakallko cuti ch'allt'araquini Tatitun nayrakatapana, santuarion velop tokeru.

Zacarías 4:2

—¿Cuns uñjtajja? —sasa. Nayasti juparojj saractwa: —Uñjtwa mä kori candelabro, uca patjjansti mä aceite imañampi apjjatata. Alto chekansti utjaraquiwa pakallko lamparanaca, ucanacarusti aceitejj puriwa pakallko tubonacata.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Números 23:1

Ucatsti Balaamajj sänwa: —Aca chekarojj pakallko altaranac lurapjjam; waquichapjjaraquim pakallko vaca kallunaca, pakallko orko ovejanacampi —sasa.

Josué 6:13

Uca pakallko sacerdotenacasti Diosan arcap nayrakat sarapjjäna pututunac phust'asisa, jupanacan nayrapa nuwasir jakenacajj sarapjjaraquïna, mayninacasti Diosan arcap khepataraqui jutapjjäna, janiraquiw pututunacas amuct'apcänti.

Josué 6:3

Jumanacasti israelit soldadonaca, sojjta uruwa, urun mä cuti, Jericó marca muytapjjäta.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 10:3

Ucatsti mä leonar uñtataraquiw wali jach'at art'asïna. Cunapachatï art'ascäna ucqhajj pakallko khejjokhejjonacaw ist'asiraquïna.

Apocalipsis 15:1

Ucatsti alajjpachanjj yakha jach'a unañchäwiraqui uñjta, ucasti wali muspharcañänwa. Pakallko angelanacaw uñstanïna pakallko khepa t'akhesïwimpi, uca t'akhesïwinacampisti Diosan colerasiñapajj tucusjjänwa.

Apocalipsis 15:7

Ucatsti ucspacharaquiw maynïrejja uca pusi jacasquirinacatjja sapa mayni angelaruw mä kori copa churäna. Uca copanacasti Diosan jach'a ajjsarcañ colerasiñapawa phokhantatäna, cawquïri Diosatejj wiñayataqui jacqui ucana.

Apocalipsis 16:1

Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Apocalipsis 5:1

Qhititejj tronon kont'atäcän ucan cupi amparapansti mä rollor uñtata libro uñjaracta, patatsa mankhatsa kellksuta, uqhamarac pakallko sellonacampi jist'antata.

Apocalipsis 5:6

Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.

Apocalipsis 8:2

Ucatsti uñjaractwa pakallko angelanacaru Diosan nayrakatapancasquiri. Jupanacarusti pakallko trompetanacaraquiw churatäna.

Apocalipsis 8:6

Ucatsti trompetanaca apt'atäpcän uca pakallko angelanacajj phust'añataquiw waquichasipjjäna.