Josué 6:23 - Qullan Arunaca

²³ Uca pani uñaker sarir jakenacasti Rahab warmin utaparu mantasinjja, juparu, awquiparu, taycaparu, jilanacaparu, take familianacaparuw ankaru irpsunïna, ucatsti campamentotjja juc'ampi jaya chekaruw jaytanipjjäna jupanacar jan cunas camachañapataqui.

Aymar Bibliia 1986

²³ Uca pani uñaker sarir jakenacasti Rahab warmin utaparu mantasinjja, juparu, awquiparu, taycaparu, jilanacaparu, take familianacaparuw ankaru irpsunïna, ucatsti campamentotjja juc'ampi jaya chekaruw jaytanipjjäna jupanacar jan cunas camachañapataqui.

Qullan Arunaka DC

²³ Jupanakasti Rahab warmin utapar mantasax, awkiparu, taykaparu, jilanakaparu, taqi wila masinakaparuw irpsunipxäna, ukatsti jupanakarux jan kunas kamachañapatakix israelitanakan campamentopat jaya chiqaruw irpapxäna.

Josué 6:23 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 18:24

Inampisa pheska tuncani jan juchan jakenacajj utjascaspa uca marcanjja. Uqhamäquipansa, ¿t'unjascaquïtati uca marcarojja, janiraquiti perdoncasma uca pheska tuncani jan juchan jakenac laycojja?

Génesis 19:29

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Números 31:19

Cawquïritejj jake masipar jiwaychi, uqhamarac jiwat jaken janchipsa llamct'aracchi, ucanacajj campamentot ankäjjan pakallko uru kheparapjjpan. Jumanacasa prisionero catut jakenacasa, quimsïri, uqhamarac pakallköri urunacaw k'omachasipjjäta.

Hechos 10:28

Pedrosti jupanacarojj sänwa: —Jumanacajj yatipjjtawa, mä judío jaketaquejj jan walïtapa mä yakha marcanquir jakempi parlañapajja, uqhamarac utapar mantañapasa. Ucampis Diosaw nayarojj yatichitu jan qhitirus: ‘Jan wali jakëtaw’ saña, uqhamarac jan qhitirus jisc'achañataqui.

Hechos 27:24

Uca angelasti saraquituwa: ‘Jan ajjsaramti. Jumajj Romanquir emperadoran nayrakatapar uñstañamawa. Jumïpanracwa Diosajj jiwañat khespiyani take jumamp chic aca barcon saririnacarojja’ sasa.

1 Corintios 5:12

Nayarojj janiw wact'quituti ankäjjanquirinacar juchañchañajja; Diosaw ucanacarojj juchañchascani. Ucampis jumanacajj iglesianquirinacarojj juchañchapjjañamawa. Ucatpï uca jucha luririnacarojj jumanac taypitjja alissupjjam sapjjsmajja.

Efesios 2:12

Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja.

Hebreos 11:31

Iyawsäwi laycuraquiw Rahab sat jan wal sarnaker warmejj jan jiwayatäcänti mayni jakenacamp chica, jupan uñaka israelit jakenacar sum catokatap laycu.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

Josué 2:13

jumanacasti munasiñ chuymampiy awquejjaru, taycajjaru, jilanacajjaru, collacanacajjaru uñjarapipjjeta, takeniruraqui jiwañatsa khespiyapjjeta —sasa.

Josué 2:16

Ucatsti saraquïnwa: —Sarapjjam qhä kollunacaru, qhitinacatï khepanacamat jutqui ucanacampi jan catjayasiñataqui. Uca kollunsti quimsa ururaqui imantasipjjam jupanacan marcar cuttaniñapcama, uca pasipanwa sarjjapjjäta —sasa.

Josué 2:18

Cunapachatï nanacajj aca marcaru mantanipcä ucqhajj jumasti aca wila lazo ventanamatjja warcokanïta, cawquïrimpitejj warcokapquista uca, ucatsti utamarojj take familiam jawsthapïta, awquima, taycama, jilanacama, cullacanacama uqhamarac awquiman familianacapsa.

Jueces 1:25

Ucampis uca jakejja iyawsasawa uñacht'ayäna marcaru mantaña puncjja, ucatsti uñakerinacasti espadampcamaw take uca marcan jaquirinacaru jiwarayapjjäna. Ucampis uca uñacht'ayir jakerusti janiw jiwayapcänti jan ucasti perdonapjjänwa jacañapjja uqhamarac familiaparusa.