Josué 4:19 - Qullan Arunaca

¹⁹ Israelitanacajj Jordán jawiratjja mistuwayapjjänwa kalltiri phajjsitjja tunca urunac sarakataru, ucatsti Gilgal sat orakeruw puripjjäna, Jericó marcat uñcatasiru.

Aymar Bibliia 1986

¹⁹ Israelitanacajj Jordán jawiratjja mistuwayapjjänwa kalltiri phajjsitjja tunca urunac sarakataru, ucatsti Gilgal sat orakeruw puripjjäna, Jericó marcat uñcatasiru.

Qullan Arunaka DC

¹⁹ Israelitanakax nayrïri phaxsita tunka uru saraqataruw Jordán jawirat mistunipxäna, ukatsti Guilgal sat uraqina, Jericó markat inti jalsu tuqiruw utjnuqtapxäna.

Josué 4:19 Jak'a apnaqawi uñst'ayäwi

2 Reyes 2:1

Cunapachatï horasajj purinjjäna Tatituna Eliasaru alajjpacharu apjjañapäna ucqhajja mä tutuca thaya toke, Eliasampi Eliseompejja Gilgal chekatwa mistsunjjapjjäna.

Amós 4:4

“Sarapjjam Betel marcampiru, Gilgal marcampiru, ¡ucansti juc'ampi juchanac lurapjjam! Alwanacasti sacrificionacamjja apapjjaraquim, sapa quimsa ururaqui diezmonacamsa churapjjam.

Amós 5:5

Jan Betel marcarojj thakapjjamti; janirac Gilgal marcarus sarapjjamti, ni Beerseba marcarus sarapjjamti, Gilgal marcasti preso apatäniwa, Betel marcasti k'ala tucjataraquïnwa” sasa.

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Deuteronomio 1:3

Cunapachatï pusi tunca maranac pasjjän ucqhajja, tunca mayan phajjsina mä uru sarakatarusti, Moisesajj take Israel marcaruw parläna take cuntï Tatitu Diosajj juparu ewjjawaycäna ucanaca.

Deuteronomio 11:30

Aca kollunacasti jicjjatasiw Jordán jawirat qhursa tokena, inti jalanta tokeru sarañäquis ucsana, cananeonacas pampa oraken jacapqui ucqhana, Gilgal sat orake uñcatasina, More sat chekana, encinas kokanacäquis uca thiyana.

Josué 10:43

Ucjjarusti Josué chachajj take israelit jakenacampi Gilgal sat campamentoruw cuttanjjapjjäna.

Josué 10:6

Ucatsti Gabaón marcanquir jakenacajj mä yatiyäwi Josué chacharu apayanipjjäna, cawquïritï Gilgal campamento lugaranccäna ucqharu aqham sasa: “Janiquiy jumajj nanacar yanapt'añjja negapjjestati, janc'aquiy jutapjjam nanacat arjjatasiri, uqhamarac yanapt'irisa. Amorreo reyinacaw takpachani tantacht'asisina jiwarayañ munapjjetu” sasa.

Josué 15:7

Ucjjarusti Acor valleta maqhatänwa Debir parquicama, Gilgal tokeru cuttasina, cawquïritï Adumín amsta uñcatasincqui uca uma jalsu aynachcama, ucatsti korpajj pasascaquïnwa En-semes uma jalsu tokenjama, En-rogel sat uma phuch'ucama.

Josué 24:11

Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Josué 4:18

Cunapachatejj sacerdotenacajj Jordán jawirat mistunipjjäna, waña orakeru tact'apjjän ucqhajj jawiran umapasti waliw jaljjäna, jawiratsa purapar jilarasa.

Josué 5:10

Israelitanacajj Gilgal sat chekaruw puripjjäna, ucatsti phajjsit tunca pusini urunac sarakataruw jupanacajj Pascua fiesta amtapjjäna, Jericó marca thiyana.

Josué 5:9

Ucatsti Diosajj Josué chacharojj sänwa: “Aca lurasinwa jumanacat apakjjapjjsma Egipto marcan p'enkapa” sasa. Ucatwa uca chekarojj Gilgal sat sutini jichhürcama.

Josué 9:6

Cunapachatejj gabaonit jakenacajj Gilgal sat israelitanacan campamentopar puripjjän ucqhajj, jupanacajj aqham sasaw Josué chacharojj sapjjäna: —Nanacajj wali jaya oraket jutapjjta, jichhasti jumanacampi mä suma amtäwiruw mantañ munapjjta —sasa.

1 Samuel 10:8

Gilgal sisqui uca chekaru nayrt'araquim, ucanwa nayajj jumampi jiquisï nact'ayata holocaustonaca, sacrificionaca sumancañataqui loktaraquëjja. Ucansti pakallko uruw suyt'äta, nayan puriniñajjcama, cuntejj siscäma uca luraraquïta.

1 Samuel 15:33

Ucampis Samuelojj sänwa: “Jumajj espadamampiw walja warminacarojj jan wawani jayttajja. Jichhajj taycamajj jupanacjamaraquiw kheparani” sasa. Ucatsti Tatitu nayrakatana jan ajjsarasaw Samuelojj Agag reyerojj Gilgal sisqui uca chekan pusiruw qharinokäna.