Josué 3:8 - Qullan Arunaca

⁸ Jumasti Diosan arcap apirinacarojj aqham sätawa: ‘Cunapachatejj jawir lacaru puripjjät ucqhajj ucawjar sayt'asipjjam’ ” sasa.

Aymar Bibliia 1986

⁸ Jumasti Diosan arcap apirinacarojj aqham sätawa: “Cunapachatejj jawir lacaru puripjjät ucqhajj ucawjar sayt'asipjjam” sasa.

Qullan Arunaka DC

⁸ Jumasti Tatitun arcap apapki uka sacerdotenakarux akham säta: ‘Kunapachatix Jordán jawir thiyar puripkät ukkhaxa, ukawjaruw sayt'apxäta’ ” sasa.

Josué 3:8 Jak'a apnaqawi uñst'ayäwi

2 Reyes 2:6

Ucatjja Eliasajj Eliseorojj saraquïnwa: —Jumajj aca chekaru kheparam, Tatitojj Jordán jawiraruw qhititu —sasa. Ucjjarusti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj jumar sapaqui jaytcämati —sasa. Ucat panpachaniw sarapjjäna.

2 Crónicas 29:15

Nayrakatajj familianacaparuw tantacht'äna, ucatjja takeniw k'omachasipjjäna; ucatjja temploruwa mantapjjäna k'omachañataqui, cunjämtï reyejj jupanacar siscäna Tatitun ewjja arunacaparjama uqhamaru.

2 Crónicas 29:27

Ucatsti Ezequiasajj nact'ata loktäwinacjja loktayänwa Tatitun altarapana. Ucatjja cunapachatï nact'ata loktäwi loktañ horasäjjäna ucqhajja, kalltapjjaraquïnwa k'ochuña Tatitur jach'achasina, uqhamarac trompetanacasa tuct'asiraquïna, David reyin instrumentonacapamp tocata musicapampi chica.

2 Crónicas 29:30

Ucatjja Ezequías reyejja, autoridadanacampejja levitanacarojj sapjjänwa: Tatiturojj yupaychapjjam Davidana, Asaf profetana salmonacapampi, sasa. Jupanacasti wali cusisiñampiwa k'ochupjjäna, uqhamarac quillt'asipjjaraquïna yupaychasina.

2 Crónicas 30:12

Dios pachparaquiw Judá orakenquir jakenacarojj onjjtayaraquïna reyina, autoridadanacana arunacaparu phokhañataquejja, cunjämtï Tatitojj siscäna uqhamaru.

Nehemías 13:22

Ucatsti levitanacarojj yatiyäyätwa k'omachasipjjañapataqui, samarañ uru jan p'aquitäñapataqui puncunaca uñjiri sarapjjañapataqui. “¡Nayan Diosajja, amtasiraquitaya aca luratajjata, ucatsti qhuyapt'ayasiraquitaya juman jach'a munasiñamarjama!”

Nehemías 13:28

Eliasib sumo sacerdoten Joiada yokapan maynïr yokapasti, horonita Sanbalat chachan tollkapänwa. Juparusti jaltaytwa nayan nayrakatajjata.

Éxodo 14:13

Ucampis Moisesajj jupanacarojj sänwa: —Jan ajjsarapjjamti, mayjancapjjaquim. Jichhawa uñjapjjäta Tatitojj cuntejj lurcani jichhüru jumanacaru khespiyañataqui ucjja. Ucampis jichhüru egipcionacar uñjapcta uqhamjja janiw mayampsa uñjcjjapjjätati.

Lamentaciones 3:26

Tatitur suyt'ascañaquiw walejja, Tatituna yanapapa suyt'añaquiw walejja.

Josué 3:17

Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Josué 3:3

aca ewjjanacwa israelit jakenacarojj churapjjäna: “Cunapachatejj Diosan Sumancayiri Arcap Leví tribunquir sacerdotenacajj callachipjjar apasquir uñjapjjäta ucqhajja, campamentonacamatjja mistunipjjätawa ucatsti ucan khepap arcapjjäta,

Josué 3:7

Ucatsti Diosajj Josué chacharuw parläna aqham sasa: “Jichhürutwa jumarojj juc'ampi amuyt'an jake tucuyäma take aca israelit jakenacan nayrakatapana, ucatsti yatipjjaraquiniw nayajj jumampïscatajja cunjämatï Moisesar yanapcäyät uqhama.

Josué 3:9

Ucatsti Josué chachajj israelitanacarojj sänwa: “Jutapjjam acsaru ucatsti ist'apjjam cuntï Tatitu Diosamajj parlapcätam uca.

Josué 4:11

Cunapachatejj take israelit jakenacajj jawir qhurcataru pasjjapjjän ucqhajj, sacerdotenacajj khepat pasjjapjjaraquïnwa, ucatsti jakenacan nayrakatapwa sarapjjäna.