Josué 3:10 - Qullan Arunaca

¹⁰ Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Aymar Bibliia 1986

¹⁰ Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Qullan Arunaka DC

¹⁰ Jakkir Diosan jumanak taypinkaskatapat chimpux akäniwa, jumanakan saratanakarjamaw Tatitux cananeonakaru, hititanakaru, heveonakaru, ferezeonakaru, gergeseonakaru, amorreonakaru, jebuseo jaqinakar q'al tukjani.

Josué 3:10 Jak'a apnaqawi uñst'ayäwi

Génesis 15:21

amorreonacana, cananeonacana, gergeseonacana, uqhamarac jebuseonacana take orakenacapwa wawanacamar churä —sasa.

1 Reyes 22:28

Ucjjarojj Micaías profetajj sascaquïnwa: —Jumatejj cutt'anïta sumaqui jan camacht'ata ucajja, Tatitojj janiw naya tokejj parlcänti uqhamjja —sasa. Ucjjarusti saraquïnwa: “Take marcanaca ist'apjjam.”

2 Reyes 19:4

Inasa Tatit Diosamajj ist'chi Asirianquiri reyin qhitanita oficialapan arunacapjja, jacquir Diosaru jisc'achatapata, inachay mutuyaraquispa Tatit Diosam pachpa ist'qui ucanacatjja. Jichhasti oracionan mayim jilt'apqui ucanac laycojja” sasa.

1 Crónicas 1:14

Canaán chachat jutirinacasti acanacänwa: jebuseonaca, amorreonaca, gergeseonaca,

Salmos 42:2

Nayajj jacquir Diosat pharjatätwa: ¿Cunapacharac Diosan ajanup uñjir mantästi?

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Éxodo 17:7

Uca chekarojja Meriba sasaw sutichäna, israelitanacan mayipjjatap laycu, uqhamarac suticharaquïnwa Masah sasa, Diosaru aqham sas yant'aru uchapjjatap laycu “¿Tatitojj jiwasampiti, jan ucajj janicha?” sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 33:2

Nayasti angelajjwa qhitäjja jumanacar irpañapataqui, uqhamarac uca oraket alisnucuñapataqui cananeonacaru, amorreonacaru, hititanacaru, ferezeonacaru, heveonacaru, uqhamarac jebuseonacarusa.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Oseas 1:10

Mä urojj israelita jakenacajj jach'a kota iramanquir ch'alljamäpjjaniwa, janiraquiw qhitis jact'añataqui ch'amanïcaniti: “Jumanacajj janiw nayan marcajjäjjapjjtati” siscamayasti, Diosajj jupanacarojj saniwa: “Jumanacajj jacquir Diosan wawanacapäpjjtawa” sasa.

Números 13:29

Néguev sat chekanjja amalecitanacaw jacapjje; kollu chekanacanjja hititanaca, jebuseonaca, uqhamarac amorreonaca ucanacaraquiw jacapjje, ucatsti kota lacanacana, Jordán jawira thiyanacanjja cananeonacaw jacapjjaraqui —sasa.

Mateo 16:16

Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

Juan 6:69

Nanacajj iyawsjjapjjtwa, uqhamarac yatipjjtwa jumajj jacquiri Diosan Yokapa Cristötama —sasa.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

Deuteronomio 5:26

¿Cawquïri jakerac utjaspa jacquir Diosan arup ist'iri, nina taypit parlasquiri, cunjämatï jiwasajj ist'tan janirac jiwctanti uqhama?

Deuteronomio 7:1

“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.

Deuteronomio 7:21

uqhamasti jumanacajj jan jupanaca nayräjjana qhathatipjjamti, jumanacan jach'a ajjsarcañ Tatitu Diosamaw jumanacampïsqui uca laycu.

1 Tesalonicenses 1:9

Jan ucasti, jupanac pachpaw parlapjje nanacajj tumpapcsma ucjjatjja, sapjjaraquiwa sum jumanacajj nanacar catokapjjatama, uqhamarac yahka diosanacarus jaytanucjjapjjatama chekpach jacquiri Diosar arcañataqui, ucatsti jupar sirviñ kalltañataqui.

Hebreos 10:31

¡Wali ajjsarcañawa jacquir Diosan amparaparu jalt'añajja!

Josué 11:3

uqhamaraqui inti jalanta, inti jalsu token cananeo jaquir jakenaca, amorreonaca, hititanaca, ferezeonaca, kollu token jaquir jebuseo jakenaca, uqhamaraqui Hermón sat kollun jaquir jakenaca, Mizpa sat orakena jaquirinaca; take ucanacampiw arust'asiñ munäna.

Josué 12:8

Kollu orakenaca, pampa orakenaca, Jordán vallenaca, kollu thiyanaca uqhamaraqui wasara tokenquir orakenacsa, Néguev sat orakenac cuna. Aca orakenacanjja jacapjjänwa hititanaca, amorreonaca, cananeonaca, ferezeonaca, heveonaca, jebuseonac cuna.

Josué 21:45

Cuntejj Diosajj arsuwaycäna ucanacasti takew phokhasïna, israelit jakenacampejj janiw cunas jan phokhatajj kheparcänti.

Josué 22:31

Ucatsti Finees sutini Eleazar sacerdoten wawapajj jupanacarojj sänwa: —Jichhasti yattanwa Diosajj jiwasanac taypincascatapa; jumanacajj janiraquiw Dios contras sayt'asiñ amtapcatätati, uqhamatwa jichhajj Diosan mutuyawipat nanacar khespiyapjjesta —sasa.

Josué 24:11

Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Josué 3:9

Ucatsti Josué chachajj israelitanacarojj sänwa: “Jutapjjam acsaru ucatsti ist'apjjam cuntï Tatitu Diosamajj parlapcätam uca.

Josué 9:1

Cawquïri reyinacatï Jordán jawirat inti jalanta token jacapcäna, uqhamaraqui kollu tokenacana, pampa tokenacana, jach'a Mediterráneo sat kota lacansa, Líbano tokecama; hitita sat reyinaca, amorreonaca, cananeonaca, ferezeonaca, heveonaca, jebuseonaca, ucanacajj yatipjjänwa take cunanacatejj lurascäna ucanaca.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 26:6

Ucat Davidajj Ahimelec sat hitita jakempi, Abisai sat jakempi, jupasti Sarvia sisqui ucan yokapänwa, Joab jaken jilaparaqui. Ucanacampiw parlaraquïna, jisct'araquïnwa: —¿Qhitis nayampi chica sarakañ muni, cawqhancquitejj Saúl reyejj ucar puriñcama? —sasa. —Nayaw jumampi chica sarä —sasaw Abisai sat jakejj saraquïna.