Josué 24:19 - Qullan Arunaca

¹⁹ Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.

Aymar Bibliia 1986

¹⁹ Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.

Qullan Arunaka DC

¹⁹ Ukampis Josué chachax jupanakarux sänwa: —Jumanakax janjaw Tatitur luqtapkasmati, jupax qullana jan kamskaya Diosawa, janiw jumanakan sayt'asitanakamsa, jucha luratanakamsa inak uñjkaniti.

Josué 24:19 Jak'a apnaqawi uñst'ayäwi

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Salmos 99:3

Ajjsarcañ sutipajj jach'añchatäpan: ¡Tatitojj Kollanawa!

Salmos 99:5

Tatit Diosasar jach'añchapjjam, cayunacap nayrakatar quillt'asipjjam: ¡Tatitojj Kollanawa!

Salmos 99:9

Tatit Diosasar jach'añchapjjam, kollan kollup nayrakatar konkort'asipjjam: ¡Tatit Diosasajj Kollanawa!

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Éxodo 23:21

Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.

Éxodo 34:14

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Isaías 2:9

Llamp'uchasitäpjjewa, aynacht'atäpjjaraquiwa, ¡Jan jupanacarojj perdonamti!

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 30:11

Thaquitjja sarakapjjam, cheka thaquitsti maysaru saranucupjjaraquim, janirac Israelan kollan Diosaparus nanacan nayrakatajjar uchapjjamti” sasa.

Isaías 30:15

Tatitusti, Israelan kollan Diosapajj siwa: “Cuttanjjapjjam, samaratäquïpjjaraquim, khespitäsipcätawa. Samarañampin, iyawsañampina ch'amajj utji.” Ucampis jumanacajj janiw munapctati,

Isaías 5:16

Take ch'amani Tatitusti taripäwi lurañapanjja jach'a cancañapwa uñacht'ayaraquini, kollana Diosasti k'oma cancañapwa chekaparu lurasajj uñacht'ayani.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 11:44

nayätwa jumanacan Tatitu Diosamajja. Jumanacasti k'omachasipjjañamawa, ucatsti kollanäpjjañamaraquiwa, nayasti kollanätwa uca laycu. Cawquïri animalanacatejj orakenjam katatnaktqui ucanacampisti janipuni k'añuchasipjjamti.

Levítico 11:45

Nayätwa jumanacan Tatitu Diosamajja, nayaraquiw jumanacarojj Egipto marcat apsunipjjsma, jumanacan Diosamäñajjataqui. Uca laycu jumanacasti kollanäpjjañamawa, nayan kollanätajj laycu.”

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Levítico 20:26

Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.

Levítico 20:7

“Nayaru takpach catuyasipjjeta, uqhamarusa kollanäpjjaraquim. Nayätwa jumanacan Tatitu Diosamajja.

Nahúm 1:2

“Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Habacuc 1:13

Jumajj sinti k'omätaw take jan walinaca catokañataquejja, janiw take chuymampi ñankharus uñch'uccaractati. ¿Cunjämraqui jumasti jiwayirinacarus amuqui uñch'uctasti? ¿Cunataraqui amuquïtasti jan wali jakenacajj jupanacat juc'ampi asquïpqui ucanacar tucjasqui ucqhajja?

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.

Josué 24:18

Juparaquiw jiwasan nayrakatasatjja take marcanacaru jakonucu thaquinjja, uqhamaraqui aca marcan amorreo jaquir jakenacarusa. Take ucanacatsti nanacajj Diosaruquiw sirvipjjä, jupaquiraquiw nanacan Diosajjajja —sasa.

Josué 24:23

—Jichhasti jumanac taypitjja apanucupjjam uca yakha diosanacaru, ucatsti Israelan Tatitu Diosaparu take chuymampi arcapjjam —sasa.

Rut 1:15

Ucatwa Noemí warmejj säna: —Uñtam, yojjch'a masimajj marcaparu, uqhamaraqui diosanacaparuw cuttawayjje, jumasti jupamp chica sarjjaraquim —sasa.

1 Samuel 3:14

Ucatwa, jichhajj juramentompi Elí sacerdoten familiapa tokejj arsta, ñankha luratanacapasti janiw k'omachatäcaniti, sacrificionac, ofrendanac loktascani ucanacampisa.

1 Samuel 6:20

Bet-semes chekanquir jakenacasti sapjjaraquïnwa: “¿Qhitis sayt'aspa aca Kollan Dios Tatitu nayrakatanjja? ¿Jiwasat sarjjasinsti qhiti contrarac sarani?” sasa.