Josué 24:14 - Qullan Arunaca

¹⁴ Ucatsti Josué chachajj sascaquïnwa —Take ucanacatjja Diosarojj ajjsarapjjamaya, uqhamaraqui sirvipjjam suma chuymampi cheka cancañampiraqui. Cawquïri yakha diosanacarutejj jumanacan nayra awquinacamajj yupaychapjjäna, Eufrates jawir lacana, uqhamarac Egipto marcansa, ucanacjja apanucjjapjjam, ucatsti Diosaru sirvipjjaraquim.

Aymar Bibliia 1986

¹⁴ Ucatsti Josué chachajj sascaquïnwa —Take ucanacatjja Diosarojj ajjsarapjjamaya, uqhamaraqui sirvipjjam suma chuymampi cheka cancañampiraqui. Cawquïri yakha diosanacarutejj jumanacan nayra awquinacamajj yupaychapjjäna, Eufrates jawir lacana, uqhamarac Egipto marcansa, ucanacjja apanucjjapjjam, ucatsti Diosaru sirvipjjaraquim.

Qullan Arunaka DC

¹⁴ —Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

Josué 24:14 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 35:2

Uqhamasti Jacobojj familiaparu, uqhamarac jupampi chica jacapcäna ucanacarusti sänwa: —Take yakha diosanacatejj jumanac taypin utjqui ucanacjja apanucupjjam, cuerppacha jarekasipjjam ucatsti yakha isinacampi uchasipjjam.

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

Esdras 9:11

profetanaca, sirvirinacama toke churapquista lurañanacajjataqui ucanacjja. Jumasti nanacarojj ewjjapjjestawa cawquïr orakerutejj sarapcäyäta catuntañataqui ucajja, uca chekanquiri jakenacan ñankha lurañanacapampi phokhantatätapa, jupanacasti yakha diosanacaru sirviñampejj ajjtcaña luräwinacampiwa phokhantapjjäna.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 28:28

Diosasti jakenacarojj sänwa: ‘Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja’ ” sasa.

Salmos 111:10

Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.

Salmos 119:1

Jan juchañchcay sarnaker jakejj cusisiñaniwa, Tatitun yatichäwiparjam sarnakerejj cusisiñaniwa.

Salmos 119:80

Chuymajjajj leyinacamarjam phokherïpan, uqhamat jan p'enk tucuñajjataqui.

Salmos 130:4

Ucampis jumaw juchanacat pampachapjjesta, uqhämat jumar wakaychañ yatichapjjesta.

Salmos 81:10

Nayaw Tatitu Diosamätjja, nayaw Egipto marcat irpsunsma, lacam jist'aram, nayasti phokt'ämawa, sasa.

Ezequiel 20:18

Wawanacaparus mayiraquïyätwa, cuntejj awquinacapajj lurapcän ucanacjja jan lurapjjañapataqui, cuntejj awquinacapajj sapcän ucanacsa jan phokhapjjañapataqui, janiraqui yakha diosanacampis k'añuchasipjjañapataqui.

Ezequiel 23:3

Aca warminacasti tawakotpachwa jan wali sarnakañanacaru catuyasipjjäna, Egipto orakensti ñuñunacapsa llawk'ayasipjjäquïnwa, uqham sarnakasawa k'oma cancañanacapjja k'añuchjapjjäna.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Levítico 17:7

Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa.

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Hechos 9:31

Ucapachasti jach'a samarañaraquiw iglesianacanjja utj-jjäna, Judeana, Galileana, uqhamarac Samariana. Jupanacasti wali ch'amaniraquiw tucjjapjjäna. Tatitur ajjsarasaraquiw sarnakapjjäna. Uqhamatwa Kollan Ajayun ch'amapampejj waljaniptapjjaraquïna.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

Efesios 6:24

Diosajj bendispan qhitinacatejj Tatit Jesucristosaru jan pächasisa munapqui ucanacarusa.

Deuteronomio 10:12

“Jichhasti israelit jakenaca, ¿cunsa Tatitu Diosamajj jumanacat mayipjjtamjja? Juparu jach'añchañanacama, jupan thaquipanjam arcañanacama muni, ucatsti munaraquiwa juparu munapjjañanacama, yupaychapjjañama take chuymampi, take jacañamampi,

Deuteronomio 18:13

Jumanacasti Tatitu Diosampejj cheka chuymampipun sarnakapjjam.

Deuteronomio 6:13

Jach'añchapjjam jumanacan Tatitu Diosamaru, jupa saparuquiraqui yupaychapjjam, ucatsti cunapachatï juramento lurapjjät ucqhajj Tatitu Diosan sutip aytasisina lurapjjaraquim.

Filipenses 1:10

uqhamat asquïquis ucpin ajllipjjañamataqui. Uqhamatwa jumanacan mä k'oma jacasiñajj utjani, cunapachatejj Cristojj jutcani ucqhajj jan cuna jan walis utjañapataqui.

Josué 24:2

Takpach Israel marcaruw parläna: —Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

Josué 24:23

—Jichhasti jumanac taypitjja apanucupjjam uca yakha diosanacaru, ucatsti Israelan Tatitu Diosaparu take chuymampi arcapjjam —sasa.

1 Samuel 12:14

Jichhajj jumanacarojj wact'apjjtamwa Tatituru ajjsartapjjañama, uqhamaraqui juparu yupaychapjjañama, arunacapsa ist'apjjañamaraqui, camachi arunacapsa janiraqui taquisipjjañama, ucatsti jumanacar apnaker reyisa, jumanacasa Tatitu Diosan munañaparjama jacapjjañama.

1 Samuel 12:24

Jumanacajj Tatituruquiw ajjsartapjjañama, uqhamarac juparojj chekpachana take chuymampiraqui sirvipjjañama, amtasipjjañamaraquiwa cuna jach'a asquinactejj jumanacataqui lurqui ucanacata,

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.