Josué 24:13 - Qullan Arunaca

¹³ Uqhamaraquiw jumanacarojj walja orakenac churapjjsma, jan jumanacan yapuchata, marcanaca jan jumanacan lurata, jichhasti jumanacaw ucanacan jacapjjtajja, uqhamaraqui mank'apjjta uvanaca, aceitunanaca, cawquïrinactï jan jumanacas yapuchapcta ucanacata.’

Aymar Bibliia 1986

¹³ Uqhamaraquiw jumanacarojj walja orakenac churapjjsma, jan jumanacan yapuchata, marcanaca jan jumanacan lurata, jichhasti jumanacaw ucanacan jacapjjtajja, uqhamaraqui mank'apjjta uvanaca, aceitunanaca, cawquïrinactï jan jumanacas yapuchapcta ucanacata.’ ”

Qullan Arunaka DC

¹³ Nayaw jumanakarux jan yapuchapkta uka uraqinak churapxsma, janirak sayt'ayapkta uka markanaksa churapxsma. Jichhasti jumanakax ukan jakapxtaxa, ukatsti uvanaka, aceitunanaka manq'apxtaxa, kawkïrinaktix jan yapuchapkta ukanaka’ —sasa. Josué chachasti saskakïnwa:

Josué 24:13 Jak'a apnaqawi uñst'ayäwi

Éxodo 6:8

Uqhamaraquiw irpapjjäma cawqha oraktejj Abrahamaru, Isaacaru, Jacoboru churañatac arscäyäta ucaru. Ucatsti naya Tatituwa uca orakjja jumanacarojj dueño orakenacamataqui churapjjäma’ sasa.

Proverbios 13:22

Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.

Deuteronomio 19:1

“Cunapachatejj Tatitu Diosamajj take marcanaca t'unjani, ucqhajj jupanacan orakenacapäqui ucanac catuyapjjätam uqhamaraqui marcanacapsa, utanacapsa catuntapjjäta,

Deuteronomio 8:7

Diosasti mä suma orakeruw irpapjjätam, cawqhantï jawiras jalasqui, jalsunacas vallenacana kollunacansa jalasqui uca orakeru.

Josué 11:13

Ucampis janiraquiw israelitanacajj cawquïri marcanacatï kollu tokenacancapcän uca marcanacarojj ninampi phichhantapcänti, jan ucasti Hazor sat marcaruquiw ninampi phichhantapjjänjja.

Josué 21:45

Cuntejj Diosajj arsuwaycäna ucanacasti takew phokhasïna, israelit jakenacampejj janiw cunas jan phokhatajj kheparcänti.