Josué 23:10 - Qullan Arunaca

¹⁰ Jumanacat mä sapa jakequiw waranka jakenacaru jaltayaspajja, Diosajj jumanacat arjjatasin nuwasitap laycu, cunjämatï jupa quipca arsuwayqui uqhama.

Aymar Bibliia 1986

¹⁰ Jumanacat mä sapa jakequiw waranka jakenacaru jaltayaspajja, Diosajj jumanacat arjjatasin nuwasitap laycu, cunjämatï jupa quipca arsuwayqui uqhama.

Qullan Arunaka DC

¹⁰ Jumanakat maynikiw waranqa jaqinakarux jaltayaspa, Tatitu Diosamax jumanakat arxatasin nuwasitap layku, kunjämtix jupa kipka arsuwayki ukarjama.

Josué 23:10 Jak'a apnaqawi uñst'ayäwi

2 Samuel 23:8

Acanacaw Davidan suma soldadonacapajja: Is-boset, hacmonita sat jake, jupasti quimsanitjja juc'ampi suma soldadopuniwa, mä cutisti lanzapampejj quimsakallko pataca jakenac jiwarayaraquïna.

1 Crónicas 5:20

ucampis Diosajj jupanacarojj yanapänwa, agarenos, uqhamarac jupar jakcattata jakenacasa atipjatäpjjänwa, jupanacajj chica nuwasïwinwa Diosar mayisipjjäna jupanacar yanapañapataqui uca laycu. Diosasti jupanacarojj yanapänwa, jupar iyawsapjjatap laycu.

1 Crónicas 5:22

Walja uñisirinacaraquiw jiwarapjjaraquïna, uca guerrajja Dios toketätap laycu. Jupanacajj uca chekanwa kheparjjapjjäna jacañataqui, jaya marcaru apanucuta uñjasipcäna ucapachcama.

Salmos 35:1

Tatay, nayar nuwañatac jaljjatirinacampejj jumay nuwasim, nayamp ch'ajjwirinacampejj jumay ch'ajjwam.

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Éxodo 14:14

Jumanacasti jan llaquisipjjamti, Tatituwa jumanac lantejj nuwasiscani —sasa.

Isaías 30:17

Warankanacaw mä sapa jaken ajjsarayata jaltjjapjjani, take jumanacasti pheskanin ajjsarayataquiw jaltjjapjjäta, juc'aniqui kheparapjjañamcama, cunjämatejj mä lawajj mä kollu patan sayt'jjejj uqhama, jan ucajj cunjämatejj mä chimpojj sayt'ayatajj mä kollu patan uñstejj uqhama.

Levítico 26:7

Jumanacasti uñisirinacamarusa jaltayapjjaraquïtawa, uqhamarac jumanacan uñisirinacamasa espadanacamampi jiwarayataw uñjasipjjaraquini jumanacan nayrakatamanjja;

Levítico 26:8

jumanacat pheskaniwa pataca uñisirinacaru chhuctayanejja; jumanacat patacanisti tunca waranka uñisirinacaruw chhuctayapjjaraquïtajja; jumanacan uñisirinacamasti jumanaca nayrakatan jiwarapjjaraquini.

Zacarías 12:8

Naya Tatituw imaraquëjja Jerusalenan jaquirinacarojja. Jupanacatjja wali t'uqhäpquis ucanacas rey Davidjam wali ch'amaniw tucupjjanejja, Tatitun angelapjama, qhititejj sarantascaraqui jupanacan nayrakatapa.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Deuteronomio 20:3

aqham sasa: ‘Ist'apjjam israelit jakenaca; jichhüruwa uñisirinacamampi nuwasipjjäta. Jan jumanacajj mayjt'asipjjamti, janirac ajjsarapjjamsa; janiraqui qhathatipjjamti ni sustjasipjjamsa,

Deuteronomio 20:4

jan ucasti jumanacan Tatitu Diosamaw jumanacampïsqui; ucatsti jupaw uñisirinacamampi nuwasiscani, jupanacarusti atipjapjjaraquïtawa’ sasa.

Deuteronomio 28:7

“Diosaw amparanacamar catuyätam cunapachatejj uñisirinacamajj nuwantapjjätam ucqhajja. Jumanacampi nuwasiñataquejj suma formt'ataw jutantapjjani, ucampis jumanacar uñjasajj janiw cunjäm jaltjjapjjatapsa amtasipcaniti.

Deuteronomio 3:22

Janirac jumajj jupanacaru ajjsaramti, juman Tatitu Diosamaw jumanacat arjjatasa nuwasiscani’ sasa.

Deuteronomio 32:20

Ucatsti saraquiwa: ‘Kheparuw uñtjjä, ¡cunacjjay lurapjjchini! Chekpachansa khoru chuymani jakenacäpjjewa, jan iyawsañani wawanacaraquiwa.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Josué 10:42

Diosaraquiw Israel marcat arjjatasina nuwasiscäna.

Josué 23:11

Ucampis jumanacpachat amuyasipjjam, Tatitu Diosamaru suma k'oma chuymampiy munapjjam.

Josué 23:3

Jumanacajj uñjapjjtawa cunjämtï Diosajj take jumanac contra sayt'ir marcanacampi lurqui ucjja, jupa quipcaraquiw jumanacar arjjatasa nuwasïnjja.

Jueces 15:15

Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.

Jueces 3:31

Uca khepatsti israelitanacar khespiyirejj Samgar satänwa Anat sat chachan yokapa. Jupasti yunta sarayañ ari puntan fierrompiw sojjta patac filisteonac jiwarayäna. Uqhamatwa Samgar chachajja israelitanacaru khespiyaraquiquïna.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.