Josué 22:8 - Qullan Arunaca

⁸ aqham sasa: “Jumanacasti orakenacamar cutjjapjjam take yänacamampi, uywanacamampi, uqhamarac kori, kollke, bronce, hierro, walja isinacampi. Ucsti jilanacamampi jaljasipjjam cuntejj uñisirinacamat aparanipcta ucanaca” sasa.

Aymar Bibliia 1986

⁸ aqham sasa: “Jumanacasti orakenacamar cutjjapjjam take yänacamampi, uywanacamampi, uqhamarac kori, kollke, bronce, hierro, walja isinacampi. Ucsti jilanacamampi jaljasipjjam cuntejj uñisirinacamat aparanipcta ucanaca” sasa.

Qullan Arunaka DC

⁸ Jupanakarusti sänwa: “Jichhax jumanakax uraqinakamarux, kuntix uñisirinakamat aparapkta uka walja yänakani, walja uywanakani, qurini, qullqini, bronceni, hierroni, walja isinakaniw kuttxapxtaxa. Ukanaksti jilanakamampiw jaljasipxäta” sasa.

Josué 22:8 Jak'a apnaqawi uñst'ayäwi

1 Crónicas 5:9

Inti jalsu tokenjja utt'asïnwa wasararu niy puriñcama Eufrates sat jawircama, jupan uywanacapajj sinti jiljjatatap laycu Galaad sat orakena.

2 Crónicas 17:5

Ucatwa Tatitojj sum utt'ayäna marcapa jupan apnakañapataqui. Juparusti take Judá orakenquiri jakenacawa wajjt'äwinaca churapjjäna, uqhamatsti wali kamir cancañanïnwa, uqhamarac jach'achataraquïnwa.

2 Crónicas 32:27

Ezequiasajj wali kamirïnwa, uqhamarac wali jach'achataraquïnwa, ucatsti jupajj apthapïnwa walja kollke, kori, suma muncaña kalanaca, suma k'apquir perfume kollanaca, escudonaca, uqhamarac take casta wali jila alan yänacaraqui.

Salmos 68:12

“Reyinacamp nuwasir tamanacampejj jaltjjapjjewa, warminacajj catuntat yänac jalanokasipjje.

Proverbios 3:16

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Números 31:27

ucsti payaruw jaljäta. Mä chicatjja nuwasir saririnacaruw laquintäta, chicatsti marcan kheparir jakenacaruraqui.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Hebreos 11:26

Jupajj juc'amp kamirjamwa amuyasïna Cristo laycu jisc'achatäsajja, take Egipto marcan utjirininacat sipansa, cuntejj Diosajj churañapäcän uc yatisina.

1 Samuel 30:16

Ucatsti, cawqhancapcäntejj uca lunthatanacajj ucacamaw irparaquïna. Jupanacasti take uca pampana aywitatatäsipcänwa, ucan mank'asipcäna, umasipcaraquïna, uqhamarac jach'a fiesta lurasipcäna take cunanactejj jupanacajj filisteonacan orakepata, uqhamarac Judá oraketsa lunthatanipcatayna ucanacampi.

1 Samuel 30:24

Jichhasti janiw qhitis jumanacarojj “Waliquiw” sapquiristamti. Jaljasiñansti chicataw wact'istojja, qhitinacatejj yänaca uñjañataqui kheparapqui ucanacampisa, uqhamarac qhitinacatejj guerraru nuwasiri sarapqui ucanacampisa —sasa.