Josué 22:6 - Qullan Arunaca

⁶ Ucanac arsusajj Josué chachajj jupanacarojj bendizjjänwa, uqhamaraquiw qhitanucjjäna, ucatsti jupanacajj utanacaparuw cutjjapjjäna.

Aymar Bibliia 1986

⁶ Ucanac arsusajj Josué chachajj jupanacarojj bendizjjänwa, uqhamaraquiw qhitanucjjäna, ucatsti jupanacajj utanacaparuw cutjjapjjäna.

Qullan Arunaka DC

⁶ Uka qhipatsti, Josué chachax jupanakarux aski waxt'äwinak churasaw khithanukxäna, ukatsti jupanakax utanakaparuw sarxapxäna.

Josué 22:6 Jak'a apnaqawi uñst'ayäwi

Génesis 14:19

Abramarusti aca arunacampiw bendiciraquïna: “Alajjpachanquir Diosaw bendicïtam, jupasti alajjpacha, acapacha luririwa.

Génesis 47:10

Ucjjarusti Jacobojj faraonar suma arunac churasinwa mistuwayjjäna, ucatsti sarjjänwa.

Génesis 47:7

Joseasti awquiparojj faraonan ucaruw irparaquïna, uñt'ayañataqui. Jacobosti wali suma arunacampiw faraonarojj aruntaraquïna.

2 Samuel 6:18

Uca sacrificionaca loktañ tucuyjjasinsti take marcpacharuw, take ch'amani Tatitun sutipjjaru bendiciraquïna.

2 Samuel 6:19

Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

2 Samuel 6:20

Uqhamaraquiw Davidas utaparu cuttanjjaraquïna familiaparu bendiciñataqui, ucampisa Saúl reyin phuchapa Mical warmejja, catokeriw mistunïna, ucatsti saraquïnwa: —¡Israel marcan reyipajj jichhürojj ucqha sumsa lurejjä, uywatanacapan esclavanacap nayrakatanjja, mä jan p'enkan jaker uñtatas tucujjä! —sasa.

1 Reyes 8:66

Quimsakallko ururusti reyejj Israel marcarojj qhitjjänwa, ucatsti jupanacajj reyir bendiciwayasaw utanacapar wali cusisita sarjjapjjäna, Tatitojj take asqui luratapata David sirviriparu, uqhamarac Israel take marcaparusa.

2 Crónicas 30:18

Ucataquejja walja jakenacawa tantachasipjjäna Efraín, Manasés, Isacar, uqhamarac Zabulón ucanacasti, Pascuataqui waquichata mank'at mank'apjjañapataqui, ucampis janiw kellkatarjama phokhapcänti, jan k'omachasipjjatap laycu. Ucampis Ezequiasajj jupanac laycujj oracionwa luräna, aqham sasa: “Qhuyapayasiri Tatitu, jumajj perdonam take qhitinacatejj cheka chuymampi jumar thakapctam ucanacaru,

Éxodo 39:43

Ucampis cunjämtejj Tatitojj siscäna uqhamarjama lurapjjatanacapa uñjasinsti Moisesajj jupanacarojj bendicïnwa.

Lucas 2:34

Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Lucas 24:50

Ucapachaw Jesusajj jupanacarojj irpi Betania marccama; jupasti amparanac aytasinwa jupanacarojj bendici.

Josué 14:13

Ucatsti Josué chachajj Caleb chacharuw bendicïna, Hebrón kollu churasina juparu uqhamarac wawanacapampiru.

Josué 24:28

Ucjjarusti Josué chachajj sapakat mayniruw orakeparcama qhitanucjjäna.

1 Samuel 10:25

Ucjjarusti Samuelojj marcarojj cuna leyinacatejj reino toket utjcani ucanacwa yatiyäna, uca leyinacjja mä libroruw kellksüna, uca librosti Tatitun santuariopan imatäjjaraquïnwa. Ucatsti Samuelojj take jakenacarojj utanacaparuw qhitanucjjäna.

1 Samuel 13:2

Saúl reyejj quimsa waranka soldadonacwa ajllïna israelita jakenac taypitjja. Pä waranka soldadonacasti jupa chicänwa Micmas uqhamarac Betel kollunaca tokena, waranka soldadonacasti Jonatanampi chicaraquiw, Gabaa sisqui uca chekan Benjamín oraken kheparapjjäna, ucat jilt'iri jakenacarusti Saúl reyejj utanacaparuw qhitanucjjäna.

1 Samuel 2:20

Ucatsti Elí sacerdotejj Elcanaru, warmipampirojj aqham sasaw bendicïna: “Tatituw jumarojj cuttayjjätam, aca warmi toke wawanac churasa, cuntejj jupajj churqui ucata” sasa. Ucatsti utaparuw cuttanjjapjjäna.