Josué 22:34 - Qullan Arunaca

³⁴ Rubén, uqhamaraqui Gad tribun wawanacapajj uca altararojj: “Amtasïwi” sasaw sutichapjjäna: “Aca altarajj jiwasaruw amtayistani, Diosajj mä sapa Diosätapa” sasa.

Aymar Bibliia 1986

³⁴ Rubén, uqhamaraqui Gad tribun wawanacapajj uca altararojj: “Amtasïwi” sasaw sutichapjjäna: “Aca altarajj jiwasaruw amtayistani, Diosajj mä sapa Diosätapa” sasa.

Qullan Arunaka DC

³⁴ Rubén, Gad ayllunkirinakan wawanakapax uka altararux: “Amtasïwi” sasaw sutichapxäna, akham sasa: “Aka altarasti jiwasanakarux Diosax mä sapa Diosätapa amtayistani” sasa.

Josué 22:34 Jak'a apnaqawi uñst'ayäwi

Génesis 31:47

Laban chachasti uca chekarojj jupan parlapanjja “Jegar Sahaduta” sasaw sutichäna, Jacobosti parlapanjja “Galaad” sasaraquiw sutichäna.

Génesis 31:48

Laban chachasti saraquïnwa: —Jichhüruwa, aca kala montonajj testigot sayt'i jiwasa paninitaquejja. Ucatwa uca chekajj Galaad satajja.

1 Reyes 18:39

Uqham uñjasinjja, take jakenacawa orakeru alt'asipjjäna p'eke parampi oraker puriyañcama, aqham sasa: “¡Tatituwa Diosajja, Tatituwa Diosajja!” sasa.

Isaías 19:19

Egiptonsti uca urunjja mä altaraw utjaraquini Tatitur loktata, korpanacap jac'ansti mä kalaraquiw sayt'ayatäni Tatitutac sata.

Isaías 43:10

Tatitusti siwa: “Jumanacäpjjtaw nayan khanañchirinacajjajja, nayan ajllit sirvirinacajja, nayaw jumanacar ajllisipjjsma nayar uñt'apjjañamataqui, alcatapjjañamataquiraqui, uqhamat amuyapjjañamataqui qhitïctejj nayajj uca. Nayat nayrajj janiw qhiti diosas utjcänti, acat kheparus janipuniw utjcaniti.

Mateo 4:10

Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

Josué 22:27

jan ucasti mä suma amtasïwïñapataqui nanacampi, jumanacampi, uqhamarac khepat jutir wawanacataquisa, uqhamata jiwasajj mayaqui Diosar sirviñasataqui, juparu naqhantayañatac uywanac loktasa, jucha luräwinacat ofrenda loktasa, uqhamarac sumancthapiyiri loktäwinac loktasa. Uqhamasti janiraquiw wawanacamajj nanacan wawanacajjaru sapcaspati: ‘Janiw jumanacan cuna lurañamas utjquiti Diosampejj’ sasa.

Josué 24:27

Ucat Israel marcarojj saraquïna: —Aca kalasti mä arsurit utt'ayatäniwa, jupaw ist'araqui take cunanactï Diosajj sisquistu ucanacjja. Uqhamaraquiw jumanacatsa mä arsurini, jan jumanacan Diosaru c'arintapjjañamataqui —sasa.