Josué 22:31 - Qullan Arunaca

³¹ Ucatsti Finees sutini Eleazar sacerdoten wawapajj jupanacarojj sänwa: —Jichhasti yattanwa Diosajj jiwasanac taypincascatapa; jumanacajj janiraquiw Dios contras sayt'asiñ amtapcatätati, uqhamatwa jichhajj Diosan mutuyawipat nanacar khespiyapjjesta —sasa.

Aymar Bibliia 1986

³¹ Ucatsti Finees sutini Eleazar sacerdoten wawapajj jupanacarojj sänwa: —Jichhasti yattanwa Diosajj jiwasanac taypincascatapa; jumanacajj janiraquiw Dios contras sayt'asiñ amtapcatätati, uqhamatwa jichhajj Diosan mutuyawipat nanacar khespiyapjjesta —sasa.

Qullan Arunaka DC

³¹ Ukat Finees sacerdotex jupanakar säna: —Jichhasti yattanwa, Tatitun jiwasanak taypinkaskatapa; jumanakax janirakiw Tatitutak sayt'asiñ amtapkatätati, ukhamat jichhax Tatitun mutuyäwipat Israel markax qhispita uñjasi —sasa.

Josué 22:31 Jak'a apnaqawi uñst'ayäwi

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

Esdras 7:5

Abisúa, Finees, Eleazar, uqhamarac Aarón kallta sacerdotetaraqui.

Salmos 68:17

Diosan nuwasiñ carronacapajj warank warankawa: Sinaí kollutpach Diosajj kollan chekawjarojj jutanti.

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Zacarías 8:23

Qhä urunjja, tunca jan uñt'atanacaw yakha marcanquirinacata mä judío jakerojj isipat catuntasipjjani, sapjjaraquiniwa: ‘¡Jumanacamp saraña munapjjta, nanacasti ist'apjjtwa Diosajj jumanacampïtapa!’ ” sasa.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

1 Corintios 14:25

Uqhamatwa cuntejj chuymapar imjjäsqui ucanacajj khanaru mistuni, ucatsti quillt'asisinjja Diosaruw yupaychani, saraquiniwa: “Chekpachawa Diosajj jumanac taypinqui” sasa.

Josué 22:30

Cunapachatï Finees sat sacerdotesa, take Israel marcan jilïri jakenacapasa, uqhamarac sapa familian jilïri jakenacasa, uca Rubén, Gad, uqhamaraqui chicat Manasés tribun arunacap ist'apjjän ucqhajj —Waliquiw —sapjjänwa.

Josué 22:32

Ucanac pasipanjja Finees sacerdotejj uqhamaraqui jach'a jilïri Israel jakenacasa, Galaad chekatjja Canaán orakeruw cuttanjjapjjäna, cawqhancapcantï, israelitanacajj uca chekaru. Cunapachatejj jupanacajj yatiyapjjäna Canaán orakenquir israelita jakenacarojj mayni tribunacatjja,

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.