Josué 22:29 - Qullan Arunaca

²⁹ Diosajj nanacar juchañchapjjetpan, jupa contra sayt'asiñ amtapjjsta ucajja, aca mä altar lurasina naqhantayañataqui uywanac loktañataqui, uqhamaraqui granonacat ofrenda loktañataquisa, jan ucajj cuna wilañchanac loktañataquisa, jiwasan Tatitu Diosasan altarap utjquipana, cawquïritï jupampi Jiquisiñ Carpa nayrajjancqui —sasa.

Aymar Bibliia 1986

²⁹ Diosajj nanacar juchañchapjjetpan, jupa contra sayt'asiñ amtapjjsta ucajja, aca mä altar lurasina naqhantayañataqui uywanac loktañataqui, uqhamaraqui granonacat ofrenda loktañataquisa, jan ucajj cuna wilañchanac loktañataquisa, jiwasan Tatitu Diosasan altarap utjquipana, cawquïritï jupampi Jiquisiñ Carpa nayrajjancqui —sasa.

Qullan Arunaka DC

²⁹ Tatitutak sayt'añ amuyusa, jupat saraqañ amuyusa nanakat jayankpan, janiw Tatitu Diosasan altarapat yaqha altara lurañax wakiskiti; nakt'at waxt'äwinaka, wilañchanak luqtañataki. Tatitu Diosasan altarapax, jupampi Jikisiñ Carpa nayraqatankiwa.

Josué 22:29 Jak'a apnaqawi uñst'ayäwi

Génesis 44:17

Ucampis Joseajj sänwa: —Janiw uqhamäcaniti, qhititejj copajj apcatayna ucaquiw esclavojjäni. Mayninacajj puedjjapjjtaw libre awquiman ucar cuttjjaña. Janiw qhitis cunsa sapcätamti —sasa.

Génesis 44:7

Jupanacasti sapjjaraquïnwa: —¿Cunatsa jumajj uqham parljjayapjjesta? ¡Janipuniw nanacajj cunäquipansa ucjja lurapquiristti!

1 Reyes 21:3

Ucampis Nabot chachajj Acab reyirojj sänwa: —Jan Diosajj munpati jumar churjjañajja, cuntï nayajj awquinacajjata herencia catokcta ucjja —sasa.

2 Reyes 18:22

Jumanacatejj sapjjetasma: ‘Nanacajj Tatit Diosajjaruwa iyawsapjjta’ sasinjja. ¿Janiti Ezequías reyisti apanucqui alto cheka kollunacan yupaychañanaca, uca Diosan altaranacapsa, uqhamarac Judá orakenquiri jakenacaru, Jerusalenanquirinacarusa arsquejja Jerusalén altar sapanaqui Tatitur yupaychañjja?

2 Crónicas 32:12

¿Janiti Ezequiasasti apakayquisti Diosar yupaychaña chekanaca, altaranacsa, ucatjja Judá, Jerusalén orakenquiri jakenacarusa saraqui lurapjjañapataqui Diosar yupaychañataquisa, incienso loktañataquesa mä sapa altaranacjja?

Romanos 3:6

Janiw cunjämatsa uqhamäcaspati. Diosatejj jan chekäcchejja, ¿cunjämarac acapachanquirinacar taripaspasti?

Romanos 6:2

Janiw cunäquipansa. Jiwasanacajj juchataquejj jiwatäjjtanwa; ¿cunjämaraqui wasitat juchampi jacascacsnasti?

Romanos 9:14

Uqhamajj ¿camsapjjañänisa? ¿Diosajj janit chekäqui? Janiw cunäquipansa.

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Josué 22:23

Nanacatï aca altarjja Diosat jithektañataqui lurapjjsta, jan ucajj naqhantatäñatac uywanaca loktäwinaca churañataquïchi, granonacata ofrenda, uqhamarac sumancthapiñataqui loktäwinaca churañataquïchi ucajj, pachpa Tatitu nanacarojj luräwinacajjat wayt'apjjetpan.

Josué 22:26

Ucatwa nanacajj acan mä altar lurañaru uscusipjjta, janiw cunsa naqhantayañataqui uywanac Diosar loktañataquiti ni cuna sacrificionac churañataquisa,

Josué 22:28

Cawquïritï nanacaru, uqhamarac wawanacajjarusa uqham sapjjetaspa ucqhajj nanacasti jupanacarojj sapjjeristwa: ‘Uñtapjjam, awquinacajjasti aca mä altar Diosataqui lurapjjäna, Diosan altarap quipcaqui, ucasti janiwa naqhantayañataqui, uywanac loktañataquiti ni cuna wilañchanac loktañataquisa, jan ucasti mä suma amtasïwit sirviñapataquiwa jumanacampi, nanacampi’ sasa.

Josué 22:30

Cunapachatï Finees sat sacerdotesa, take Israel marcan jilïri jakenacapasa, uqhamarac sapa familian jilïri jakenacasa, uca Rubén, Gad, uqhamaraqui chicat Manasés tribun arunacap ist'apjjän ucqhajj —Waliquiw —sapjjänwa.

Josué 24:16

Ucatsti marcajj sänwa: —Diosajj jan munpati jiwasan juparu apanucuñasjja, yakha diosanacar serviñataqui.

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.