Josué 22:18 - Qullan Arunaca

¹⁸ ¿Cunat juc'ampsa munasipcacta, jichhajj jumanacas Tatitutjja saraktapjjañamataquejja? Jumanacatejj jichhüru Dios contra sayt'asipjjätajja, kharürojj Tatitojj Israel marcataquejj colerasiraquiniwa.

Aymar Bibliia 1986

¹⁸ ¿Cunat juc'ampsa munasipcacta, jichhajj jumanacas Tatitutjja saraktapjjañamataquejja? Jumanacatejj jichhüru Dios contra sayt'asipjjätajja, kharürojj Tatitojj Israel marcataquejj colerasiraquiniwa.

Qullan Arunaka DC

¹⁸ ¿Kunat juk'ampsa munasipkakta, jichhas jumanakan Tatitut saraqtapxañamatakixa? Jumanakatix jichhüru Tatitutaki sayt'asipxäta ukaxa, qharürux jupax taqpach Israel markatakix q'apisirakiniwa.

Josué 22:18 Jak'a apnaqawi uñst'ayäwi

2 Samuel 24:1

Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

1 Reyes 9:6

Ucampis jumanacatejj uqhamarac wawanacamasa nayat sarakapjjetäta, ucatsti janiraqui camachi arunacajjarusa phokhapcätati, uqhamarac leyinacajjsa churapcsma ucarusa, jan ucasti yakha diosanacaruqui sirvipjjäta yupaychapjjäta ucajja,

2 Reyes 17:21

Israelarojj jaljtayänwa Davidan familiapata, ucatjja israelitanacajj Nabat chachan Jeroboam yokaparuwa reyit utt'ayasipjjäna, jupasti israelitanacarojj Tatitutjja saraktayänwa, sinti jucha lurañanacaru puriyasa.

1 Crónicas 21:1

Supayajj israelitanacataquiw sayt'äna, ucatsti Davidarojj amtayänwa Israel marcar mä jacthapiña aptatäñapataqui.

1 Crónicas 21:14

Ucatsti Tatitojj Israel marcjjarojja mä jach'a uswa apayanïna, ucatsti pakallk tunc waranka israelit jakenacaw jiwarapjjäna.

2 Crónicas 25:27

Cunapachatï Amasías reyejj Tatitut sarakjjäna ucqhajja, Jerusalén marcanjja Amasías contraw jan wali lurañataqui amtapjjäna, ucampis jupajj Laquis sat chekaruw jaltjjäna. Juparusti uca marcacama arctasinwa jiwayapjjäna.

2 Crónicas 34:33

Josías reyisti israelitanacan take orakepatjja, ajjtcaña luräwinacjja takwa apakayäna, Israelpachana take utjiri jakenacaparusti Tatit Diosaparuwa yupaychayaraquïna. Jupan jacañapcamasti janiw nayra awquinacapan Tatit Diosapat sarakapcänti.

Levítico 10:6

Ucat Moisesajj Aaronampiru, Eleazar, uqhamarac Itamar uca wawanacapampiruw aqham saraquïna: —Jan jichhajj ñic'utanacamsa jararasipjjamti ni luto isimpisa ist'asipjjaraquimti, uqhamata usuyasitanacama uñacht'ayañataquejja, ucataraqui jumanacamppacha jiwarasipcasma, Tatitusti aca marcjjaru colerasiñapsa wartasincaraquispa. Ucampisa familianacapajj jachasipcpan, uqhamarac take israelita jakenacasa, Tatitojj uqhama aca naqhantäwi apayanitapata.

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 32:15

Jumanacatejj jan Tatitur arcañ munapcsta ucqhajj, jupasti walja maranacampiw israelitanacarojj wasaran sarnakayani, ucatsti jumanacaw juchanïpjjäta Israelan t'unjasiñapataquejja —sasa.

Deuteronomio 7:4

Uqham lurapjjasma ucqhasti jupanacajj jumanacan wawanacamarojj Tatitu Diosat armasiyapjjaspa, yakha diosanacaruw yupaychapjjaraquispa. Ucatsti Tatitu Diosan colerasiñapaw jumanac contra sartani ucat mä ratoquiw t'unjapjjätam.

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa:

Josué 22:16

—Nanacasti Diosan marcapan sutipjjaruw parlapjjsma. ¿Cunatsa jumanacajj Israel marcan Diosaparu ñankhachapjjta ucanac lurasajja? ¿Cunatsa Diosar apanucusina mä altar lurasisina Dios contra sayt'apjjta?

Josué 22:20

Amtasipjjaraquim Acán sat Zara chachan wawapajj jucha lurcän ucata. Jupasti cunatejj t'unjatäñapäcän Tatitur loktasina, ucanacwa catuntasïna; Acán chachan juchap laycojja Diosajj take Israel marcataquiw colerasïna, janiraquiw jupa sapaquis juchap laycojj jiwcänti —sasa.

Josué 7:1

Ucampis Israel marcajj janiw phokcänti cuntejj Diosajj siscatayna ucanacjja. Diosasti: “Janiw cunsa Jericó marcat aptasipjjätati” sänwa. Ucampis mä jakew utjäna Acán sat sutini, Judá tributa, jupasti Carmi sat jaken yokapänwa; Carmisti Zabdin wawaparaqui; Zabdisti Zaran wawaparaquïnwa. Aca jakesti Jericó marcatjja walja yänac jupatac apasinïna, cawquïrinactï Tatitojj take t'unjapjjät siscatayna ucanacatjja. Ucatwa Tatitojj Israel marcataqui wali colerasïna.

Josué 7:11

Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.

Josué 7:21

Jericó marcar mantasinjja, nayajj Babiloniat apanit mä suma manto aptasta, ucatsti mä kilo kollkempi, uqhamarac mä kori barrampi cawquïritï chica kilonïna uca. Ucanacsti sintpunwa munayäta ucat ucanac aptasinta. Jichhasti ucanacjja orakeruw carpajj mankhan allintta, kollkjja mankharu —sasa.

1 Samuel 12:14

Jichhajj jumanacarojj wact'apjjtamwa Tatituru ajjsartapjjañama, uqhamaraqui juparu yupaychapjjañama, arunacapsa ist'apjjañamaraqui, camachi arunacapsa janiraqui taquisipjjañama, ucatsti jumanacar apnaker reyisa, jumanacasa Tatitu Diosan munañaparjama jacapjjañama.

1 Samuel 12:20

Samuelosti saraquïnwa: —Jan ajjsarapjjamti. Chekpachansa jumanacajj sinti jan wali lurapjjatätajja; ucampisa jichhajj jan Tatitutjja sarakapjjamti, jan ucasti take chuymampi jupar yupaychapjjam.