Josué 22:15 - Qullan Arunaca

¹⁵ Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa:

Aymar Bibliia 1986

¹⁵ Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa:

Qullan Arunaka DC

¹⁵ Galaad chiqaru purisinsti, jupanakarux sapxänwa:

Josué 22:15 Jak'a apnaqawi uñst'ayäwi

1 Crónicas 21:3

Ucatsti Joab chachajj sänwa: —Tatitojj marcaparojj juc'ampi jiljjataypan pataca cuti ucqhampi, kawkhatejj utjctan ucjjaru, ucampis ¿janitisti take jupanacajj juma reyin sirvirimäpquisti? ¿Cunatsa juma reyejj jacthapiña muntajja? ¿Cunatsa Israel marcajj juchañchasinejja?

2 Crónicas 10:19

Uqhamatwa Israel marcajj David casta reyinac contra tucüna, jichhürunaccama.

2 Crónicas 25:27

Cunapachatï Amasías reyejj Tatitut sarakjjäna ucqhajja, Jerusalén marcanjja Amasías contraw jan wali lurañataqui amtapjjäna, ucampis jupajj Laquis sat chekaruw jaltjjäna. Juparusti uca marcacama arctasinwa jiwayapjjäna.

2 Crónicas 26:18

Jupanacasti reyimpi jiquintasisinwa, aqham sapjjäna: “Uzías reyi, Tatitur incienso loktañasti janiw juma reyiru wact'ctamti, jan ucasti Aarón chachan saraker sacerdotenacaparuwa wact'i, jupanacaraquiw ucanac lurañataqui loktatäpjje. Santuariotjja juma reyejj mistunim, jumajja Dios nayrakatan aqham jan wali lurtajja, ucatsti Diosajj janiw jumar jach'ar aptcätamti” sasa.

2 Crónicas 28:13

ucatsti sapjjänwa: —Jan acar apanipjjamti presonacaru, ucanacasti Tatitun nayrakatapanjja juchanitwa ut'ayistani. Cuntï jumanacajj lura munapcta ucanacampejja walja juchanacasaruwa juc'amp jiljjatayapjjäta, ucatsti Tatitojj Israelampejj sinti colerasini —sasa.

Esdras 9:15

“Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Éxodo 32:8

Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.

Isaías 63:10

Ucampis jupanacajj Tatitutaquiw sayt'asipjje, k'oma cancañaparusti ñankhachapjjaraquiwa; ucatwa jupanacataquejj mä uñisiri, nuwjiriraqui tucuraquejja.

Levítico 26:40

“Jumanacajj ñankha luratanacamsa, uqhamarac awquinacaman ñankha luratanacapsa uñt'asipcätawa, uqhamarac nayarusa jan take chuymampi arcapjjatamsa, uqhamarac naya contra sayt'asipjjatanacamsa,

Levítico 5:19

Uca loktäwisti yatcasina pantjasïwi jucha luratanacat loktatawa, uca jakejj Tatitu nayrakatan juchanïtap laycu.”

Números 14:43

Qhä nayrakatanjja amalecitanaca, cananeonacaw suyapjjtam jumanacampi nuwasiñataqui, uqhamarac jumanacar jiwarayañataqui. Jumanacasti Tatitu Diosarojj apanucupjjtawa, jupasti janiw jumanacampi chicäcjjeti —sasa.

Números 32:15

Jumanacatejj jan Tatitur arcañ munapcsta ucqhajj, jupasti walja maranacampiw israelitanacarojj wasaran sarnakayani, ucatsti jumanacaw juchanïpjjäta Israelan t'unjasiñapataquejja —sasa.

Números 5:6

“Take Israelitanacar aqham sam: Cunapachatejj cawquïri jakesa, mä warmisa, Tatitur jan suma arccani, uqhamarac cuna jan walinacsa jake masipar lurani mä jach'a jucha lurasa,

Mateo 18:17

Janipuni jupanacarus ist'cjjani ucasti iglespachar jawsthapim, ucat janiraqui jupanacarus ist'cjjani ucasti, Diosar jan iyawsquis uqhamaru uñj-jjapjjam, jan ucajj impuesto cobrir uñisita jakerjamasa.

1 Corintios 1:10

Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

1 Corintios 5:4

Jumanacajj Tatitun sutiparu tantacht'asipjjam, nayasti ajayunjja jumanac chicäyäwa, Tatitun ch'amapasti jumanac chicaraquïniwa.

Deuteronomio 30:17

Ucampis take aca arunacarutejj jan ist'cäta, uqhamaraqui maysarus sarakaraquïta, yakha diosanacaru yupaycharaquïta, jupanacaru quillt'asiraquïta ucapachajj,

Deuteronomio 7:4

Uqham lurapjjasma ucqhasti jupanacajj jumanacan wawanacamarojj Tatitu Diosat armasiyapjjaspa, yakha diosanacaruw yupaychapjjaraquispa. Ucatsti Tatitu Diosan colerasiñapaw jumanac contra sartani ucat mä ratoquiw t'unjapjjätam.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Josué 22:12

Uc ist'asinjja take Israel jakenacaw Silo sat chekan tantacht'asipjjäna jupanacampi nuwasir sarañataqui.

Josué 22:14

Jupampi chicasti tunca jach'a jilïri Israel jakenacaw sarapjjaraquïna, sapakat mayniraquiw familiapata, uqhamaraqui tribupat uñstapjjaraquïna.

Josué 22:16

—Nanacasti Diosan marcapan sutipjjaruw parlapjjsma. ¿Cunatsa jumanacajj Israel marcan Diosaparu ñankhachapjjta ucanac lurasajja? ¿Cunatsa Diosar apanucusina mä altar lurasisina Dios contra sayt'apjjta?

Josué 22:18

¿Cunat juc'ampsa munasipcacta, jichhajj jumanacas Tatitutjja saraktapjjañamataquejja? Jumanacatejj jichhüru Dios contra sayt'asipjjätajja, kharürojj Tatitojj Israel marcataquejj colerasiraquiniwa.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”