Josué 21:45 - Qullan Arunaca

⁴⁵ Cuntejj Diosajj arsuwaycäna ucanacasti takew phokhasïna, israelit jakenacampejj janiw cunas jan phokhatajj kheparcänti.

Aymar Bibliia 1986

⁴⁵ Cuntejj Diosajj arsuwaycäna ucanacasti takew phokhasïna, israelit jakenacampejj janiw cunas jan phokhatajj kheparcänti.

Qullan Arunaka DC

⁴⁵ Kuntix Tatitux israelitanakar arsuwaykäna uka arunakax taqipuniw phuqhasïna.

Josué 21:45 Jak'a apnaqawi uñst'ayäwi

1 Reyes 8:15

aqham sasa: “Bendicitäpan Israel marcan Tatit Diosapajja, jupajj phokhewa cuntejj David awquejjaru arscäna ucjja, cunapachatejj aqham arscäna:

1 Reyes 8:20

“Jichhasti Tatitojj arsutapjja phokhewa. Cunjämtejj jupajj siscäna uqhamaru, nayajj David awquejjana utjäwipwa catta, ucatsti Israelan tronoparusa kont'asiractwa, uqhamarac mä templsa luraracta Israelan Tatit Diosapataqui.

1 Reyes 8:24

Jumasti phokharactawa David awquejjaru arscäyäta ucjja, uqhamatwa jichhürunjja luräwimpisa arsutampisa phokhasi.

1 Reyes 8:56

“¡Tatitojj bendicitäpan, jupawa Israel marcaparu samaraña churi, cunjämatï arscäna uqhamaru! Tatitusti janiw armasquiti Moisés sirvirip toke cuna arsüwinactï phokhañataqui arscäna uca laycu.

Nehemías 9:8

Jumasti uñjtawa jupajj jumar iyawsatama, uqhamarac jupampejj mä suma amtäwiruw mantapjjtajja; juman churañamataqui jupat sarakeri jakenacaru cananeonacana, hititanacana, amorreonacana, ferezeonacana, jebuseonacana, uqhamarac gergeseonacana orakenacapa. ¡Ucatsti jumajj phoktawa arsutamarojj, jumajj wiñay phokhañpuni yattajja, uca laycu!

Isaías 48:3

Nayratpachwa cunanacatejj lurascänjja ucanac yatiysma, naya quipcaw yatiysma. Acatjamatwa lurtjja amtatajjasti phokhasjjaraquiwa.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

1 Corintios 1:9

Diosajj arsutanacaparojj phokhapuniwa. Juparaquiw Jesucristo Tatitusampi chekäpjjañamataqui jawsapjjtamjja.

1 Tesalonicenses 5:24

Cawquïritejj jawsapctam ucajja phokheriwa, uqhamajj phokhaniw take acanacjja.

Tito 1:2

uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

1 Samuel 3:19

Samuelosti niya jilsuscaraquïnwa, Tatitusti juparojj yanaparaquïnwa, janiraquiw cuntejj arscatayna ucanacjja jan phokhasa jaytcänti.